Lue Manie Ka Co

Ame la easa ami ahnahna thatraqane la huliwa ne cainöj e cailo fen, tre, easë hi lai a sajuëne la itre aja ne la Baselaia. Ngo tune ka, e tha tru kö la manie së?

Ame ngöne la ketre ijin, hnei Iesu hna öhne la ketre sine föe ka puafala, kola kuiëne la lue manie ka co hnine la trengene manie ne la ēnē. Hnene la ihnimi nyiidro koi Iehova hna upi nyiidro troa “kuiën asë la nune mele i nyido,” ngacama “ka pë ewekë” nyiidro. (Mareko 12:41-44) Ame la Iesu a qaja la ewekë cili, tre, nyine amamane laka ka tru koi Akötresie la ahnahna i nyiidro. Ketre tune fe ngöne lo hneijine i Iesu, ame kowe lo itre pane Keresiano, tre, hnëqan asë hi la itre Keresiano ka puafala me ka trenamo troa sajuëne la huliwa ne cainöj. Hnei Paulo aposetolo hna qaja la tulu ne lo angetre Makedonia laka, ngacama “nyipi pë ewekë i angat . . . [angatr a] upe iele fë la ihnimi cili.”—2 Kor. 8:1-4.

Hawe, maine easa kuiën hmekuje hi la ‘lue manie ka co,’ tha tro pi kö sa thëthëhmin laka, e hna anyimua kuië manie ka co, tre, tro kö elanyi a elë la etrun. Ketre, e hne së hna ham qa kuhu hni së, tro ha amadrinëne la hni ne la Tretretro së ka ham, ke “aja i Akötesie la ate hamëne madin.”—2 Kor. 9:7.