Itre Qatre Thupe a Elemekene La Huliwa—Seketere
1 Nyipi ewekë la huliwa ne la seketere ne la ekalesia, ngöne laka nyidrë a thele troa “kuca alolone me amekötine la nöjei ewekë asë.” (1 Kor. 14:40) Pine laka, nyidrëti la ketre atrene la Kometr ne huliwa ne cainöje ne la ekalesia, haawe, nyidrëti a hnehengazone la itre ithuemacanyi thatraqane la ekalesia, memine la itre huliwa nyine eatrën. Ngacama sihngödri koi së la itre huliwa hnei nyidrëti hna kuca, ngo ame pe, ka nyipi ewekë catre koi së itre ej, nge easë a wangatrune hnyawa itre ej.
2 Ame la kola kapa hnene la seketere la itre tusi qa thei sasaiatri, maine qa thei itre xane pena, haawe, nyidrëti a wange hnyawa la alien, me thele la aqane troa aeatrëne la ewekë hna ajane hnene la atre iupi fë tus. Loi e troa xecie koi nyidrëti laka, ase asë hë la itre qatre thupe goeëne la itre tus, nge thupene lai, troa amë hnyawa itre eje matre thaa jole e troa goeëne hmaca thupen. Nyidrëti fe a goeëne hnyawa la itre pepa ne sipo göi zonal, me itre xaa itusi ju kö, me iupi fë itre eje koi sasaiatri. Nyidrëti fe a elemekene la huliwa ne la itre ka kuci compte me abonnement, ketre tune mina fe la itre hna amekötine asë thatraqane la itre kovasio.
3 Nyipi ewekë catre tro asë hi së a canga hamëne ngöne la pune la nöjei treu, la rapore ne hna cainöje hne së, pine laka, kola troa iupi fë itre eje hnene la seketere qëmekene la drai 6 ne la treu ka traqa. Nge nyidrëti fe a troa isa cinyihane la rapore ne la itretre cainöje asë, ngöne la itre karte i angatr. Atreine hi troa sipone me goeëne hnene la itretre cainöj, la itre sipu karte i angatr.
4 Ame ngöne la kola traqa kowe la ekalesia hnene la atre cainöj, maine tro pena qa ngön, loi e troa sipone maine iupi fë hnene la seketere kowe la itre qatre thupe ne la ketre ekalesia, la ketre tusi nyine sine trongene la karte ne la trejine ka saze ekalesia.—Notre ministère, g. 105-6.
5 Troa wange hmaca hnene la seketere la huliwa ne la itre pionie, me ce waipengöne memine la itre qatre thup, memine lo atre thupëne la huliwa ne cainöj, la itre jole hna cile kow hnene la itre trejine ka pionie. Nyidrëti fe a thuemacane la itre trejine ka xomiujine la itre Ini Tusi ne la ekalesia, la pengöne la itretre cainöje ka thaa hane kö hamë rapore ngöne la itre xaa treu. Ketre, kola ce thele hnene la seketere memine la atre thupëne la huliwa ne cainöj, matre troa xatuane la itre trejine ka nanazije tro hmaca a hane cainöjëne la maca ka loi.—Huliwa ne Baselaia ne nofeba 1987, g. 1.
6 Maine tro së a hane wangatrune hnyawa la itre hnëqa ne la seketere, haawe, ijije fe tro së a hane kuca la hne së hna atrein, matre troa xatua nyidrë, nge matre troa hmaloi tro nyidrëti a aeatrene hnyawa la hnëqa i nyidrë, ene la troa thupë ewekë.—1 Kor. 4:2.