Troa Qeje Nemen Gön La Itre Zonal

La Tour de Garde 15 Nof.

“Easë asë hi a ajane troa madrin, me troa hetre aliene la mele së. Hapeu, nyipunieti kö a hane kapa la hnei Iesu hna qaja e celë, göne la jëne troa manathith? [E jë la Mataio 5:3. Thupene lai nue pi troa sa.] Kola qeje pengöne hnene la zonale celë la aqane tro sa melëne hnyawa la aja ka eje hë e kuhu itre hni së, ene la aja ne troa thili koi Akötresie; nge celë hi aliene la mele së lai.”

Réveillez-vous! Nof.

“Ame enehila ngöne la hneijine së, ijine kola elë la Sias me jole la aqane goeëne la itre drai elany, nyimutre catre la itre atr ka mekune ka hape, thaa ijije hmaca kö troa xome la Tusi Hmitrötr, ke ka hekö catre hë nge thaa ihmeku hë memine la hnedrai së. Tune kaa la mekuna i epun? [Nue pi troa sa.] Atre fe hi nyipunieti ka hape ame la nöjei hnei Tusi Hmitrötr hna qaja ka ketr la Sias, ke, ka nyipici asë hi? [E jë la Iobu 26:7.] Kola hamëne hnene la zonale ka ketrepengöne celë, Réveillez-vous ! la itre kepine matre ijije hi tro sa mejiune kowe la Tusi Hmitrötr.”

La Tour de Garde 1 Dis.

“Tune kaa la aqane tro nyipunieti a hane sa la hnyinge celë? [E jë la hnying ngöne la icetrön. Thupene lai, nue pi troa sa.] Aja i Akötresieti la troa acaasine la itre atr asë. [E jë la Salamo 46:8, 9.] Kola amamane hnene la zonale celë la hna qaja hnei Tusi Hmitrötr ngöne la aqane troa acaasine elanyi la itre atr.”

Réveillez-vous! Dis.

“Kola mekune hnene la itre atr ka hape, ame la mec, tre, ketre ija lai ka aijijë së troa tro kowe la ketre pengöne mel; ame itre xan, angatr a mekune ka hape, ame la mec, tre, pune hi lai. Tune kaa la mekune i epun, nyine xouene la mec? [Nue pi troa sa.] Hanawange la aqane mekune i Iobu göne la pengöne la meci angeic. [E jë la Iobu 14:14, 15.] Kola qeje pengöne hnyawa hnene la zonale celë la ewekë ka troa traqa koi së ngöne la easa mec.”