Iëne Hnyawane Jë La Itre Nyine Iamadrinë

Pine nemene matre loi e tro sa iëne hnyawa la itre nyine iamadrinë? Pine laka, ame la easa goeëne la ketre film, maine dreng la ketre miuzik, maine tro kowe la ketre sit, maine e la ketre itus, maine elone la ketre jeu video, easa hi lai a nyialiene la mekuna së. Nge, ka hetre thangane kowe la aqane ujë së. Ngazo pe, nyimutre la itre nyine iamadrinë enehila ka amamane la itre ewekë hna sisine hnei Iehova. (Sal. 11:5; Gal. 5:19-21) Celë hi matre, Tusi Hmitrötr a thuecatre koi së troa thele catrëne la itre ewekë ka atrunyi Iehova.—Fil. 4:8.

GOEËNE JË LA VIDEO HNA HAPE, TROA IËNE HNYAWANE LA ITRE NYINE IAMADRINË THUPENE LAI, SA JË CAHU ITRE HNYING:

• 

  Nemene la ka ceitune thene la itre elo ne la itre gladiateurs ekö memine la itre nyine iamadrinë enehila?

• 

  Nemene la aqane tro la itre atrene la ekalesia a xatuane la itre thöth, matre tro nyudreni a iëne hnyawa la itre nyine iamadrinë?

• 

  Nemene la aqane tro Roma 12:9 a xatua së troa iëne hnyawa la itre nyine iamadrinë?

• 

  Nemene la itre xaa nyine iamadrinë ka loi, nge ka hetreny fe ngöne la götran hnei epuni hna mele ngön?