Hnei Nyidrëti Hna Köletrije La Itre Ngazo Nge Pë Palakö Thupene Mel

Tro hi a köletrij la itre ngazo së jëne la madra i Iesu. (Efe. 1:7) Ngo Tusi Hmitrötr a hape: “Mama pi la thiina ka meköti [Akötresie], ke ase hë nyidrëti lo köletrije la itre ngazo hna kuca ekö,” kolo itre ngazo hna kuca qëmekene tro Iesu a hamëne la thupene mel. (Roma 3:​25) Hnauëne la Iehova a köletrij la itre ngazo, nge pë palakö thupene mel? Nge hetre trepene meköti Nyidrëti fe.

Ame koi Iehova, ase hë hamëne la thupene mel lo Nyidrë a qaja la “matrane” ka troa amelene la itre atr ka lapaune koi Nyidrë. (Gen. 3:​15; 22:18) Xecie koi Nyidrë ka hape, tro Iesu a huujëne la mele i nyidrë nyine nyithupene mel. (Gal. 4:4; Heb. 10:​7-​10) Ame lo Iesu e celë fen, hnei Akötresie hna aijijë Iesu troa köletrij la itre ngazo, ngacama tha ase palakö hamëne la thupene mel. Hnei Iesu hna köletrij la ngazo ne la itre ka lapaun, ke atre hi nyidrë ka hape, tro la mele i nyidrë hna troa huujën, a köletrij la itre ngazo i angatr.​—Mat. 9:​2-6.