Huliwane Jë La Itre Neköi Mataitus

Tro epuni a öhn ngöne la Tusi Hmitrötr Fene Ka Hnyipixe Hna Ujën qene wiwi maine qene papale la hna hape, référence marginal. Tro itre ej a amamai së la itre xaa xötre ne la Tusi Hmitrötr, ka troa hamë së la itre xaa ithuemacany. Hna nyihatrene itre ej hnene la neköi mataitus e hune la ketre hnëewekë. Ame ngöne la Tusi Hmitrötr pepa, thele jë la neköi mataitus ka ce tro memine la hnëewekë e hnine la colonne e kuhu nyipine lai pepa. Ame ngöne jw.org maine ngöne la application JW Library^® huje ju la neköi mataitus, nge tro lai a mama la itre xaa xötr.

Ame la itre xötr hna amamane hnene la itre neköi mataitus, ke kola troxomi së kowe la itre xaa ithuemacany ka tune la:

Itre xaa aqane qejepengöne la caa hna melën: Ame la neköi mataitus, ke kola amamane koi eö la cas maine itre xaa aqane qejepengöne la ca hna melën. Wange ju la 2 Samuela 24:1 me 1 Aqane Lapa itre Joxu 21:1.

Qaane lai hnëewekë: Ame la neköi mataitus, ke kola amamane koi eö la qaane la trenge ithanata maine hnëewekë pena. Wange ju la Mataio 4:4 me Dreuteronomi 8:3.

Hna perofetan: Ame la neköi mataitus, ke kola xatua eö troa öhne la hna perofetan memine la aqane eatrën ej. Wange ju la Mataio 21:5 me Zakaria 9:9.