Ijije Kö Tro Epuni a Akökötrene La Huliwa Ne Cainöje i Epun?
1. Nemene la ka nyipi ewekë catre ngöne la hna cainöje trootro, nge pine nemen?
1 Ame la kola goeëne hnei Iesu la aja ka eje thene la ka ala nyimu kowe la maca ka loi ne la Baselaia, hnei Iesu hna canga upe la itretre drei nyidrë me hape, “xëwejë nyipunie kowe la Joxu ne la meledrai, mate upepi la angete troa menue kowe la meledrai i anganyidë.” (Mat. 9:37, 38) Pine laka, easa melëne la itre drai tixenuë ne la ijine menu, haawe, ka sisitria catre pala kö la huliwa nyine tro sa kuca enehila. Kolo lai a hape, tro sa mekune hnyawa me thithi fë la aqane tro sa akökötrene la huliwa së ne cainöje trootro.—Ioane 14:13, 14.
2. Nemene la aqane kapa la ihë hnene la itre xan matre tro pala hi a tru hnei ka huliwa ngöne la hna cainöje trootro?
2 Akökötrene Jë La Huliwa Ne Cainöj: Ala nyimu la angetre xome la huliwa ne pionie jëne la itre hna amekötine me ixatua i Iehova. (Sal. 26:2, 3; Fil. 4:6) Hnei itre xan hna catre xome la huliwa ne pionie ka ixatua ngöne la ca treu maine nyimu treu ne la macatre. Celë hi ka akökötrene la huliwa ne cainöje i angatr. Manathith la angetre xome la huliwa ka tru cili, nge celë hi hna kuca hnene la ka ala nyimu matre mekune jë angatre troa pionie lapa.—Ite hu. 20:35.
3. Maine hnei epuni fe hë ekö hna hane xome la huliwa ne pionie, nemene la nyine tro epuni a wangatrune hmaca enehila?
3 Ijije Kö Tro Epuni a Xome Hmaca La Huliwa Ne Pionie?: Maine hnei epuni hna hane pionie, eje hi laka, nyimutre la itre ewekë ka tru koi epuni hnei epuni hna melëne ngöne la ijine cili. Hapeu, hnei epuni kö hna hane mekune troa xome hmaca la huliwa ne pionie me thithi fë la aja cili? Maine jë ame la itre ewekë ka sewe epuni troa sisedrëne la huliwa ne pionie, tre, patre hë itre ej. Ma ijine jë hi la ka aijijë epuni troa wangatrune me xome hmaca la huliwa ka tru cili.—1 Ioane 5:14, 15.
4. Nemene la huliwa ka tru hna fe koi së asë?
4 Ekö hë nyiqaane la huliwa ne menu, nge easenyi catre hë matre fenesi pi. (Ioane 4:35, 36) Epi tro së asë a isa wange la aqane mele së enehila, matre troa atrehmekune la aqane tro sa ahmaloeëne la mele së matre atreine së troa akökötrene la huliwa ne cainöje së. Maine eje hi laka, thatreine kö së troa atrune la itre hawa ne cainöje së, ngo hapeu, ijije kö tro sa thele jëne troa maca hnyawa ngöne la huliwa cili? (Mar. 12:41-44) Ewekë hi ka tru enehila kowe la nöjei trejine matre xome fe la huliwa ne pionie!—Sal. 110:3.