Itre Aqane Nyiqane Ithanata

Ngöne La Kola Inine La Tusi Hmitrötr Memine La Itre Atr Ngöne La Pane Mecixeni Ne Semitrepa

“Ala nyimu la ka mekune ka hape, tro kö Akötresieti a ameköti angatre ngöne la ketre drai, thenge la huliwa i angatr. Hapeue la mekuna i epun göne la Drai Ne Iameköti, ketre ewekë nyine troa ajane me lapa treqene maine ketre ewekë nyine hnehengazon? [Nue pi troa sa.] Hanawange la hna qaja e celë.” Liine pi kowe lai atr la zonal La Tour de Garde ne 1 Semitrepa, nge ce wange ju la itre mekune fene la pane tane ka co ne la götrane 16, memine fe la ca xötr. Hamëne jë la lue zonal, nge isapui ju matre troa bëeke me ce ithanatane la hnyinge thupen.

La Tour de Garde 1 Semitrepa

“Ame ngöne la itre götrane ka nyimutre ne la fen, itre föe a akötre fë la hna wangaconyi angatr me qanangazo angatr. Nge hna sajuëne lai hnene la itre ini ne la hmi. Hapeue la mekuna i epun, Akötresieti kö a mekune la itre föe? [Nue pi troa sa.] Hanawange la hna qaja hnene la Tusi Hmitrötre göne la aqane tro la itre trahmanyi a ujë kowe la itre föi angatr. [E jë la Efeso 5:28, 29.] Kola amamane hnene la zonale celë la mekuna i Hmitrötr, göne la aqane goeëne Akötresie la itre föe.”

Réveillez-vous! Semitrepa

“Ala nyimu la ka qaja ka hape, troa nyipune e ketre ijin, la mele e celë fen hnene la isi fë la itre boob, maine hnei ketre hulö pena ka tune la gejë madra maine ketre ewekë ju kö. Hapeue la mekuna i epun, nyine tro kö a nyipi ewekëne la itre hna qaja göne la iameköti elany, maine ketre ewekë hna sile menune hi? [Nue pi troa sa.] Tusi Hmitrötre a thingehnaeane la ketre ewekë nyine akeukawane la itre hni së. [E jë la Salamo 37:29.] Kola qaja hnene la zonale celë la itre xa hna mekune göi aqane iameköti elany, memine fe la hna qaja hnei Tusi Hmitrötre göne la itre drai elany.”