-
Akötresieti Kö a Kapa La Nöjei Feet?Gojenyi Kowe La Nyipi Mel!—Troa Ce Ithanatane La Tusi Hmitrötr
-
-
E jë la Efeso 5:10, nge ce ithanatane jë cahu itre hnying:
Qëmekene troa sine la ketre feet, nemene la nyine tro sa pane wange hnyawa?
Nemene la itre feet hna majemine kuca hnene la itre atr ngöne la nöje i epun?
Ame koi epun, ka amadrinë Iehova kö la itre feet cili?
Atre kö epun la mekuna i Iehova göne la itre aniverser? Ame ngöne la Tusi Hmitrötr, pë fe kö hlue i Iehova ka feetëne la drai ne hnaho. Ame hi la ka feetën la drai ne hnaho ke, lue atr ka tha nyihlue i Iehova kö. E jë la Genese 40:20-22 me Mataio 14:6-10. Nge ce ithanatane jë cahu itre hnying:
Nemene la ewekë ka traqa ngöne la lue aniverser cili?
Nemene la hna ini së göne la aqane goeëne Iehova la itre aniverser?
Maine jë epuni a hnyinge ka hape, ‘Nyipici kö lai ka hape, ame la troa sine la aniverser me itre xaa feet, ke ka ngazo koi Iehova?’ E jë la Esodro 32:1-8. Nge, goeëne jë la VIDEO nge ce ithanatane jë cahu itre hnying:
Pine nemene matre nyipiewekë troa wange hnyawa ka hape, ka loi kö la feete ce koi Iehova?
Troa kuca tune kaa?
Aqane troa atre la itre feet ka amadrinë Akötresie
Ka ihmeku kö ej memine la hnei Tusi Hmitrötr hna qaja? Thele jë troa atre la qaane lai feet.
Eje kö a atrune la itre atr, maine organizasio, maine pena la itre darapo? Ame la hne së hna troa atrune ke, Iehova hmekuje hi, nge tro sa mejiun laka, Nyidrë casi hi la ka atreine troa nyinyine la itre jol ngöne la fen.
Tune kaa la itre aqane ujë ngöne la itre feet, ka ihmeku kö memine la hna qaja hnei Tusi Hmitrötr? Loi e tro palahi a wië la itre mekuna së.
-
-
Itre Nyine Iamadrinë Ka Amadrinë IehovaGojenyi Kowe La Nyipi Mel!—Troa Ce Ithanatane La Tusi Hmitrötr
-
-
MEKENE 53
Itre Nyine Iamadrinë Ka Amadrinë Iehova
Ame Iehova ke, “Akötresie ka madrin.” (1 Timoteo 1:11) Nge aja i Nyidrë tro fe sa madrin. Ketre, madrine catre Nyidrë troa öhnyi së a pane mano qa ngöne la itre huliwa së. Ame ngöne la mekene celë, tro sa ce wang la aqane tro sa iëne hnyawa la itre nyine iamadrinë ka lolo, nge ka amadrinë Iehova.
1. Nemene la nyine tro sa thupëne la easa iëne la itre nyine iamadrinë?
Nemene la hnei epuni hna kuca, ngöne la itre ijine mano? Ame la itre xan, angatr a e itus, maine drei miuzik, maine goeë film, maine tro koi Ëternet. Ame pena itre xan, angatr a tro kowe la ketre götrane matre troa pane ce tro, maine ce nyenyap, me sië hnagejë, maine ce elo fenibalo pena. Ngacama, tha ceitu kö la itre nyine iamadrinë hne së hna xom, ngo loi e tro palahi sa “amadri Joxu.” (Efeso 5:10) Ka nyipiewekë catr troa iëne hnyawane la itre nyine iamadrinë, pine laka, tru la itre ka amamane la itre ewekë hnei Iehova hna sisin. Tune la isi, me kuci ngazo, me kuci iöni. (E jë la Salamo 11:5.) Nemene la ka troa xatua së troa iëne hnyawane la itre nyine iamadrinë?
Maine ka hnimi Iehova la itre sinatronge së, tro hë lai a hetre thangane ka loi koi së. Nge tro angatre lai a xatua së troa iëne hnyawane la itre nyine iamadrinë. Tune lo hne së hna ce wang ngöne lo mekene 48, “ame la ka ce tro me itre ka inamacan, tro angeic a inamacan.” Ngo ame la ka majemine ce tro me itre ka tha hnimi Iehova kö, tro angeic a ‘ixelë me ngazo.’—Ite Edomë 13:20.
2. Nemene la ewekë ka traqa e tro sa nu asë la traeme së kowe la itre nyine iamadrinë?
Ngacama ka loi ju hë la itre nyine iamadrinë, ngo tha tro pi kö sa aluzine la traeme së göne lai. Ke wanga pë pi traeme së kowe la itre huliwa ka nyipiewekë catr. Tusi Hmitrötr a ithuecatre koi së troa “huliwane hnyawane la traeme [së].”—E jë la Efeso 5:15, 16.
TROA CE ITHANATAN
Tro sa ce wang la aqane tro sa iëne hnyawa la itre nyine iamadrinë.
3. Thipetrije pi la itre nyine iamadrinë ka ngazo
Hnauëne la tro sa iëne hnyawa la itre nyine iamadrinë? Goeëne jë la VIDEO, nge ce ithanatane jë cahu itre hnying:
Nemene la ka ceitu thene la itre isi gladiateurs ekö memine la itre nyine iamadrinë enehila?
Nemene la hna trotrohnine hnei Danny göne la itre nyine iamadrinë?
E jë la Roma 12:9, nge ce ithanatane jë cahu hnying:
Nemene la aqane xatua epun hnene la xötre celë, matre troa iëne hnyawa la itre nyine iamadrinë?
Nemene la itre ewekë hnei Iehova hna sisin? E jë la Ite Edomë 6:16, 17 me Galatia 5:19-21. Thupene la hna e la ketre mekene tus, ce ithanatane jë cahu hnying:
Thenge la itre xötr, nemene la ka mama ngöne la itre nyine iamadrinë enehila?
Qëmekene troa iëne la ketre nyine iamadrinë
Pane hnyinge jë ka hape:
Nemen? Hetre ewekë ka ngazo kö hnei Iehova hna sisin?
Ngöne nemene ijin? Tha tro jë kö eje a xome la traemeng kowe la itre huliwa ka nyipiewekë?
Drei? Tro kö ni a ce tro lapa memine la itre atr ka tha hnimi Iehova kö?
Tha tro kö së a elo memine la mel. Ketre tune la itre nyine iamadrinë ka ngazo, loi e tro sa ananyin
4. Huliwane hnyawane jë la traeme së
Goeëne jë la VIDEO, nge ce ithanatane jë cahu hnying:
Ngacama, tha ka ngazo kö la hna goeën hnene la trejin, ngo nemene pe la engazon?
E jë la Filipi 1:10, nge ce ithanatane jë cahu hnying:
Troa xatua së tune kaa hnene la xötre celë, göne la traem hne së hna xome kowe la itre nyine iamadrinë?
5. Iëne jë la itre nyine iamadrinë ka lolo
Ame la itre xaa nyine iamadrinë ke, tha ka loi kö koi Iehova. Ngo hetre itre xan, ka lolo koi Nyidrë. E jë la Ate Cainöj 8:15 me Filipi 4:8, nge ce ithanatane jë cahu hnying:
Nemene la itre nyine iamadrinë ka lolo hnei epuni hna pi kuca?
Nyimutre catre la itre nyine iamadrinë ka lolo
HNE SË HNA MAJEMINE DRENG: “Ketre film hi lai, ngo tha eni kö a troa hane nyitipun.”
Nemene fe la mekuna i epun?
HANE HI LA HNE SË HNA CE WANG
Aja i Iehova tro sa iëne la itre nyine iamadrinë, ka troa hetre thangane ka loi kowe la mele së.
Nyine Amekunën
Nemene la itre nyine iamadrinë nyine tro la keresiano a nuetrij?
Nemene la ewekë ka troa traqa e tro sa nu asë la traeme së kowe la itre nyine iamadrinë?
Pine nemene matre epuni a iëne la itre nyine iamadrinë ka amadrinë Iehova?
ITRE XAA NYINE WANG
Drei la ka upi së troa iëne la itre nyine iamadrinë?
Itre mekune ka lolo ka troa xatua së troa iëne hnyawa la itre nyine iamadrinë.
“Comment se détendre sainement ?” (Ita Ne Thup 15 Okotropa 2011)
Ngöne la hna melëne “J’ai même surmonté mes préjugés,” ketre trahmany a nuetrije la itre nyine iamadrinë ka ngazo.
Nemene la hna kuca hnene la ketre thine la eahlo a goeëne la ketre film ka amamane la kuci iöni?
-