Loi e Troa Inine La Tusi Hmitrötre Kowe La Itre Atr Ngöne La Itre Hnalapa
1 Celë hi ewekë ka acaasine la ketre föe ne Tanzania, me ketre jajinyi ne Arezatina, me ketre thine ne Lativia? Hna cinyihane hnine la Annuaire 1997 (g. 8, 46, me 56) ka hape hnei angatre asë hi hna canga kökötre ngöne la ua jëne la hna ini Tusi Hmitrötre ngöne isa hnalapa, nge jëne fe la aja i angatre troa anyimua etid e nöjei wiike ngöne la itus Connaissance. Hna amekötine laka maine ijij, ke, loi e tro la itretre cainöje a thele troa ce ithahnatane la caa mekene la itus, ngöne la nöjei wiike ne kola kuca la etid. Thaa tro kö a xome la aqane kuca celë me ketre hna amekötine ka cile huti hë. Ngo, maine ijije hi, ke, loi e tro së a ithahnatane la itre paragarafe ka nyimutre, ngo thenge la aqane isa aqane mele me isa inamacane ne la hnainin. Hnene la itre ka ini ka maca ngöne la aqane troa waiewekë, hna kepe thangane ka loi qa ngöne la hna trongëne hnyawane la itre mekune celë.
2 Tune lo hna qeje pengöne ngöne la sine trongene la Huliwa ne Baselaia ne treu juune 1996, nyipi ewekë troa inine la itre hnainine troa pane hnëkëne la etid. Ngöne la xötrei, loi e troa qeje pengöne me iamacanyine la aqane troa hnëkëne ej. Amamai angatre jë la sipu itusi ne etidi epun, ene la itus Connaissance. Ce hnëkëne jë me angatre la pane ini. Xatuane jë la itre hnainine troa thele la itre hnepe hnaewekë ka tru alien, maine itre hnaewekë ka sa mekötine la hnyinge hna fejan, nge thupene lai, troa sija maine nyihatrene itre ej. Hnene la itre xaa ka cainöje hna hamë peeni me marköre kowe la itre hnainin. Xatua angatre jë troa goeëne asë la itre mekene tus, ngöne la angatre a hnëkëne la etid. Maine tro epuni a kuca tune lai, ke, haawe, epuni hi lai a ini angatre troa hnëkë troa hane sine la ini tus ne la ekalesia, memine la etid ne La Tour de Garde.—Luka 6:40.
3 Tro la ka ini ka maca a hane nue la atr hna ithahnata kow, troa hane qaja la mekune i angeic, ngo thaa tro kö angeice a ithahnata hmekuj. Loi e tro angeice a thupëne matre thaa tro kö a jea qa ngöne la topik, me qaja menune pena ha la itre mekune ka thaa nyipi ewekë catre kö. Thaa loi kö e tro angeice a xome la itre xaa mekune e tröne la itus. Ngo, angeice pe a thele troa amamane hnyawa la itre mekune ka tru ne la ini hna etidin. Hnei itre xane hna hamëne la itre xaa itus kowe la itre hnainin, matre troa xatua angatre troa hane xome la itre mekune ka sa la itre hnyinge i angatr. Nge, kolo fe a kapa la itre xaa mekune ju kö hnene la itre atr ka hetre hni ka ajan, ngöne la angatre a hane sine la itre icasikeu ne la ekalesia.
4 Thaa nyipi ewekë kö troa thele asë la itre mekene tusi hna hamëne ngöne la ini hna etidin. Ame itre xaa mekune ka tru, ke, hna qejepengöne itre eje ngöne la itre mekene tus hna fejane hnine la paragaraf. Ngöne la kola ce wange hmaca la hna inin, qaja atrune jë la itre mekene tus ka tru aliene hna ce ithahnatane hë, nge xatuane jë la hnainine troa lapa mekune pala hi itre ej.
5 Nge Tuneka La Eqeane La Etid?: Thaa hna amekötine kö tro hi a kuca la etid koi caa hawa. Ame itre xaa atr, ke pëkö ejolene e troa sasaithe la caa hawa, pine laka, hetre ijin nge aja i angatre troa pane aqeane la etid. Maine pena, kola ajane hnene la hnainine troa anyimua etid ngöne la wiik. Tru la itre thangane ka loi hna kapa hnene la itre ka kuca tune lai.
6 Tune la hna qeje pengöne ngöne Isaia 60:8, ame enehila ke, itre hadredre thauzane lao atr ka xötrei traqa troa atrunyi Iehova, “itete sheshë tune la iawe? me tune la ite meketë kowe la ite qëhnelö i nyuden?” hnine la itre ekalesia ne la nöje i Nyidrë. Loi e tro asë hi së a kuca la götrane qa së, ene la troa catre huliwa me Iehova, pine laka, Nyidrë a nyimenyime troa iacasinekeune la itre atr hna aceitunëne me itre mamoe.—Is. 60:22.