Ye Diɛɛr ë Kɔc Kɔ̈k

Kën ë Cïï Yecu Looi

BIDEO: Yecu ke Tik aa tɔ̈u ë Yith nɔm

1. Ɣoi BIDEO, awu kuen Jɔn 4:6-9. Ku jälkë thiëc bɔ̈ jäämiic:

1. Yeŋö ë cïï Yecu kaŋ ŋic tënë tik ke këc jam guɔ jɔɔk cöök?

2. Ee cïï Yecu lueel: “Miɔc en ë kä dɛk.” Ye wɛ̈tŋö ë ye kueer kënë kë thiekic bïï jam jɔɔk cöök?

Yeŋö Buk Piɔ̈ɔ̈c Tënë Yecu?

2. Ɣok lëu buk ŋiɛc jam apiɛth ke raan të jɔɔk ɣok jam cöök ë kë wën nhiɛɛr.

Kiɛ̈ɛ̈të Yecu

3. Ye käŋ waariic. Duk kueer tök ë luɔ̈ɔ̈i bïï yïn jam ëbën ya jɔɔk cöök. Jɔk jam cöök ë kë wën piɔc rot looi ŋic kɔc kɔ̈k. Ye rot thiëëc:

1. ‘Yeŋö loi rot ëmën?’

2. ‘Yeŋö ye kɔc thiääk ke ɣɛn, ku kɔc lui ke ɣɛn, awu kɔc rɔm päthil ke ɣɛn jäämic?’

4. Tääu yïnyin piny ku ba kë loi rot tïŋ. Ye rot thiëëc:

1. ‘Yeŋö loi raan ëmën? Yeŋö ye takic?’

2. ‘Yeŋö ye të ye raan rukthïn, ku kä tɔ̈u ë yeguɔ̈p, awu paande lɛ̈k yïn ë biäk ë gäämde awu ciɛɛŋde?’

3. ‘Nadɛ̈ ye yen ë dhaman piɛth ë kënë bïï yïn jam we raan?’

5. Piɛ̈ŋë.

1. Duk ë jam arëët.

2. Dɛɛt ë raan puɔ̈u bï jam ë kë tɔ̈u yepuɔ̈u ëbën. Të lëu yen rot, thiëc raan ë thiëc.