Nemene La Baselaia i Akötresie?

Qëmekene la ketre ibatima, ketre trahmanyi ka lapa hune iba a e Tusi Hmitrötr.

Alanyimu la itre atr ka thith matre traqa pi la Baselaia. Ngo, hnei epuni kö hna hane hnying ka hape, ‘Nemene la Baselaia i Akötresie?’ nge ‘Nemene la hnene ej hna troa kuca?’

HANE HI LA MEKUNA I TUSI HMITRÖTR:

Nemene la Baselaia i Akötresie?

Ketre musi hna acil e hnengödrai. Iesu Keriso la joxu ne la Baselaia cili.—Isaia 9:6, 7; Mataio 5:3; Luka 1:31-33.
Nemene la hna troa kuca hnene la Baselaia i Akötresie?

Tro ej a apatrene la nöjei ngazo, me hamë tingeting kowe la itre atr.—Daniela 2:44; Mataio 6:10.
Nemene la aliene la troa “thele panëne la Baselaia”?

Troa sajuëne la Baselaia i Akötresie, nge troa xecie koi së laka, Baselaia hmekuje hi la ka troa eatrëne la aja i Akötresie kowe la ihnadro.—Mataio 6:33; 13:44.