MELE NE KERESIANO
Iehova a Amelene La Itre Ka Akötr
Hna traqa koi së asë hi, troa akötr. Tha hnene kö laka, easa akötr matre pëhë mejiune së koi Iehova. Hna hane fe traqa koi Nyidrë troa akötr. (Ge 6:5, 6) Ngo nemene la nyine tro sa kuca, e akötre catre së?
Sipo ixatua jë koi Iehova. Ka tru koi Iehova la itre mekun me aliene hni së. Öhne hi Nyidrë la easa madrin, me akötr. Trotrohnine hi Nyidrë la kepine matre easa mekun, maine kuca pena la ketre ewekë. (Sa 7:9b) Ngo ame kö la ka sisitria, ke Nyidrëti a hnehengazo së, me xatua së troa xomihnine la akötr, me atreine cil kowe la dépression.—Sa 34:18.
Thupëne hnyawane ju la itre mekune i epun. Ijije hi tro la itre mekun ka ngazo a thë la madrin, me imelekeu së me Iehova. Celë hi matre, nyipiewekë tro sa thupëne la hni së, ene la itre mekun me itre aliene hni së.—Ed 4:23.
GOEËNE JË LA VIDEO HNA HAPE TINGETING LA HNI NE LA ITRE TREJIN NGACAMA KA DEPRÉSSIF, NGE SA JË CAHU ITRE HNYING:
Nemene la itre hnei Nikki hna kuca matre atreine cil kowe la meci angeic?
Nemene la ka xatua Nikki troa wai droketre?—Ma 9:12
Tune kaa la aqane amamane Nikki la mejiune i angeic koi Iehova?