Troa Qeje Nemen Gön La Itre Zonal

La Tour de Garde 1 Julai

“Ame la ketre ewekë hne së hna ajane catrën, easë itre atr, tre, ene la troa hnime la itre xan nge tro mina fe a hane hnimi së. [E jë la itre mekune ka qejepengöne la iatr ngöne la götrane 4.] Ngo, hane kö epuni wangatrehmekun laka, ame la itre atr ngöne la hneijine së tre angatr a amë panëne la itre xaa ewekë? [Nue pi troa sa.] Kola ithanatan hnene la zonale celë la pengöne la nyipi ihnim memine la aqane troa melëne ej.” E jë la 1 Korinito 13:2.

Réveillez-vous! 8 Julai

“Nyimutre la itre atr ka öhne laka kola elë catr la iakötrë enehila, matre angatr a hnehengazo. [Qaja jë la ketre ceitun ngöne la nöje së, nge nue pi troa sa.] Kola ithanatan hnene la zonale celë la itre qaan matre kola kökötre pala hi la iakötrë me ihumuth. Kolo mina fe a qejepengöne la aqane tro Akötresie a apaatren epine palua la ihumuth memine la iakötrë.” E jë la Salamo 37:10, 11.

La Tour de Garde 15 Julai

“Kola mama catr enehila laka ala nyimu catr la itre atr ka thele troa mele caas. Hapeue la mekune i epun, ka loi kö lai? [Nue pi troa sa.] Hanawang la mekune ka lolo hna qaja ngöne la enyipiewekën la troa ce mele memine la itre xaa atr. [E jë la Ate Cainöj 4:9, 10.] Kola ithanatan hnene la zonale celë la kepin matre thatreine kö tro sa mele caas, nge kolo fe a qaja la aqane troa cile kowe la jole cili.”

Réveillez-vous! 22 Julai

“Nyimutre la itre atr ka xouen enehila la aqane kökötr me elë la kuci huliwa ka sis, qa ngöne laka thaa sihngödre hmaca kö. Hapeue la mekune i epun, ketre ewekë lai nyine troa hnehengazon? [Nue pi troa sa.] Atreine hi troa thupë së qa ngöne lai, hnene la ketre eamo ka lolo hna hamën hnei Tusi Hmitrötr. [E jë la Efeso 5:3, 4.] Kola amamane hnene la zonale celë la aqane tro sa hmekën la mele së qa ngöne la itre ethan la ewekë ka sisi cili.”