Mekene 14
Musi Drei La Hnei Epuni Hna Kapa?
1, 2. Hapeu, ka ngazo asë kö la nöjei pengöne mus? Qeje pengöne jë.
AME kowe la itre xaa atr, ke, thaa madrine kö angatre la kola drenge la hna ewekë hna hape “MUS.” Trotrohnine hi së pine laka, ngazo la aqane huliwane la mus—maine ngöne la hna huliwa, hnine la fami, maine hnene pena la itre baselaia ne fen. Tusi Hmitrötre a qaja hnyawa ka hape: “Ketre ate a musinëne la ketre matre angazo nyëne kö.” (Ate Cainöj 8:9) Nyipici, alanyimu la itre atr ka musinëne me thahluëne la itre xan, nge angatre a amamane laka, angatre a sipu meku angatre hmekuj.
2 Ngo thaa ngazo asë kö la nöjei mus. Maine tro së a wange la pengö së, easë a mele fene la musi ne la ngönetrei së. Kola “upi” së troa mano, me xen, me ij, me meköl. Hapeu, hokötre kö së hnene lai? Ohe. Ame pe, hetre thangane ka loi kowe la ngönetrei, qa ngöne la hne së hna drengethenge la itre ajane ej. Celë hi matre, maine hmaloi tro së a kapa la musi ne la ngönetrei së, hetrenyi fe la itre xaa pengöne musi nyine tro së a kapa ngöne la hni ka ajan. Hanawange la itre ceitune nyine tro së a ce wang.
MUSI KA DRAIË
3. Pine nemene matre kola hë Iehova ka hape “Joxu ne sabaoth”?
3 A 300 nge sin lao hë Iehova ngöne la Tusi Hmitrötre ka hape: “Joxu ka musi cil.” Ame la atr ka musi cil, ke, kola qaja ka hape, pë kö enesane la musi angeic. Nemene la ka aijijë Iehova kowe la hnëqa cili? Hna Amamane 4:11 a sa ka hape: “Ijiji enëtilai Iehova Akötresi hun, troa kapa la nyine atrun, me nyine adraiën, me men; ke hnei enëtilai hna xupe la nöjei ewekë asëjëihë nge thatraqane la aja i enëtilai itre ej, nge hna xupe fe.”
4. Nemene la hna mekune hnei Iehova göi mus?
4 Pine laka, Iehova la Atre Xupi së, ijiji Nyidrëti troa musi thenge la hnei Nyidrëti hna ajan. Maine jë easë a xou pine laka atre hnyawa hi së ka hape, “atraqatre la mene” i Akötresie. Hna hë Nyidrë ka hape: “Akötresie ka atrein asë”—ketre hna ewekë ngöne la qene heberu ka ceitu memine la mekune lo ka hape, ka atreine asë ngöne la trenge catr, nge pë kö sa i Nyidrë. (Isaia 40:26; Genese 17:1) Ngo, Iehova a hamëne gufane la mene i Nyidrë, jëne la ketre thiina ka draië ka eje thei Nyidrë, ene la ihnim.—1 Ioane 4:16.
5. Pine nemene matre ka thaa jole kö la troa lapa fene la mus i Iehova?
5 Ngacama hnei Iehova hna qaja ka hape, tro Nyidrëti a nyithupene la ngazo kowe la itre atr ka thaa ietra kö, ngo ame pe atre hnyawa hi Mose ka hape ame Nyidrë “Akötresie ka nyipici, ate thupëne la hna sisinyi, memine la ihnimi koi angetre hnine koi nyidrë me thupëne la itre wathebo i nyidrë.” (Deuteronomi 7:9) Haawe pane mekune ju! Tha hna musinë së kö hnene la musi ka sisitria troa nyihlue i Nyidrë. Ngo ame pe ke, easë a fedre koi Nyidrë pine la ihnim i Nyidrë. (Roma 2:4; 5:8) Nge, ketre madrine ka tru la troa lapa fene la musi Iehova, pine laka easë a öhnyi loi qa ngöne la itre wathebo i Nyidrë, nge jëne itre ej, easë a huliwa kowe lo manathithi hne së hna treqen.—Salamo 19:7, 8.
6. Tuneka la aqane amejëne ekö e Edrena la mekune ka troa cile kowe la mus, nge nemene ju hë la pune kowe la icilekeu cili?
6 Hnene lo lue pane keme me thine së, hna thipetrije la musi cile i Iehova. Hnei nyidroti hna isa sipu mus, troa iëne thatraqai nyidroti kö la loi me ngazo. (Genese 3:4-6) Celë hi matre, upe triji nyidroti pi qa hnine lo Paradraiso hnei nyidroti hna mele ngön. Qa ngöne lai, hnei Iehova hna nue la itre atr troa acile la itre mus, matre atreine troa mele hnine la fene ka ngazo. Nemene la itre musi cili, nge nemene la aqane upi së hnei Akötresie troa drengethenge itre ej?
“MUSI KA TRU HUNE LA NÖJEI MUSI ASË”
7. Drei lo “itre musi atraqatr,” nge nemene la pengöi angatre ngöne la mus i Akötresie?
7 Hnei Paulo aposetolo hna cinyihane ka hape: “Drenge thenge ju hnene la nöjei ate asë la angetre musi atraqatr; ke pëkö musi ka tha qathei Akötresie.” Drei lai “itre musi atraqatr”? Kola amamane ngöne la xötre hna cinyihane hnei Paulo ka hape, celë hi itre musi ne la itre atr. (Roma 13:1-7; Tito 3:1) Thaa Iehova kö la qaane la itre musi cili, ngo hnei Nyidrëti hna nue itre eje troa cil. Celë hi matre hna cinyihane hnei Paulo ka hape: “Ngo ame la itre musi enehila, te, [hna nue itre ej, NW] hnei Akötresie troa cil.” Nemene la hna amamane hnene la musi ka eje e celë fen? Eje e fene la mus i Akötresie. (Ioane 19:10, 11) Celë hi matre, maine kola elësasaithe la wathebo i Akötresie hnene la itre wathebo i atr, ke, tro la itre keresiano a xötrethenge la mekuthethewe i angatre hna amekötine hnene la Tusi Hmitrötr. Nyipi ewekë tro angatre a “denge thenge Akötresie hune la at.”—Ite Huliwa 5:29.
8. Nemene la itre götrane hne së hna öhnyi loi qa ngön, thene la musi atraqatr ne la itre atr, nge nemene la aqane tro epuni a drengethenge angatr?
8 Ngo ame pe, nyimu ijine kola wange la itre musi atr ‘kola nyihlue i Akötresie koi së thatraqane la loi’. (Roma 13:4) Ngöne nemene götran? Pane mekune ju së la itre ewekë nyine ixatua me nyine loi koi së hna hnëkëne hnene la itre musi atraqatre ne fen, göi troa iupi fë tus, maine polis me itre ka tha man, me itre ewekë hna kuca tune lo itre pital, maine itre uma ne ini pena. Celë hi matre hnei Paulo hna cinyihane ka hape: “Qangöne lai nyipunie a nyi hote fe; ke angatre hi la itre hluei Akötresie, kolo pala hi a lapa fë la ewekë cili.” (Roma 13:6) Qa ngöne lai, loi e tro së a “ajane troa loi thina ngöne la nöjei ewekë asëjëihë” ngöne la aqane tro së a hotr, maine ngöne pena la itre hna amekötine koi së troa kuca hnei mus.—Heberu 13:18.
9, 10. (a) Troa trotrohnine tuneka laka hnei Akötresieti hna acile la itre musi atraqatr? (b) Pine nemene matre thaa loi kö troa icilekeu memine la itre musi atraqatr?
9 Ame ngöne la itre xaa ijin, ke, itre mus ne fene a huliwane angazone la musi ka eje thei angatr. Hapeu, tro hë së a wangacone la itre hnëqa së, ene la troa drenge thenge angatr? Ohe. Öhne hi Iehova la aqane ujë ka ngazo ne la itre mus. (Ite Edomë 15:3) Ame la Nyidrëti a nue la musi ne la atr, ke, thaa tro kö a trotrohnine ka hape, Nyidrëti a thinge la lue meke i Nyidrë ngöne la itre ngazo hna kuca e celë fen; ketre thaa Nyidrëti pena kö a treqene tro së a kuca. Eje hi laka, easenyi catre hë matre “anyilanyilane pi me apatrene pi la nöjei baselaia asë cili,” me nyihnane itre eje hnene la musi ne la sipu Baselaia i Nyidrë ka meköt. (Daniela 2:44) Ngo qëmekene troa traqa la Baselaia cili, hna nue la itre musi atraqatre tro angatre a itre hlue nyine loi kowe la itre atr.
10 Hnei Paulo hna qaja ka hape: “Qangöne lai, ame la ate ena la mus, kola ena la [hna nue, NW] hnei Akötresie.” (Roma 13:2) Hna acile hnei Akötresie la itre musi atraqatr, matre thaa tro kö a gomegome menu la aqane mele ne la atr, maine jole pena troa mele hnene laka pë hë wathebo. Qa ngöne lai, thatreine kö troa cile kowe itre ej, ke, kolo hë lai a thaa drengethenge la hnei Tusi Hmitrötre hna qaja, nge ketre, kola amamane fe lai ka hape, pëkö atrehmekun. Hanawange la ketre ceitun: pane mekune ju epuni ka hape hna xöji epuni hnei droketre, nge hna cane la kaakötre i epuni matre tro hmaca eje a hum. Ngacama ewekë trehnyiwa la thenyi kowe la ngönetrei i epun, ngo hetre kepine matre troa pane lapa fë itre eje ngöne la ketr, hnepe ijine ka xoxopatr. Maine hne së hna canga hule itre ej, ke, tro hmaca a nganga la kaakötre së, nge jole tro eje a meu. Ceitune hi lai memine la itre musi ne fen, ene laka, thaa itre eje fe kö e hnine la trepene mekune i Akötresie ngöne la qaan. Qëmekene tro la Baselaia i Nyidrë a musinëne la fene hnengödrai asë, hnei Nyidrë hna nue la itre musi ne fene troa musinëne la mele ne la atr, matre hetrenyi la hnepe eloine la aqane trongene la fen, hnëqa ka ihmeku memine la aja i Akötresie enehila. Celë hi matre, loi e tro së a drengethenge kowe la itre musi atraqatr, ngo eje hi laka, tro pala hi së a amë panëne la itre wathebo i Akötresie memine la mus i Nyidrë.
MUSI E HNINE LA FAMI
11. Nemene la aqane tro epuni a qejepengöne la mus?
11 Sisitria la fami, pine laka, eje la trepene la mele ne la atr. Troa hetre thangane ka loi qa ngöne eje kowe la lue trefën, pine laka, nyidroti a troa ixomexatauanekeune la itre hace; nge ijije troa hiane la itre nekönatre matre tro angatre a ketre atreine mele caasi elanyi ngöne la angatre a tru. (Ite Edomë 5:15-21; Efeso 6:1-4) Eje hi laka, hna hnëkëne la ewekë celë matre hetrenyi la tingetinge hnine la fami, nge matre loi la aqane imelekeu ne la itre atren. Celë hi matre, hnei Iehova hna acile la ketre musi e hnine la fami; mekuna i Nyidrë hna hamëne ngöne 1 Korinito 11:3: “Keriso la he ne la nöjei trahmany; nge trahmanyi la he i föe; nge Akötresie la he i Keriso.”
12, 13. Drei la hene la fami, nge nemene la tulu hna amë pe hnei Iesu, göi aqane troa xötrethenge la aqane musi nyidrë?
12 Trahmanyi la hene la fami. Ngo, hetre ka musi koi angeic— Iesu Keriso. Hnei Paulo hna cinyihane ka hape: “Ange trahmany, hnime ju la itre fö’ i nyipunie, tune lo hnei Keriso hna hnime la ekalesia me hamë nyidrëti kö thatraqan’ej.” (Efeso 5:25) Tro la ketre trahmanyi a amamane laka, angeice a xötrethenge la tulu i Keriso ngöne la aqane ujë i angeice kowe la fö i angeic, e hnei angeice hna xötrethenge pala hi la aqane ujë i Iesu kowe la ekalesia i nyidrë. (1 Ioane 2:6) Eje hi laka, ase hë kapa hnei Iesu la ketre musi ka tru, ngo hnei Nyidrëti hna huliwane eje cememine la hni ka menyik, me ihnim, me inamacan. (Mataio 20:25-28) Ngöne la Iesu e celë fen, ke, thaa hnei nyidrëti kö hna huliwane angazone la musi ka eje thei nyidrë. Eje hi laka, “menyike nge ipië la hni” i nyidrë, nge hnei nyidrëti hna hëne la itretre drei i nyidrë ka hape, “itre sine” ngo thaa “itre hlue kö.” Hnei nyidrëti hna thingehnaeane koi angatre ka hape: “Tro ni a amanonyi nyipunie,” nge nyidrë a aeatrëne ju.—Mataio 11:28, 29; Ioane 15:15.
13 Kola inine la itre trahmanyi hnene la tulu hna amë hnei Iesu laka, ame la musi kowe la keresiano, ke, thaa kolo kö a hape iwajahuj. Ngo, tro pe a musi cememine la metrötr, me hujëne la mele pine la ihnim. Qa ngöne lai, thaa loi kö troa hetrenyi hnene la lue trefëne la ketre aqane ujë ka ngazo; maine troa iqanangazo, maine tro pena a ithahnata akökötreny. (Efeso 4:29, 31, 32; 5:28, 29; Kolose 3:19) Maine tro la ketre keresiano trahmanyi a qanangazone la föe i angeic, ke, tro hë lai a gufa la huliwa i angeice hnei pë wene ka loi, ketre mina fe troa ajolëne la itre thithi angeic.—1 Korinito 13:1-3; 1 Peteru 3:7.
14, 15. Nemene la aqane tro la atrehmekune i Akötresie a xatuane la föe, troa ipië kowe la fö i angeic?
14 Eje hi laka, maine tro la trahmanyi a xötrethenge la tulu hna hamëne hnei Iesu, nyipici, tro ha hmaloi kowe la föe troa kapa la itre trenge ewekë hna cinyihane ngöne Efeso 5:22, 23: “Ange fö’ drenge thenge ju nyipunie la itre fö’i nyipunie kösë koi joxu, ke he i föe la trahmany, tui Keriso he ne la ekalesia.” Tune la hna amekötine laka, tro la trahmanyi a drengethenge Keriso, ketre nyipi ewekë e tro fe la föe a drengethenge la fö i angeic. Tusi Hmitrötre a qaja ka hape, troa atrune la itre föe ka atrein, pine la inamacane memine la itre huliwa hnei angatre hna kuca thenge la aja i Akötresie.—Ite Edomë 31:10-31.
15 Hna nyi ifegone la drengethenge ne la föe kowe la fö i angeic. Celë hi matre, maine kola thele jëne hnene la trahmanyi tro la föe i angeice a sasaithe la itre wathebo i Akötresie, ke, loi e tro la föe a drengethenge Akötresie, ngo thaa atr kö. Eje hi laka, maine kola troa catre fë hnene la föe la mekune ka eje thei Akötresie, ke, loi e tro angeice a amamane pala hi la “hni ka menyike me thilimek.” Loi e troa mama laka, hna jëne la atrehmekune i Akötresie matre angeice enehila la ketre föe ka lolo. (1 Peteru 3:1-4) Caasi hi la pengöne kowe la keresiano trahmany, maine thaa ka lapaune kö la föe i angeic. Nge pine laka, angeice a trongëne la itre trepene meköt qa hnine la Tusi Hmitrötr, eje hi laka tro hë angeice a ketre trahmanyi ka lolo.
16. Nemene la aqane tro la itre nekönatre a xötrethenge la tulu hnei Iesu hna amë pe ngöne lo nyidrëti a thöth?
16 Kola amamane hnei Efeso 6:1 la qa ne la itre nekönatr, hna hape: “Ange nekönatre fe, drenge thenge ju la itre keme me thine i nyipunie thei Joxu; ke celë hi meköt.” Kola xötrethenge hnene la itre keresiano nekönatre la tulu hna amë pe hnei Iesu, ngöne laka, hnei nyidrëti pala hi hna drengethenge la keme me thine i nyidrë ngöne la nyidrëti a nekönatr, uti hë la nyidrë a tru. Nge hnene laka, nyidrëti a drengethenge ngöne la kola co, nyidrëti a “tru trootro ngöne la inamacane me ngönetrei, nge hna hnimi nyidrëti hnei Akötresieti me nöjei ate.”—Luka 2:51, 52.
17. Nemene la thangane la aqane musi ne la itre keme me thine kowe la itre nekö i angatr?
17 Tro la aqane aeatrëne hnene la itre keme me thine la itre hnëqa i angatr, a amamane elanyi la thiina ne la itre nekö i angatr, maine troa angatre a metrötrëne la mus, maine pena tro angatre a cile kow. (Ite Edomë 22:6) Celë hi matre, loi e tro la itre keme me thine a isa hnyinge ka hape: “Hapeu, hnenge kö hna nyitrepene la musing hnene la ihnim, maine ka iwajahuje la aqane musing? Nge tuneka, eni kö a nuenue la itre neköng?” Eje hi laka, ame la hne së hna treqene thene la ketre keme me thine ka lapa qale koi Akötresie, ke, ene la tro nyidroti a hnime me wangatrune la itre nekö i nyidro, ngo loi e tro pala hi nyidro a fedre kowe la itre trepene meköti qa thei Akötresie. Celë hi matre hnei Paulo hna cinyihane ka hape: “Nge ame nyipunie itre keme, te, the aciane kö kowe la itre neköi nyipunie la iwesitrë; ngo loi pe hia angatre jë ngöne la ini me ihaji ne la Joxu Iehova.”—Efeso 6:4; Kolose 3:21.
18. Tuneka la aqane tro la itre keme me thine a hajine la itre nekö i angatr?
18 Maine ajane la itre keme me thine tro la itre nekönatre a drengethenge angatr, me amadrinë angatr, ke, nyipi ewekë tro angatre a wange hnyawa la itre aqane inine angatre la itre nekö i angatr. (Ite Edomë 23:24, 25) Ame la ihaji ka eje hnine la Tusi Hmitrötr, ke, celë hi ketre aqane ini. (Ite Edomë 4:1; 8:33) Atreine troa isilekeune eje memine la ihnimi me menyik, ngo thaa iwesitrë kö me iqanangazo. Qa ngöne lai, loi e tro la itre keresiano keme me thine a inamacane la aqane ujë i angatr, me xomihni ngöne la angatre a hajine la itre nekö i angatr.—Ite Edomë 1:7.
MUSI E HNINE LA EKALESIA
19. Nemene la hnei Akötresieti hna hnëkën, matre hetrenyi la caasi hnine la ekalesia i keresiano?
19 Pine laka, Iehova la Akötresie ka caas, atreine troa qaja laka tro Nyidrëti a musi hune la nöje i Nyidrë, nge pëkö ethane la itre ewekë hna amekötin, pine laka lolo la aqane hnëkën. Hnei Nyidrëti hna acili Iesu troa hene la Ekalesia i keresiano. (1 Korinito 14:33, 40; Efeso 1:20-23) Eje hi laka, fene la musi Keriso ka sihngödre koi atr, ke, Akötresie a nue kowe la itre qatre thupe troa cilëmekene la itre ekalesia, matre tro angatre a ithuane me hnime me catre thupëne la hnënge mamoe. (1 Peteru 5:2, 3) Kola xatua angatre hnene la itre drikona ngöne la itre hnëqa hna athipe koi angatr, nge mana la huliwa i angatre hnine la ekalesia.—Filipi 1:1.
20. Pine nemene matre nyipi ewekë troa drengethenge la itre qatre thupe keresiano, nge pine nemene matre hetre loi hna troa kapa qa ngön?
20 Hnei Paulo hna cinyihane göi itre qatre thup, ka hape: “Ideiju kowe la itre mekene i nyipunie me drengethenge ju; ke angatr’a hmekëne thatraqane la itre u i nyipunie, ke, itre ka troa qeje gelen; mate troa kuca lai cemememine la madrin, nge thaa memine la aköt; ke ka pë thangane lai koi nyipunie.” (Heberu 13:17) Jëne la inamacan, hnei Iehova hna athipe kowe la itre keresiano atre thup, troa kukehnine la itre aja ngöne la ua ne la itre atrene la ekalesia. Tha itre keme ne hmi kö la itre qatre thupe cili. Ohe, angatre hi lo itre ka troa nyihlu, itre hlue i Akötresie ka troa nyihluene la itre sine hmi angatr, ene la troa hamëne la ixatua hna ajan, tune la aqane kuca ne la Maseta, ene Iesu Keriso. (Ioane 10:14, 15) Eje hi laka, ketre ixatua ka tru koi së la troa ce huliwa, me idrengethenge, qa ngöne la easë a atre laka, hetrenyi la itre atr ka xötrethenge la thiina hna eamone hnei Tusi Hmitrötr, angatre a hane wangatrune la trengecatre hne së hna kuca, memine la aqane kökötre së ngöne la ua.—1 Korinito 16:16.
21. Nemene la aqane xatuane la itre keresiano hnene la itre qatre thup, matre catre angatre ngöne la ua?
21 Ngöne la itre xaa ijin, ke, kola tro menu la itre xaa mamoe maine hna ajojezi angatre pena hnene la itre xaa ethanyine la fene ka ngazo. Ame fene la mus ne la atre thupë mamoe ka tru, ke, hna acile la itretre thup, itre atr ka xatuane lo atre thupë mamoe, angatre a waihatrene la aja ne la itre mamoe hnei angatre hna thupën, nge angatre a canga easenyi nyiudren, matre troa hamëne la ixatua ka ijij. (1 Peteru 5:4) Angatre a wange trongëne la itre atrene la ekalesia me ithuecatre koi angatr. Ka nyipi ewekë catre lai pine laka, Satana pala hi a thele troa agomegomene la nöje i Akötresie; celë hi matre jëne la inamacane qa koho, itre qatre thupe a hamëne la ixatua, matre ijije troa cile kowe la itre jol. (Iakobo 3:17, 18) Angatre a isigöline tro la nöje i Iehova a caasi ngöne la lapaun, celë hi ewekë hnei Iesu hna thithi pala hi kow.—Ioane 17:20-22; 1 Korinito 1:10.
22. Nemene la ixatua hna hamëne hnene la itre qatre thup, maine hetre ewekë ka ngazo hna kuca hnene la itre trejin?
22 Nemene la ewekë hna troa kuca hnene la keresiano e angeice a akötr, maine pena ngöne la angeice a nanazije pine la hna kuca la ngazo? Atreine troa amele angeice hmaca ngöne la ua jëne la itre ixatua qa hnine la Tusi Hmitrötr, jëne la itre eamo ka troa ahmaloene la akötre i angeic, nge jëne fe la itre thithi hna qaja qa kuhu hni hnene la itre qatre thup. (Iakobo 5:13-15) Hetrenyi fe la mus thene la itre atr celë hna acile jëne la uati hmitrötr, ijiji angatre troa hamëne la wameuc maine troa hajine pena la itre trejine ka kuca la ngazo, maine pena ketre atr ka apoizinëne la ekalesia ngöne la götrane ne la ua, maine hnene la thiina i angeic. (Ite Huliwa 20:28; Tito 1:9; 2:15) Eje hi laka ngöne la itre xaa ijin, thaa loi kö troa lapa fë thaupune la itre ngazo ka sisi hna kuca hnene la itre trejin, kolo lai a troa adrone la ekalesia. (Levitiko 5:1) Maine tro la keresiano a kuca la ketre ngazo ka sis, nge thupene lai hnei angeice hna kapa la wameuce ne ihaji hna nyi trepene ngöne la Tusi Hmitrötr, ene pe ietra ju angeice ngöne la hni ka pexej, eje hi laka tro ha xatua angeic. Ngo, ame angetre sasaithe pala hi la wathebo i Akötresie, nge thaa ietra kö ngöne la hni ka menyik, ke, tro ha upe triji angatre qa hnine ekalesia.—1 Korinito 5:9-13.
23. Nemene la hna hamëne hnene la itre qatre thupe nyine loi kowe la ekalesia?
23 Hna ahnithe hë hnei Tusi Hmitrötre laka, e celë fene la hna musi kow hnene la nyi Joxu hnei Iesu Keriso, qa ngöne lai, hna iëne la itre thupëtresiji ka macaje ngöne la ua, matre tro angatre a aupune me thupën, me akeukawane la nöje i Akötresie. (Isaia 32:1, 2) Nyipi ewekë tro angatre a amamai tulu ka loi ngöne la troa tro fë la evangelia, me thupëne la itre mamoe, me troa inine la itre atr matre tro angatre a kökötre ngöne la ua. (Efeso 4:11, 12, 16) Eje hi laka, ngöne la itre xaa ijin, ke, tro la itre trengewekë hna hamëne hnene la itretre thupe keresiano a hajine me ithuecatren, me xatuane la itre sine hmi me angatr, qa ngöne lai, loi e tro pala hi angatre a trongëne la ini hna melene hna nyi trepene hnei Tusi Hmitrötr, ke, celë hi ka troa eatrongëne la itre trejine asë kowe la gojenyi ne mel.—Ite Edomë 3:11, 12; 6:23; Tito 2:1.
NYIPI EWEKË TROA KAPA LA AQANE MEKUNE I IEHOVA GÖI MUS
24. Nemene la itre itupathi hne së hna cile kow, ngöne la nöjei drai?
24 Hna tupathe la pane keme me thine së, ngöne la aqane tro nyidro a drenge thenge la mus. Ketre tu së mina fe, ngöne la nöjei drai, easë pala hi a lapa qëmeke kowe la itupathi ka tune lai. Hnei Satana Diabolo pala hi hna akökötrene ngöne la mele ne la atr, la mekune ne troa icilekeu. (Efeso 2:2) Ketre, hna qaja aloine me atrune la ajane troa ketre sipu mus, hune la troa drengethenge me ipië.
25. Nemene la eloine memine la manathithi hne së hna troa kapa, e hne së hna thipetrije la mekune ne icilekeu i fen, me thili kowe la musi hnei Akötresieti hna acile me nue thatraqai së?
25 Nyipi ewekë tro së a thipetrije la mekune ka jilapane la fen, ene la icilekeu. Maine aqane mele së fe hë lai enehila, eje hi laka tro së a öhnyi loi qa ngöne la hna drengethenge Akötresie. Ketre mina, maine hne së hna drengethenge la itre musi hna acile e celë fen, ke, nyipici pë kö tro së a lapa xou nge troa ananyi së hnene la itre hulö, kolo itre akötre lai ka traqa koi angetre ena la itre wathebo ne la mus, ene pe xeni pune ju angatre la thaa idrei angatr. Ketre, tro fe hë a nango co la itre ikucanyi hna öhne hnine la nöjei fami. Nge tro fe hë së a kepe thangane ka loi hnene laka, keukawa nge ihnimikeu la itre trejine me easë keresiano hne së hna imajemikeu memin. Ngo eje hi laka, ame la ewekë ka sisitria, ke, ene la tro së a drengethenge Iehova Akötresie, matre iloi pala hi së me Nyidrë atre cilëne la musi ka draië catre nge ka pë san.
HAPEUE LA HNEI EPUNI HNA ININ
Tuneka la aqane musinëne Iehova la itre xupuana i Nyidrë?
Drei itre “musi atraqatr ne fen,” nge nemene la aqane tro së a drengethenge itre ej?
Nemene la pengöne la musi hna acile kowe la itre atrene la fami?
Nemene la aqane tro së a drengethenge hnine la ekalesia i keresiano?
[Hna eköhagen götrane 134]
KA IDRENGETHENGE ANGATR NGO THAA KA ICILEKEU KÖ
Jëne la huliwa ne cainöje trootro, itre Temoë i Iehova a amamane laka Baselaia i Akötresie hmekuje hi la hna mejiune kow, matre hetrenyi la nyipi tingetinge memine la lapa xetietë ngöne la fene hnengödrai. Ngo thaa ka icilekeu kö la itretre cainöjëne la Baselaia i Akötresie memine la itre mus ne fen, ene la itre ka cilëmekene la nöje hnei angatre hna mele ngön. Eje hi laka, itre Temoë la itre atrene la nöje ka hetre metrötre catr, me ka drengethenge la itre hna amekötine hnene la itre mus. Hna qaja hnene la ketre hene ka tru ne la ketre nöje ne Afrik, ka hape: “Maine hna tune ju la itre Temoë i Iehova hnene la nöjei hmi asë, ke, thaa tro kö a hetrenyi ngöne la nöje së la itre ihumuth, me atrekënö, maine itre thöthi pena ka ngazo la aqane ujë, me itre hna akalabusin, me itre boobe atomik. Ketre, thaa nyipi ewekë kö troa kiine lapaane la itre qëhnelö.”
Hna wangatrehmekune lai hnene la itre hene ka tru ngöne la itre nöje ka nyimutre, celë hi matre angatre a nue la itre trejine troa cainöjëne la maca ka loi ngöne la itre nöje i angatr. Ngöne la itre xaa nöj, ke, hna apëne la itre wathebo ka thinge me ka nyifegone la huliwa ne cainöje së, hnene laka, angatre a öhne la elolone la aqane ujë ne la itre Temoë i Iehova kowe la nöj. Celë hi hnei Paulo hna cinyihane troa qaja amamane la eloine la troa drengethenge la itre musi ne fen, hna hape: “Thina ka loi ju matre qaja aloinyi eö hnei [angatr, NW].”—Roma 13:1, 3.