Kola Upi Së Troa Atrunyi Akötresie Hnene La Itre Kovasio Ne Distrik Memine Lo Itre Hna Kuca e Cailo Fen!
Atraqatr la aqane anyipicin la ëje i Iehova hnene la itre Kovasio Ne Distrik memine lo itre xaa Asabele e Cailo fen hna hape “Atrunyi Akötresieti Jë.” Hna hnëkëne la itre huliwa i Iehova cili ka sisitria, matre troa atrune la ëje i Iehova me akökötren la atreine së troa “Hamënejë koi Iehova la lolo ne la atesiwa i nyidë.” (Sal. 96:8) Nyipici laka, ijije troa atrunyi Nyidrë, pine laka lolo la itre ewekë hnei Nyidrëti hna xup, itre hatrene la itre thiina ka lolo i Nyidrë.—Iobu 37:14; Hna ama. 4:11.
Xome jë cahu itre hnying me goeëne lo itre not hnei epuni hna xom ngöne lo ijine kovasio, nge hnëkë jë matre troa hane hamë mekun ngöne lo kola troa ce ithanatane hmaca e 20 Okotropa me wiike cili la itre mekune ka tru ne lo lai asabele.
1. Tune kaa la aqane amamane hnene la itre hnei Iehova hna xup ka thaa ceitu kö me easë atr la lolo i Akötresie, nge nemene la aqane atrunyi Nyidrëti hnene itre ej, a ka isapengöne kö me easë? (Sal. 19:1-3; “Kola Amamane La Elolo i Akötresie Hnene La Itre Hnei Nyidrëti Hna Xup”)
2. Nemene la pengö i Iesu enehila, ene lo ewekë hna ahnith amë hë hnene lo nyidrëti ekö a ketrepengön, nge tune kaa la aqane upe me xatuan enehila la itre Keresiano hnene la ewekë cili? (Cainöje kii hna hape, “Kola Ithuecatre Koi Së Hnene La Itre Ewekë Ka Lolo Hna Perofetane Hë!”)
3. Tune kaa la aqane tro sa ipië tui perofeta Daniela, nge nemene la aqane tro sa kepe thangane elanyi la aqane ujë cili? (Dan. 9:2, 5; 10:11, 12; “Iehova a Amaman La Lolo i Nyidrë Kowe La Itre Atr Ka Ipië”)
4. (a) Nemene la köni ewekë ka qaja la iameköti i Akötresie, ini hne së hna kapa qa ngöne la hna perofetan hnei Amosa? (Amosa 1:3, 11, 13; 9:2-4, 8, 14) (b) Nemene la ini ka lolo hna kapa hnene la Itretre Anyipici Iehova, qa ngöne la aqane hmekë angetre Isaraela ekö ngöne Amosa 2:12? (“Hna Perofetan Hnei Amosa—Maca Thatraqane La Hnedrai Së”)
5. (a) Nemene la itre ethane la iji menu la ka haitr, ngacama thaa iji kö la ketre atr? (b) Nemene jë la aqane troa hajin la ketre atr ka iji menu la ka haitr? (Mareko 9:43; Efe. 5:18; “Hnö La Troa Iji Menu La Kahaitr, Neëne Jë”)
6. Troa Kepe Thangane Tune Kaa La Itusi Ka Hnyipixe, “ Voyez le bon pays ” ? (“ ‘Nöje Ka Lolo’—Iahnuene La Paradraiso”)
7. Nemene la köni aqane troa sa “goeëne la lolo ne la lolo i Iehova, kösë ngöne thulu”? (2 Kor. 3:18; “Goeëne La Lolo Ne La Lolo i Iehova, Kösë Ngöne Thulu”)
8. Nemene la qaane la imethinë ka pëkö kepin, nge nemene la ka xatua së troa catre mele nyipici ngacama easë la hna akötrën pine la imethinë cili? (Sal. 109:1-3; “Hna Methinën Ngo Pëkö Nyipi Kepin”)
9. Nemene la aqane wange Keriso la draië maine hlemu, nge tune kaa la aqane tro la ketre atr a atrehmekune laka nyipi ewekë troa akökötrene hnyawa la aqane waiewekë cili? (Mat. 20:20-26; “Loi e Troa Eje The Së La Mekune i Keriso Göi Draië Maine Hlemu”)
10. Nemene la ka troa xatua së troa catr pala hi ngöne la ua, ngacama easë a kucakuca ngöne la ngönetrei? (“Kucakuca Ngo Thaa Mano Kö”)
11. Nemene la itre xaa jën hnei Satana hna xome matre troa haöth la trengathoi, nge nemene la itre xötr ne la Tusi Hmitrötr nyine troa xome matre troa sa hmekune la itre aqane tupathe angeic la lapaune së? (Ioane 10:5; “Thupëne Kö La ‘Aqane Ewekë Ne La Itre Trehnyiwa’ ”)
12. (a) Tune kaa la aqane troa xötrethenge hnene la itre keme me thin la tulu i Iesu hna cinyihan ngöne Mareko 10:14, 16? (b) Nemene la hnei epuni hna ajan ngöne la itus ka hnyipixe hna hape Écoute le grand Enseignant ? (“Itre Nekö Së—Edrö Ka Sisitria”)
13. Tune kaa la aqane atrunyi Iehova hnene la itre thöth? (1 Tim. 4:12; “Aqane Atrunyi Iehova Hnene La Itre Thöth”)
14. Nemene la itre götrane ne la daram hna hape “ Témoignons hardiment malgré l’opposition ” (Catre Pi Troa Anyipicin Ngacama Tru La Icilekeu) hnei nyipunie hna hnehen?
15. Nemene la aqane tro sa xötrethenge la tulu hna hamën hnei (a) Peteru me Ioane? (Ite hu. 4:10) (b) Setefano? (Ite hu. 7:2, 52, 53) (c) Itre ekalesia i Keresiano ne la hneijine i Iesu? (Ite hu. 9:31; daram me cainöj “Qaja Jë La Maca Ka Loi ‘The Mano Kö’ ”)
16. (a) Nemene la itre götran easë a thele troa catre atrunyi Akötresie? (b) Nemene la ewekë ka xecie hnyawa koi së ngöne la easë a trongën la hne së hna inin ngöne la itre Kovasio hna hape “Atrunyi Akötresieti Jë”? (Ioane 15:9, 10, 16; “ ‘Catre Pi Troa Wa Wen’ Nyine Atrun La Lolo i Iehova”)
Maine tro sa thele mekune ngöne la ini ka lolo ngöne la götrane la ua hna hamën jëne la kovasio, tro ha hetre ajane së troa trongën la itre ewekë hne së hna inin. (Fil. 4:8, 9) Ej a troa acatren la aja së troa “kuca asë nyine atrunyi Akötesie.”—1 Kor. 10:31.