Nemene La Ewekë Ka Traqa e Thupen La Mec?

Hetre sinee i epun fe hë ka mec? Alanyimu la itre atr ka hnying ka hape: ‘Nemene la ewekë ka traqa e thupen la mec? Tro hmaca kö ni a öhne la itre atr ka meci hë?’ Tro la mekene celë me e thupen, a sa koi epun jëne la Tusi Hmitrötr.

1. Nemene la ewekë ka traqa e meci hë së?

Hnei Iesu hna aceitunëne la mec memine la kola hmulizië. Pine nemene matre aceitunëne jë la mec memine la kola hmulizië? Ke ame la ka hmulizië, pëkö hnei angeic hna dreng. Ceitune hi lai memine la ka mec, pëkö hnei angeic hna dreng, nge tha akötre kö angeic. Öni Tusi Hmitrötr: “Tha ’te kö la kete ewekë hnei ite ka meci hë.”—E jë la Ate Cainöj 9:5.

2. Nemene la eloin e tro sa atre la nyipici göne la mec?

Alanyim la itre atr ka xoue mec, nge angatre fe a xouene la itre atr ka meci hë. Ngo, ka lolo catre la hna qaja hnei Tusi Hmitrötr göne la mec. Öni Iesu ka hape: “Tro la nyipici a nuamele nyipunie.” (Ioane 8:32) Hnene la itre xaa hmi hna qaja ka hape, e meci hë së ke mele kö la u. Ngo tha celë kö la hna inine lai hnei Tusi Hmitrötr. Pine laka, pë hmaca kö hnene la itre atr ka mec hna dreng, haawe, tha akötre hmaca kö angatr. Ketre, thatreine kö angatr troa akötrë së. Matre, tha nyipiewekë kö tro sa hmi sai angatr me thith, matre tha tro kö angatr a angazo së.

Ame itre xan, angatre a qaja ka hape, angatr a ithanata me itre ka mec. Ngo trengathoi lai. Tune la hne së hna wang, ‘thatre hmaca kö angatre koilo.’ Ame la itre ka qaja ka hape, angatr a ithanata me itre ka mec, ke angatre hi lai a ithanata me itre dremoni matre tro sa mekune ka hape, mele kö la itre ka mec. Matre ame la easa atre la nyipici göne la mec ke, kola thupë së göne la itre dremoni. Iehova a qaja koi së ka hape, tha tro pi kö së a ithanata memine la itre ka mec, wanga angazo së jë hnene la itre dremoni.—E jë la Deuteronomi 18:10-12.

3. Nemene ju hë la ka traqa kowe la itre ka mec?

Nyimu aqane qejepengöne la ewekë ka traqa e thupene la mec. Ngo tha itre ka nyipici asë kö.

• Nemene la hna qaja hnei itre xane göne la mec?

VIDEO: Nemene La Ewekë Ka Traqa e Thupene La Mec?—Extrait (1:19)

E jë la Ate Cainöj 3:20, nge ce ithanatane jë cahu itre hnying:

• Jëne cahu xötr, nemene la pengö së e meci hë së?

• Hapeu e meci hë së, mele pe kö la u?

Tusi Hmitrötr a qejepengöne la ewekë ka traqa thupene la hna mec hnei Lazaro, ketre sinee Iesu. E jë la Ioane 11:11-14, matre tro sa atrepengöne la aqane qejepengöne la meci Lazaro hnei Iesu. Nge ce ithanatane jë cahu itre hnying:

• Hnei Iesu hna aceitunëne me nemene la mec?

• Nemene la hna ini së hnene la ceitun cili göne la itre ka mec?

• Nemene la mekuna i epun göne la aqane qejepengöne Tusi Hmitrötr la mec?

4. Kola nuamele së hnene la nyipici göne la mec

Ame la easa atre la nyipici göne la mec, pë hmaca kö hne së hna xouen. E jë la Ate Cainöj 9:10, nge ce ithanatane jë cahu hnying:

• Hapeu, atreine hmaca kö la itre ka mec akötrë së?

Ame la easë a atre la nyipici jëne la Tusi Hmitrötr göne la itre ka mec, tha easë hmaca kö a hmi sai angatr me thith, matre tha tro kö angatr a angazo së. E jë la Isaia 8:19 me Hna Amaman 4:11, nge ce ithanatane jë cahu hnying:

• Ame koi epun, nemene la mekuna i Iehova kowe la atre ka hmi fë la itre ka mec me ka sipo ixatua thei angatr?

5. Tingetinge hë la hni së la easa atre la nyipici göne la mec

Alanyimu la itre atr ka mekune ka hape, e meci hë angatr ke tro ha hetre pun ka ngazo koi angatr. Ngo tingetinge ju hi la hni së la easë a atre ka hape, pëkö akötr thupene la mec, ngacama tru ju hë la itre ngazo hne së hna kuca. E jë la Roma 6:7, nge ce ithanatane jë cahu hnying:

• Maine nyipici la hnei Tusi Hmitrötr hna qaja ka hape, ame la thupene la ngazo ke, mec, tro kö lai a akötrëne la itre ka mec pine la itre ngazo hnei angatr hna kuca ekö?

Ame la easë a atre Iehova hnyawa, easë hi lai a trotrohnine ka hape, tha Nyidrëti fe kö a akötrëne la itre ka mec. E jë la Deuteronomi 32:4 me 1 Ioane 4:8, nge ce ithanatane jë cahu itre hnying:

• Ame la easë a atre hnyawa la itre thiina i Akötresie jëne la lue xötr, hapeu ijije kö tro sa mekune ka hape, Nyidrëti a akötrëne la itre ka mec?

• Hapeu kolo kö a akeukawane la itre hni epun la epuni a atre la nyipici göne la mec? Pine nemen?

HANE HI LA HNE SË HNA CE WANG

Ame la ketre atr a mec, pune hi lai koi angeic. Ame la itre ka mec, tha akötre hmaca kö angatr, nge thatreine hmaca kö angatr akötrëne la itre ka mel.

Nyine Amekunën

• Nemene la ewekë ka traqa e meci pi së?

• Nemene la eloine la tro sa atre la nyipici göne la mec?

• Hnauëne la kola atingetingëne la hni së hnene la nyipici göne la mec?

ITRE XAA NYINE WANG

Nemene la aqane qejepengöne la “u” hnei Tusi Hmitrötr?

“Qu’est-ce que l’âme ?” (Itus jw.org)

Akötresieti kö a dreuth la itre atr?

Akötresieti Kö a Dreuthe Amelene La Itre Atr? (3:07)

Tro kö sa xouene la itre ka mec?

Itre Ua Ne La Itre Ka Meci Hë—Hapeu, Atreine Kö Angatre Troa Xatua Epun, Maine Troa Akötrë Epuni Pena? Ketre, Itre Ka Mele Kö Angatr? (boroshür)

Hna xatuane la ketre trahmanyi la angeic a atre la nyipici göne la mec.

“J’étais impressionné par les réponses claires et logiques de la Bible” (Ita Ne Thup 1 Febuare 2015)