Troa Qeje Nemen Gön La Itre Zonal
La Tour de Garde 1 Ogas
“Nyimutre la itre atr ka mejiun laka, ame la itre ewekë ka traqa kowe la mele i angatr, tune la itre mec maine itre eatr pena, tre, itre hatrene lai hna ahnith hnene la itre ka mec, laka angatr enehila ngöne la ketre götran ne la ua. [E jë lai paragaraf 5 ngöne götrane 4] Hapeu, nyipici kö lai? [Thupene la hna sa, e jë la Hna Amamane 12:9.] Tune la hna amaman hnene la xötre celë, Satana a tupathi së hnene la itre mekun hna eköth hnene la itre atr, matre troa amenu së. Nyipi ewekë tro sa trotrohnine hnyawa la mekuna i Tusi Hmitrötr göi itre aqane mel me mekune ka xulu qaathei atr.”
Réveillez-vous! 8 Ogas
“Maine jë epuni a hane kapa la mekun, ene laka, tru catr la iakötrë ngöne la hneijine së. Kola mama laka, thaa xomi ini kö së qa ngöne lo itre ewekë ka ngazo ka traqa ekö koi së. [Amamane jë la itre iatr götrane 6 me 7.] Nemen la kepine lai? [Nue pi troa sa, nge e jë la Ieremia 10:23.] Kola ithanatan hnene la Réveillez-vous ! la itre ini hne së hna kapa ha, me amaman la aqane troa paatr elany la musi ne la atr.”
La Tour de Garde 15 Ogas
“Hapeu la mekuna i epun, drei la hne së hna troa mele nyipici kow? [Nue pi troa sa.] Kola amamane hnene la hna cinyihane celë la aqane tro sa mele nyipici kowe la nyipi Akötresie. [Amamane jë la götrane 5, nge e jë la 2 Samuela 22:26.] Atre fe hi nyipunieti laka, atreine hi troa sewe së hnene la aqane mele nyipici së koi Akötresie, troa kuca la ketre ewekë ka ngazo kowe la itre xaa atr? Eni a mejiun laka, tro nyipunieti a madrin troa e la zonale celë.”
Réveillez-vous! 22 Ogas
“Epuni kö a hane hnehengazon, laka, thatreine hë la atr troa cile kowe la itre aqane angazon la ihnadro? [Nue pi troa sa.] Ame la ketre qaan ka tru matre kola jole la fen, tre, hnene laka, tru la hna aluuzi ewekë hnene la atr. Hnei Iesu hna inine la itretre drei nyidrë, ka hape, thaa tro kö a aluuzi ewekë. [E jë la Ioane 6:12.] Kola amaman hnene la zonale celë la aqane tro la itre trepene meköti a xatuan la itre hnepe lapa, troa thupën matre thaa tro kö a eje e kuhu hni angatr la aluuzi ewekë.”