Ithuemacany

a Easë asë hi a qëmeke kowe la itre jol ngöne la fene celë. Ngo xecie koi së laka, tro kö Iehova a xatua së. Hnei Iehova hna xatuane tune kaa la itre hlue i Nyidrëti ekö? Nge Nyidrëti a xatua së tune kaa enehila? Ame ngöne la tane mekune celë, tro sa ce wange la tulu ne la itre hlue i Iehova ekö me enehila. Tro lai a acatrene la lapaune së laka, tro kö Iehova a xatua së e tro sa amë la mejiune së koi Nyidrë.