PIÖÖC 5

Kuɛ̈n Lacök

**1 Timotheo 4:13 [NWT]**

JAM CIEKIC: Kuen wël tɔ̈u awerekic ë röl dït ë të cït tëden cï gät keek.

Ye rot ŋiɛc guiir. Ye yïnɔm tak ye wɛ̈tŋö gɛ̈t ë wëlkä. Ye wël kueen ke määt ke yiic të cït tëden cï gät keek ku duk keek ë kueen ëtök tök. Ye yï nyin ŋiɛc tääu piny apiɛth ba wël ŋiɛc kueen të cït tëden cï gät keek, bï ciën wël lïr kenïïm, awu ba wël kɔ̈k liu thïn mat thïn. Ye kït ye ke wël toom thook muk yïnɔm, bï kuɛ̈ndu lɔ tueŋ ke lacök.

Thiëc mäthdun ŋic kuɛ̈n bï yï buɔɔth cöök ë kuɛ̈ndun ë Baibolic, ku na nɔŋ wël ca ke kuɔ̈c kueen, ka lëu bï lɛ̈k yïn ba ke cɔ̈kpiny.
Ye wël ëbën ŋiɛc cɔɔl të cït tëden cï gät keek. Ku na kuc të ye cɔ̈ɔ̈l wɛ̈t, ke tïŋ dïkcionarï yic, piŋ röl cï dɔm athörkuɔ yiic, awu thiëc raan däŋ ŋic kuɛ̈n bï yïn kuɔny.
Ye jam apiɛth. Ye wël ŋiɛc cɔɔl të cït tëden cït gät keek, ye yïnɔm jat nhial ku liec kɔc, ku ye yï thok liep të kuën yïn. Ye them ba wël cï ke gɔ̈t ëbën ŋiɛc ya kueen të cït tëdɛn cï gät keek.

Ye wël ŋiɛc kueen të cït të ye kɔc jiɛɛm thïn ku duk kɔc ë kiëët röt, kënë alëu bï kuɛ̈ndu racic.