Troa Qeje Nemen Gön La Itre Zonal

La Tour de Garde 15 Oko.

“Nemen la nyine troa kuca matre troa hetreny la ketre fen ka sisitria nge ka lolo? [Nue pi troa sa.] Hnene la atr hna tupath la nöjei pengöne mus matre troa hetre mele ka loi. Ngo hanawang la aqane mekune i Akötresie. [E Jë la Ieremia 10:23.] Kola amaman hnene la hna cinyihan celë ‘La Jëne Manathith Kowe La Fen,’ memin la aqane troa eatr la ewekë cili laka easenyi catre hë.”

Réveillez-vous! 22 Oko.

“Hapeu, nyipici kö laka jole catre kö la mele ne la itre atr ne la hnedrai së hune ekö lo? [Nue pi troa sa.] Hna perofetane hë la hnedrai së hnene la Tusi Hmitrötr. [E jë la 2 Timoteo 3:1.] Nyimutre la itre atr ka kucakuca, qa ngöne laka, jole catr la mel. Hetre nyipi ithuecatr hna troa hamën hnene la zonal celë. Ej a amaman la aqane troa hetreny la mejiun ka catr, memine la nyine troa kuca matre troa nyipi ewekë la mele së.”

La Tour de Garde 1 Nof.

Thupene la hna qaja la ketre ewekë ka ngazo ka traqa, hnyinge ju ka hape: “Pine nemen matre kola kuca hnene la itre atr la itre ewekë ka ngazo cili? Pëkö atr ka thatre la loi qa ngöne la ngazo, ngo angatr pala kö a kuca la itre ewekë la ngazo. Pine nemen? [Thupen la hna sa, e jë la Hna Amamane 12:9.] Kola qejepengöne la aqane troa thupëne la mele së hnene laka hne së hna nyihyawan pala hi la mekuthethewe së.”

Réveillez-vous! 8 Nof.

“Ma eje fe la mekuna i nyipunieti laka, easë a melën enehila la itre hneijine ka ngazo. [Thupene la hna sa, e jë la 2 Timoteo 3:3.] Ame ngöne la itre xaa ijin, tre, kola traqa e hnine la fami la itre thiina ka ‘iakötrë.’ Tro la hna cinyihane celë hna hape ‘Xatuane Jë La Itre Föe Hna Lep,’ a amamane la maca ne mejiun. Maine jë atre hi nyipunie la ketre e angatr a hna lepe lapaan.”