Tune la hna qaja hnei Tusi Hmitrötr ‘xalaithe hi la itre drai ne la atr nge atraqatre la gomegom.’ (Iobu 14:1) Aja i Akötresieti kö lai? Nemene la mekuna i Nyidrë koi së? Nge tro kö a eatr e ketre drai? Tro sa ce wange la aqane sa i Tusi Hmitrötr, nge ka akeukawanyi së.

1. Nemene la mel hnei Iehova hna ajane koi së?

Aja i Iehova tro sa mele ka loi. Ame la Nyidrëti a xupe la lue pane atr, Adramu me Eva, hnei Nyidrë hna ami nyidro ngöne la paradraiso ka mingöming e Edrena. Hnei Nyidrëti hna amanathithi nyidro, me qaja ka hape: “Hnaho pi me mana, nyialiene jë la ihnadro me musinën.” (Genese 1:28, MN) Ame la aja i Iehova ke, tro nyidroti a hetre nekönatr, me atrune la paradraiso ngöne la fen, me thupëne la itre öni. Ame la mekuna i Nyidrë, troa mele ka loi la itre atr nge troa mel uti hë epin.

Ngo ame la mele cili, tha ceitune kö memine la mele së enehila,a ngo ame pe tha saze kö la mekuna i Akötresie. (Isaia 46:10, 11) Aja i Iehova palahi tro la itre atr ka idrengethenge a mele tingeting uti hë epin.—E jë la Hna Amaman 21:3, 4.

2. Nemene la nyine tro sa kuca matre troa hetre aliene la mele së enehila?

Hnei Iehova hna xupi së memine la ‘aja troa atre Nyidrë.’ Celë hi matre easa thel troa atre Nyidrë, me ajane troa thili koi Nyidrë. (E jë la Mataio 5:3-6.) Aja i Nyidrë tro sa easenyi koi Nyidrë, me ‘trongëne la nöjei jë i nyidrë asë, troa hnimi Nyidrë’ me nyihlue i Nyidrë ‘hnene la hni ka pexej.’ (Deuteronomi 10:12; Salamo 25:14) Itre ewekë lai ka troa amadrinë së ngacama easa ixelë me itre jol. Ame la easa thili koi Iehova, ke hetre aliene la mele së, ke easa mele thenge la aqane xupi së hnei Nyidrë.

3. Hetre mele ka mingöming hnei Iehova hna hnëkëne kowe la itre atr

Goeëne jë la VIDEO, nge ce ithanatane jë cahu hnying:

VIDEO: Hnauëne La Akötresieti a Xupe La Ihnadro?—Extrait (1:41)

• Pine nemene matre xupe jë Akötresieti la ihnadro ka mingöming?

E jë la Ate Cainöj 3:11, nge ce ithanatane jë cahu hnying:

• Thenge la xötr, nemene la hne së hna atre göi Iehova?

4. Tha saze kö la mekuna i Iehova

E jë la Salamo 37:11, 29 me Isaia 55:11, nge ce ithanatane jë cahu hnying:

• Hne së hna atre tune kaa ka hape, tha saze kö la mekuna i Iehova koi së?

5. Troa hetre aliene la mele së e tro sa nyihlue i Iehova

VIDEO: Hetre Aliene Hë La Meleng (5:03)

• Ame la Terumi a atre ka hape hetre aliene la mel, nemene hë la ka saze ngöne la mele i angeic?

E jë la Ate Cainöj 12:13, nge ce ithanatane jë cahu hnying:

• Ame la easa mekune la hnei Iehova hna kuca koi së, kola upi së troa u?

HANE HI LA HNE SË HNA CE WANG

Aja i Iehova tro sa mele ka loi uti hë epine palua ngöne la ihnadro. Nge e tro sa nyihlue i Nyidrë, tro ha hetre aliene la mele së.

Nyine Amekunën

• Nemene la mekuna i Iehova ekö koi Adramu me Eva?

• Hne së hna atre tune kaa ka hape, tha saze kö la mekuna i Iehova kowe la itre atr?

• Nemene la nyine tro epuni a kuca matre hetre aliene la mele i epun?

ITRE XAA NYINE WANG

Ka nyipici kö ka hape, hetre Edrena ekö e celë fen?

“Le jardin d’Éden—Un mythe ?” (Ita Ne Thup 1 Januare 2011)

Pine nemene matre xecie hnyawa koi së ka hape, tha tro kö a paatre la ihnadro?

“La terre sera-t-elle détruite ?” (Itus jw.org)

Mekuna i Tusi Hmitrötr göne la mel.

“Quel est le sens de la vie ?” (Itus jw.org)

Hnene la ketre trahmanyi hna mekune ka hape, ka lolo la mele i angeic, ngo ca ewekë pe hi ka pë thei angeic.

Ame Enehila Hetre Aliene Hë La Meleng (3:55)

2. Drei la ka troa ce mus me Iesu?

Tha Iesu hmekuje kö la ka troa mus ngöne la Baselaia. Öni Tusi Hmitrötr ka hape, itre atr “qa ngöne la nöjei tribu, me nöjei qene hlapa, me nöjei hane ngönetrei, me nöjei nöj . . . tro hë angatr a itre joxu me musinëne la fen.” (Hna Amaman 5:9, 10) Ala ije angatr? Qaane lo Iesu e celë fen ke, itre milio lao atr ka xötrethenge nyidrë. Ngo tha angatr asë kö a tro koho hnengödrai troa ce mus me nyidrë. Ala 144000 hi lao atr ka troa ce mus me Iesu. (E jë la Hna Amaman 14:1-4.) Ngo ame pë hë la itre xan ke, itre jinine la Baselaia nge, ka troa mele pe e celë fen.—Salamo 37:29.

Cile hë la Baselaia i Akötresie. Nge easenyi hë tro ej a saze la nöjei ewekë ngöne la fen. Tro sa ce wang la nöjei ewekë ka loi cili.

1. Tune kaa la aqane tro la Baselaia i Akötresie a traqa fë la tingeting me meköt ngöne la fen?

Tro Iesu, Joxu ne la Baselaia i Akötresie, a apatrene la nöjei atr, me itre mus ka ngazo ngöne la isi e Amagedro. (Hna Amaman 16:14, 16) Nge e cili, troa eatre hnyawa la hnei Tusi Hmitrötr hna qaja ka hape: “Panacas, ame hna patepi la ate ka ngazo.” (Salamo 37:10) Fene la musi Iesu tro ha haöthe la fen hnei tingeting me meköt.—E jë la Isaia 11:4.

2. Nemene hë la mele elanyi e eatre jë la aja i Akötresie e celë fen?

Ame ngöne la musi ne la Baselaia i Akötresie, ke, ‘tro la itre ka meköt a hetenyi la fen, me lapa palua kö ngöne ej.’ (Salamo 37:29) Pane mekune jë ka hape, itre atr ka meköt pe hi la ka troa mel, ke angatr a hnimi Iehova, memine la atr ka lapa easenyi angatr. Pë hmaca kö trene sine kucakuca, nge tro sa mel utihë epine palua.

3. Nemene hë la hna troa kuca hnene la Baselaia i Akötresie thupene la hna apatrene la itre atr ka ngazo?

Thupene la hna apatrene la itre atr ka ngazo, tro pala kö Iesu a musi koi 1000 lao macatre. Ame la ijine cili, tro nyidrë memine lo itre ka ce musi me nyidrë, ala 144000 a xatuane la itre atr matre pexeje pi angatr. Nge ame hë ngöne la pun la 1000 lao macatre, tro hë la fen a paradraiso ka mingöming, nge hna lapan hnene la itre atr ka madrin, ke, hnei angatr hna drengethenge la itre wathebo i Iehova. Tro hmaca ha Iesu a nue la Baselaia kowe la Keme i nyidrë, nge tro ha ‘hmitrötr la ëje i Iehova’ tune lo mekuna i Nyidrëti ekö. (Mataio 6:9, 10) Nge tro ha mama e cili ka hape, ame Iehova, ke, atre musi ka lolo, nge ka nyihnyawane la itre atr hnei Nyidrëti hna musi kow. Thupene lai, tro Nyidrëti a apatrenyi Satana me itre dremoni, memine la nöjei atr ka icilekeu memine la musi Nyidrë. (Hna Amaman 20:7-10) Nge, ame la aqane mele ka lolo cili jëne la Baselaia i Akötresie, ke eje hë lai utihë epine palua.

TROA CE ITHANATAN

4. Tro la Baselaia i Akötresie a apatrene la itre musi ne la atr

“Hete ijine kete ate a musinëne la kete mate angazo nyëne kö.” (Ate Cainöj 8:9) Jëne la Baselaia, tro Iehova a apatrene la itre jol qa ngöne la aqane musi cili.

E jë la Daniela 2:44 me 2 Thesalonika 1:6-8, nge ce ithanatane jë cahu itre hnying:

• Nemene la hnei Iehova me Iesu hna troa kuca kowe la itre musi ne la atr memine la itre atr ka ce me angatr?

• Jëne la hnei epuni hna atre Iehova me Iesu, pine nemene matre xecie hnyawa koi epun ka hape, ka meköt la itre huliwa i nyidro?

5. Iesu la Joxu ka ijij

Nyimutre la itre ewekë ka loi tro Iesu a kuca kowe la nöjei atr e celë fen jëne la Baselaia i Akötresie. Goeëne jë la VIDEO ka amamane ka hape, hetre aja i Iesu troa xatuane la itre atr, jëne la mene i Akötresie.

VIDEO: Hnei Iesu Hna Amamane La Itre Ewekë Hnene La Baselaia Hna Troa Eatrën (1:13)

Ame lo Iesu e celë fen, hnei nyidrëti hna amamane la itre ewekë hna troa eatrën jëne la Baselaia. Ame la itre ewekë hna amë wengën e cahu, ke nemene la itre hna thingehnaean hnei epuni hna ajan troa eatrën? E jë fe la itre xötr ka mama.

6. Mele ka mingöming jëne la Baselaia i Akötresie

VIDEO: Kola Amamane La Mele Ka Mingöming Elany (4:38)

E jë la Salamo 145:16, nge ce ithanatane jë cahu hnying:

• Nemene la mekuna i epun la epuni a atre ka hape, tro Iehova a “amejine la ite ewekë ka mele asëjëihë”?

HANE HI LA HNE SË HNA CE WANG

Tro la Baselaia i Akötresie a eatrëne la aja i Iehova. Jëne ej tro hë la ihnadro a paradraiso, nge tro hë la itre atr ka thili koi Iehova a mele uti hë epin.

Nyine Amekunën

• Tro la Baselaia i Akötresie a ahmitrötrëne tune kaa la ëje i Iehova?

• Pine nemene matre ijije tro sa mejiune ka hape, tro la Baselaia i Akötresie a eatrëne la itre hna thingehnaean hnene la Tusi Hmitrötr?

• Nemene la hnei epuni hna ajane troa canga eatrëne hnene la Baselaia?

ITRE XAA NYINE WANG

Nemene la Amagedro?

“Qu’est-ce que la bataille d’Armaguédon ?” (Itus jw.org)

Itre ewekë ka troa traqa ngöne la 1000 lao macatre ne musi Iesu me e thupen.

“Qu’est-ce que la grande tribulation ?” (Itus jw.org)

Kola lapa mekun hnene la ketre fami la mele i angatr elanyi ngöne la fene ka hnyipixe.

Mekune Jë La Eö Elanyi Ngöne La Paradraiso (1:50)

Ngöne la ketre tane mekun hna hape, “J’étais tourmenté par de nombreuses questions,” kola qejepengöne la aqane sa la itre hnyinge ne la ketre atr ka tha madrine kö kowe la aqane mus.

“La Bible transforme des vies” (Ita Ne Thup 1 Januare 2012)