Iehova a Hamëne La Trengecatre i Nyidrë
1 Nemene la hnei nyipunieti hna mekune göi Paulo aposetolo? Tune la hne së hna e ngöne la itusi Ite huliwa, easë a madrine la la aqane catre kuca nyidrë la huliwa i Iehova. Tune kaa la aqane kuca Paulo la hnei nyidrëti hna atrein? Öni nyidrë ka hape: “Ateine ni troa kuca la nöjei ewekë asëjëihë hnei nyidëti ate aegöcatenyi ni.” (Fil. 4:13) Atreine mina fe tro së a hane kapa la trenge catre qaathei Iehova. Troa tune kaa? Hnene la troa thele troa kepe thangane qa ngöne la sikisi lao ewekë hna hnëkëne hnei Nyidrëti koi së, matre troa aegöcatrenyi së me ithuecatre koi së ngöne la götrane la ua.
2 Wesi Ula i Akötresie: Tune la easë a xeni matre troa egöcatre pala hi la ngönetrei së, haawe easë mina fe a ithuane la mele së hnene la Wesi Ula i Akötresie, matre tro sa cile catre ngöne la götrane la ua. (Mat. 4:4) Kola hamëne hnei Tusi Hmitrötre la trenge catr, matre troa xatua së. Maine easë a ajane troa madrine me lapa qale catre kowe la nyipici, nyipi ewekë tro së a catre isa inine me thele ewekë hnine la Wesi Ula i Akötresie, e maine ijije ngöne la nöjei drai.—Sal. 1:2, 3.
3 Thith: Nyipi ewekë catre tro së a qale catre koi Iehova, ngöne fe lo ijine easë a ajane catrë Nyidrë. Jëne la uati Hmitrötr, Nyidrëti a hamëne la trenge catre kowe la itre atr ka sipone koi Nyidrëti jëne la thith. (Luka 11:13; Efe. 3:16) Kola xatua së hnei Tusi Hmitrötre troa “thithi iel.” (Rom. 12:12) Hapeu, nyipunieti kö a hane kuca tune lai?
4 Ekalesia: Easë mina fe a kapa mekötine la itre ithuecatr, qa hnine la itre icasikeu ne la ekalesia, memine la aqane keukawane la itre trejine me easë, trahmanyi me föe. (Heb. 10:24, 25) Ame ngöne la kola traqa la ketre jole koi së, angatre a xatua së troa cile catr, nge angatre a amamane la ihnimi angatr, me ceme së ngöne la itre akötre së.—Ite edomë 17:17; Ate Cai. 4:10.
5 Cainöje Trooto: Ketre ixatua ka tru fe la troa cainöjëne pala hi la maca ka loi, ke easë a caa hna goeëne pala hi, ene la Baselaia memine la itre manathithi hna troa kapa qa ngön. Kola kökötre the së la madrine ngöne la easë a xatuane la itre xaa atr, troa atre Iehova. (Ite huliwa 20:35) Eje hi laka, thaa jiji së asë kö troa tro kowe la itre götrane gaa aja ka cainöj, me cainöje ngöne la itre drai ka pexej, ngo ijije hi tro së a hane xome la itre xaa aqane troa hane cainöjëne la maca ka loi.—Heb. 6:10-12.
6 Itre Keresiano Itretre Thup: Easë a kapa la ithuecatre memine la ixatua hna hamëne hnene la itre qatre thup. Hnei Iehova hna acili angatre troa thupëne la itre mamoe i Nyidrë. (1 Pet. 5:2) Kola eköthe la lapaune ne la itre ekalesia hnene la itretre thupe ka iwai trootro, tune lo aqane kuca Paulo ekö.—Rom. 1:11, 12.
7 Tulu Ne La Itre Trejine Ka Mele Nyipici: Kola xatua së hnene la itre tulu ka lolo ne la itre trejine ka catre ce huliwa, ekö me enehila hnedrai së. (Heb. 12:1) Maine easë a aja ithuecatr, tune kaa matre pane e ju së la aqane mele ne la ketre trejine e hnine la itre zonale së, maine ketre rapore ngöne la Annuaire, maine itre mekune ka lolo e hnine la itus, Prédicateurs, ngöne lo mele ne la Itretre Anyipici Iehova ngöne la hnedrai së?
8 Kolo hë a troa 90 lao macatre ne la ketre trejine enehila, hnei nyidrë hna kapa la nyipici ngöne la nyidrëti a nekönatr. Ame ngöne lo nyidrëti a thöth, hna pane tupathe la lapaune i nyidrë. Ala nyimu la itre ka pane atre la nyipici, me catre ce huliwa hnine la ekalesia, angatre a tro trije la organizasio i Iehova. Thupene lai angeice a öhne laka, thaa ewekë ka hmaloi kö la troa cainöje trootro. Ngo hnei angeice pala hi hna mejiune koi Iehova. Ene pe angeice hë a madrine troa hane cainöje trootro. Tune kaa ha enehila? Ngacama kola uti ipië trootro la mele i nyidrë, ngo nyidrëti pala hi e hnine la Bethela ne Brooklyn, a ketre atrene la Collège central. Atraqatre la madrine i nyidrë troa mekune hmaca lo itre aqane catre qale nyidrë kowe la organizasio i Iehova.
9 Hetrenyi la ketre trejine föe ka mele hnine la Bethela ne Agele, hna bapataiso eahlo nge 13 lao macatre i eahlo. Hnei eahlo hna nyiqaane xome la huliwa ne pionie ngöne la macatre thupen, cememine la trejine me eahlo trahmany; ame ngöne la macatre thupen, hna akalabusine la keme i nyidro pine la hnei nyidrëti hna thaa hane sine la Hnaaluene Isi Ka Tru. Ngo hnei eahlo pala hi hna thele la trenge catre thei Iehova, me catre nyihluei Akötresie. Enehila faipoipo hë eahlo memine la ketre trejine ka mele nyipici koi Iehova, nge nyidroti a catre troa ce kuca pala hi la aja i Iehova. Thupene la 35 lao macatre ne faipoipo, hna meci ju hi la föi eahlo. Ene pe eahlo hmaca a qale catre koi Iehova, nge uti hë enehila eahlo pala hi a nyihluei Iehova hnine la hnepe lapa i Nyidrë.
10 Iehova a xatuane me ithuecatrene la itretre nyihluei Nyidrëti ka mele nyipici koi Nyidrë. “Nyidrëti a thue egöcatrene la ka kucakuca, me hamën’ atrune la cate kowe la ka pë men.” Atreine hi tro sa hane kapa la mene i Akötresie, ka pëkö ifegone ej; qa ngöne lai, nyipi ewekë tro sa xome me melëne asë caha sikisi lao aqane troa hetrenyi la trenge catre qaathei Iehova. Mekune hnyawa pala hi së laka: “Tro angete teqe Iehova a hete xa egöcat. . . . Tro angat’ a nyenyape, nge tha tro kö a sixetë; tro angat’ a tro, nge tha tro kö a kucakuca.” (Is. 40:29-31) Hnei Paulo pala hi hna qale catre koi Iehova me thele trenge catre thei Nyidrë, haawe, nyipi ewekë mina fe tro së a hane tui nyidrë.