Itre Hnyinge Ne La Itre Ka e

Hapeu la tusi Ate Cainöj 5:8, kolo hi a qaja la itre musi atr, maine kolo fe a qeje Iehova?

Loi e tro sa lapa mekune la xötre celë. Kola hape: “Maine eö a öhne la kola qanangazone la ka pë ewekë, me tha dreng la hna amekötin ngöne la nöj, the sesëkötre kö ke, hetre ka tru hune la ka tru, me ka sisitria hui nyidro.”—Ate cai. 5:8, MN.

Canga tro hi sa mekun laka, kola qaja la itre atr ka musinëne la itre nöj. Ngo maine tro sa mekune hnyawa, kola amekunë së la nyipici göi Iehova. Nge celë hi ka akeukawane la hni së.

Ame ngöne Ate Cainöj 5:8, kola qaja la ketre atre mus ka qanangazone la itre ka pë ewekë. Loi e tro angeic a mekun laka, kola goeë angeic hnene la maseta. Nge hetre itre xan ka cilë hnëqa ka tru kö hune la hnëqa i angeic. Ngo ame pe, tha ka meköti kö la itre musi e cailo fen, nge itre ej a qanangazone la itre atr.

Ame itre xaa ijin, kösë pëhë nyin la itre jole së, ngo kola akeukawane la hni së laka, Iehova a goeëne la itre atr ka mus. Ijije hi tro sa sipo ixatua koi Nyidrë me nue koi Nyidrë la ehnefe së.’ (Sal. 55:22; Fil. 4:6, 7) Atre hi së laka, “kola nyenyap agöne la fene hnengödrai hnene la lue alameke i Iehova, matre troa xatuane la itre ka hni ka meköti koi nyidrë.”—2 A. l. ite jo. 16:9, MN.

Eje hi, kola amamane ngöne la tusi Ate Cainöj 5:8 laka, ame la itre atre mus, tre, hetre itre xan ka cilë hnëqa ka tru kö hune la hnëqa i angatr. Ngo ame la ka sisitria ke, Iehova la ka draië catre kö me Atre Mus ka sisitria. Hnei Nyidrëti hna acili Iesu Keriso, Nekö i Nyidrë, troa joxu ne la Baselaia. Eje hi, ka meköti Iehova, Akötresie Ka Tru Trenge Men, nge atre goeëne la fene hnengödrai asë, nge ketre tune fe la Nekö i Nyidrë.