Kola cainöj e Monrovia e Libéria

Itre Tulu Ne Aqane Nyiqane Ithanata

●○○ KOLA XÖTREI IÖHNY

Hnying: Hapeu ka nyipiewekë la Tusi Hmitrötr enehila?

Xötr: 2 Timoteo 3:16

Mekun: Nemene la maca hna qatrenge hnene la Tusi Hmitrötr?

○●○ KOLA IWAI HMACA

Hnying: Nemene la maca hna qatrenge hnene la Tusi Hmitrötr?

Xötr: Mataio 6:10

Mekun: Nemene la hna troa kuca elany hnene la Baselaia i Akötresie?

○○● KOLA BËEKE HMACA

Hnying: Nemene la hna troa kuca elany hnene la Baselaia i Akötresie?

Xötr: Daniela 2:44

Mekun: Nemene la thangane lai kowe la fen elany?

Qane la treu celë, ame ngöne la icasikeu e nyipine la wiik, tre, tha tro hmaca kö a mama lo köni aqane nyiqane ithanata. Ngo tro pe a mama ngöne la Mel Me Huliwa Ne Cainöj, la itre tulu ne aqane nyiqane ithanata. Hetrenyi la ketre hnying me xötr me ketre hnying thatraqane la iwai hmaca. Casi pe hi la video hna troa elon e nöjei wiik. Ketre, tro pë hë la ka cile fë hnëqa a iëne la ketre itus, memine la sipu aqane tro angeic a nyiqane ithanata, maine jë ngöne la kola xötrei iöhny maine ngöne la kola iwai hmaca. Ketre tro ha hetrenyi la Pepa Nyine Huliwan, la lue tulu ne aqane nyiqane ithanata. Celë hi ka troa xatua së troa catr inine la itre atr “hna hnëkëne kowe la mele ka tha ase palua kö.”—Hu 13:48.

Mekun: Loi e tro la itre ka hetre hnëqa a xötrethenge la itre hna amekötin hna hamën, e tha hna saze kö la hnëqa i angatr.