MELE NE KERESIANO
Ce Huliwane Jë La Teritoar Ka Nyimu Qene Hlapa
Canga tro hi la itre atr a kapa la maca ne la Baselaia, e kola drenge ej ngöne la sipu qene hlapa i angatr. Maine jë, celë hi kepine matre, ame lo Penetekos macatre 33, hnei Iehova hna aijijëne la “angete Iuda, angete qoue Akötesie qa ngöne la nöjei nöj’ e celë fene hnengödrai” troa drenge la maca ka loi “ngöne la ite qene zi” angatre kö, ngacama itre ka trotrohnine la qene Heberu maine qene Heleni. (Hu 2:5, 8) Ame enehila, nyimutre la itre ekalesia ka isa qene hlapa kö, nge ka huliwane la teritoar ka cas. Nemene la aqane tro la itre trejin ne la itre ekalesia cili a ce huliwa ngöne la hna cainöje trootro matre tha tro kö a wesitr hnene la itre atr?
Ce Ithanatane Jë (Ed 15:22): Loi e tro la itre ka thupëne la huliwa ne cainöj a ce ithanata me thel la aqane troa ce huliwane la teritoar, nge ka loi koi itre ekalesia asë. Maine tha ka tru kö la teritoar, tro la itre ekalesia ka qaja la ketre qene hlapa a sipo epun matre tha tro kö a kuca la itre hnalapa ne la itre atr ka qaja la qene hlapa i angatr. Ngo, ame itre xa ijin, thatreine kö la ekalesia ka qaja la ketre qene hlapa troa huliwane lapane la teritoare i angatr, ke, nanyi palaha. Matre, tro angatr a nue koi epun troa kuca asë la itre hnalapa. Nge, e hetre atr ka ajan, loi e tro epuni a nue la ekalesia ka qaja la qene hlapa ne la atr troa wai angeic. (od 93 ¶37) Maine pena, tro angatre a sipo ixatua koi epun matre troa öhne la itre atr ka ithanatane la qene hlapa i angatr, me iupi fë koi angatr la itre ithuemacany. (km 7/12 5, box) The thëthëhmine kö laka, ame ngöne la itre xa hnalapa, nyimu qene hlapa hna ithanatan hnene la itre atren. Loi tro la aqane haöthe la teritoar a ihmeku memine la itre hna amekötine hnene la mus.
Ce Huliwa Jë (Ef 4:16): Xötrethenge hnyawane jë la itre hna amekötine hnene la ka thupëne la huliwa ne cainöj. Hapeu, epuni kö a ini Tus memine la ketre atr ka tha trotrohnine hnyawa kö la qene hlapa ne la ekalesia i epun? Maine tro epuni a hamëne la ini Tusi angeic kowe la ekalesia maine ketre gurup ka qaja la qene hlapa i angeic, tro ha catre la aqane imelekeu i angeice me Iehova.
Hnëkë Jë (Ed 15:28; 16:1): Maine epuni a öhne la ketre atr ngöne la teritoare i epun ka qaja la ketre qene hlapa, thele jë troa cainöjëne la maca ka loi koi angeic. Loi e tro epuni a hnëkë. Thele jë troa atre la itre qene hlapa hna ithanatane ngöne la teritoar, nge télécharger jë la itre Tusi Hmitrötr me itre video ngöne la itre qene hlapa cili. Loi e tro mina fe epun a télécharger la application JW Language matre troa inine la aqane troa ibozu ngöne la itre xa qene hlapa.