Nyitipu Iehova Jë Me Iesu e Ijine Ihë Koi Drai Ne Amekunën
1. Nemene la hna kuca hnene la Itretre Anyipici Iehova ngöne la ijine ihë koi Drai Ne Amekunën?
1 Iehova a aeatrëne la nöjei huliwa i Nyidrë hnene la hni ka ajan. Ka tune la itre manathithi ka troa xulu elany fene la Baselaia i Nyidrë; öni Isaia 9:7 ka hape: “Troa kuca lai hnene la aja atraqate i Iehova ne sabaoth.” Ketre, ame lo Iesu e celë fen, hnei nyidrë hna huliwa catr thatraqane la nyipi hmi. (Ioane 2:13-17; 4:34) Nge ame e nöjei macatre, itre milio lao atr ka nyitipu nyidro, ke angatr a akötrehnine troa cainöje me ihë koi Drai Ne Amekunën. Tune kaa fe epun?
2. E tru la aja së, tro së lai u?
2 Huliwa Ne Ihë: Troa nyiqaane la ihë e Mecixen 7 Maac. Canga wange ju enehila la nyine troa kuca, matre tro fe epuni a hane catre huliwa ngöne la ijine cili. Tro elanyi lai a tru la madrinen la iatrene la ekalesia troa ce apexejene la huliwa ne ihë. Mekune kö hëne la itre ka ini Tus, memine la itre atr hne së hna wange hë, me itre sine huliwa, me itre sinee, me itre sine ini. Liine pi koi angatr la sine pepa, maine pena, amamane jë koi angatr la pepa ne ihë ngöne jw.org.
3. Nemene la nyine tro sa kuca, matre ijiji së troa huliwa atruny e Maac me Eiperem?
3 Itre Pionie Ka Ixatua: Tro la etrune la aja së a upi së troa catre cainöj. Tro lai a tru catr hnei pionie ka ixatua e Maac me Eiperem, ke ijije hi troa cainöj koi 30 lao hawa. Ame la epuni a kuca la hmi ne la hnepe lapa, maine ini Tusi casi pena, sipone ju koi Iehova la ixatua matre ijije troa hane sine la huliwa celë. (Ite edomë 15:22) Tro fe a hane ixötrethenge hnei itre xan, e tro epuni a enij. Maine tro epuni lai a atreine amë panëne la huliwa ne cainöj hune la itre xa huliwa pë hë, epuni hi lai a nyitipune la aqane catre huliwa i Iesu.—Mar. 6:31-34.
4. Nemene la thangane hne së hna troa kapa e tro sa huliwa catr tui Iehova me Iesu?
4 Tro së lai a kepe thangane ka loi qa ngöne la hna nyitipu Iehova me Iesu ngöne la ijine ihë koi Drai Ne Amekunën. Tro lai a tru hnei atr ka troa öhnyi së ngöne la hna cainöje trootro. Tro së lai a madrin e qa së hë hna huliwa i Iehova me xatuane la itre xan. (Ite hu. 20:35) Ngo ame kö la ka sisitria catr, tre ene la troa amadrinë Akötresie memine la Hupuna i Nyidrë.