Ketre Boroshür Ka Hnyipixe Nyine Tro Sa Tro Fë!
1. Nemene la nyine tro sa tro fë ngöne la treu Nofeba, nge pine nemene matre hna fejane la itusi cili?
1 Ame ngöne lo ijine Kovasio ne Distrik macatre 2009, hna hape, “Hmeke Jë!” tre, hne së hna kapa la ketre boroshür ka hnyipixe, hna hape, La Bible— Quel est son message? Ame ngöne la treu Nofeba, kola troa xötrei tro fë la boroshür cili hnene la nöjei ekalesia e cailo fen. Tune kaa la aqane troa kepe thangane lai itus hnene la itre atrene la teritoare së? Nyimutre la itre atr ka thatre pengöne kö la Tusi Hmitrötr, tune hi lo itre atr ka thaa hane kö sine la itre hmi Keresiano. Qa ngöne lai, kola qaja ngöne la götrane 3 ne la boroshür, laka, hna fejane ej matre troa hamëne la “itre mekune ka tru ne la Tusi Hmitrötr.”
2. Tro sa tro fë tune kaa la boroshür?
2 Aqane Tro Sa Tro Fë: Maine jë tro sa qaja ka hape: “Eahuni a ajane troa atre la mekuna i epun göne la hna qaja e celë. [E jë la 2 Timoteo 3:16.] Nyimutre la itre atr hne huni hna ithanata kow ka kapa la trenge ewekë celë; nge hetrenyi la itre xan ka mekun, laka, ketre itusi ka lolo hi la Tusi Hmitrötr. Nemene la mekuna i epun göne la Tusi Hmitrötr? [Nue pi troa sa.] Ngacama isapengöne kö la itre ini hne së hna mejiune kow, ngo nyimutre la itre kepin ka tru ka upi së troa isa thele mekun e hnine la Tusi Hmitrötr. [E jë la pane paragarafe ka eje e koho hune la götrane 3.] Ame ngöne la epuni a e xötrëne la itre mekune ka tru ne la Tusi Hmitrötr ka eje e hnine la boroshür celë, tro epuni a atre la ketre ewekë nyine hain: Hetrenyi e hnine la Tusi Hmitrötr la ketre taan ka tru me ketre maca.”
3. Nemene la ketre aqane tro sa tro fë la boroshür kowe la itre atrene la teritoare së ka thaa hane kö sine la ketre hmi Keresiano?
3 Hanawange la ketre aqane tro sa tro fë lai itus kowe la itre atr ka thaa hane kö sine la itre hmi Keresiano: “Eahuni a ajane troa atre la mekuna i epun göne la hna qaja e celë hnine la Itre Hna Cinyihan (maine hnine la itusi celë ka hmitrötr). [E jë la Salamo 37:11.] Hapeue la mekuna i epun, nemene la pengöne la ihnadro elany ngöne la kola eatre la hna perofetane celë? [Nue pi troa sa.] Celë hi la ketre ini lai qa hnine la Tusi Hmitrötr ka hamë mejiune me keukawa, nge ka ijije troa kapa hnene la nöjei atr ka isapengöne la itre aqane mel me aqane hmi.” E jë la paragarafe ka eje e koho hune la götrane 3, nge hamëne jë lai boroshür.
4. Tro sa xome tune kaa la boroshür celë, matre troa nyiqaane inine la Tusi Hmitrötr memine la ketre atr?
4 Nyiqaane Jë Troa Inine La Tusi Hmitrötr Memine La Ketre Atr: Ame la easa iwai hmaca, maine jë tro sa amexeje kowe la atrene la hnalapa lo porotrike së hnapan, me ce wange me nyidrë la caas maine lue paragarafe ne la taan mekun, nge xome jë la itre hnying ka eje ngöne la pune lai götrane hna ithanatan. Maine aja së troa hamëne mekötine la itus Ini Tusi Hmitrötr, ijije hi tro sa ce e me nyidrë la icetröne la boroshür, me hamëne koi nyidrë la itus; thupene lai, loi e tro sa sipone koi nyidrë troa qaja la mekene tus ka ketri nyidrë, nge ce wange jë së la caas maine lue paragarafe ne la mekene tusi cili. Epi tro asë hi së a catre troa tro fë la boroshür cili ngöne la treu Nofeba!