Nemene La Hne Së Hna Troa Hane Kuca Ngöne La Ijine Mano?

Pine laka ala nyimu la itre atr ka lapa hnalapa pë hë ngöne la ijine mano, ijine ka lolo hnyawa hi lai ne tro sa pane catre cainöj. Celë hi kepine matre kola ithuecatrene la itre ekalesia troa hnëkë, troa catre cainöj ngöne la ijine mano. Ala nyimu la itre atr ka ajane troa pane meköle aqeany, haawe, loi e troa sa la ijine ka loi ne troa sine lo icasikeu thatraqane la huliwa ne cainöj. Tro kö a thuemacanyi së la itre hna amekötin, me thuecatre së troa hane xome la huliwa celë, ngöne la ijine easa sine la Icasikeu Ne La Huliwa. Nyipici laka, pi tro fe hi së lai a hane mano me kuca la itre xa hnepe jole ngöne la ijine mano. Ngo epi tro sa aeatrëne la itre sipu mekuna së ngöne sine hi la drai, matre xome pena la ketre sin, göi troa hane cainöj. Tro kö së lai a sipu melëne la madrine ka xulu qa ngöne la hna hane sine la huliwa ne cainöj.—Mat. 11:29, 30.