Itre Aqane Nyiqaane Ithanata

Aqane Troa Tupath Troa Nyiqaane Ini Tusi Hmitrötr Memine La Itre Atr Ngöne La Pane Mecixeni Ne Febuare

“Ase hë Iesu qaja ka hape tro hmaca kö nyidrëti a bëek, nge ala nyimu la itre atr ka lapa treqe nyidrë. Nemene fe la mekuna i nyipunie?” Nue pi troa sa. “Ngo ma tro fe nyipunieti a hane hnyingëne ka hape, tro kö nyidrëti a bëeke tui atr? Hane hi la zonale ka sa lai hnying.” Amamane jë la tröne la Ita Ne Thup ne Januare–Maac, nge ce ithanatane jë la hnaaluene paragaraf. Liine pi hë la lue zonal, nge sipone jë troa bëeke hmaca matre tro pena a ce ithanatane lai ketre hnying.

Ita Ne Thup Januare–Maac

“Tru catre la itre atr ka mekune laka, e meci hë la itre atr ka ngazo, tro Akötresieti a kuië angatre kowe la ihu eë, nge tro pala pë hë angatr a akötre uti hë epine palua e cili. Ngo hanawange la hna qaja hnei Tusi Hmitrötr göi Akötresie. [E jë la 1 Ioane 4:8.] Hapeu, atreine kö tro la Akötresieti ka ihnimi a axösisine palua la itre atr? [Nue pi troa sa.] Haawe, kolo lai a amamane ka hape, ame la ihu eë, tre ketre ini lai ka thoi nge ka upe la itre atr troa mekune ka hape, ka iaxösisi lae Akötresie. [Amamane jë la götrane 6 ne la zonal.] Kola amamane hnene la zonale celë la itre trengathoi hna lapaa qaja göi Akötresie. Eni a ajane troa nue koi epuni la zonale celë matre tro epuni a hane e.”

Réveillez-vous! Febuare

“Eahuni a ajane troa ce ithanatane me epuni la ketre jol ka ketri së enehila. Kösë lo tha ijije hë la traeme ne tro sa kuca la itre jole së. Ngo pine nemene jë: hnene kö laka, tru pala ha hnei jole së, maine hnene laka, tru pala ha la traeme hna aluzine menun? [Nue pi troa sa.] Thatre kö hnene la itre xa atr ka hape, hetrenyi e hnine la Tusi Hmitrötr la itre eamo ka lolo, nyine xatua së troa nyipiewekëne hnyawane la traeme së. Hane hi la ketre eamo. [E jë la Filipi 1:10a.] Kola qeje pengöne hnene la zonale celë la foa lao aqane troa huliwane hnyawane la traeme së.”