Awereek ke yäp Athör Amat ë Lon ë Piööc ku Ciɛɛŋda
© 2025 Watch Tower Bible and Tract Society of Pennsylvania
PƐƐI Ë DHOROU 7-13
KÄPIƐƐTH TƆ̈U Ë WƐ̈T Ë NHIALICIC
KƐ̈Ŋ 21
Wëët Piɛɛth Wën Lëu bï Miɛt ë Puɔ̈u Bɛ̈ɛ̈i ë Thiëëkic
w03 10/15 awer. 4 abër 5
Ye Këdï Lëu Bïï Yïn Ŋiëc Kuany ë kë ba Looi?
Na ye raan këriëëc ëbën guɔ looi ke yɔŋ awu këc ŋiëc takic, ka lëu bï kuɔ̈c kuany. Kɛ̈ŋ 21:5 ee ɣo yɔ̈ɔ̈k: “Täŋ de raan ŋic luɔi ee kuɛth bɛ̈ɛ̈i, ku banabek [raan ë käŋ yɔŋ, NWT] ee nyin kuany.” Cït man, riënythii wën thut röt aa wïc bïk dhamandït kaŋ nyaai bïk röt ŋic ke këckë guɔ kuany bïk röt thiaak. Ku na cïk loi këya, ke kë wään cïï raan cɔl William Congreve lueel ë run ɣɔn cï lɔ alëu bï ya yic, wään cïï yen ye lueel: “Të go wek röt guɔ thiaak ke we këc röt ŋiëc deet, ke wek aa lëu bäk röt la gɔ̈k aläthɛɛr të je wek röt lɔ ŋic.”
g 7/08 awer. 7 abër 2
Ye Këdï Lëu Bïï Wek Thiëŋ Nɔŋic Miɛt ë Puɔ̈u Looi?
Ye rot kuɔɔr piny. “Duökï käŋ ee looi në ater ayï lɛ̈cderɔt, yak röt kuɔɔr piny, ë ŋɛk ë ye ŋɛk riëëu [theek, NWT] awär riëëu riëëu en rɔt.” (Pilipoi 2:3) Teer ee rot dac jat nhial ë kaam ë kɔc cï röt thiaak, të ye raan tök raan dɛ̈t gɔ̈k ku cïï ye them bï rot ya kuɔɔr piny agokë kë cï ke wääc thook cɔ̈kpiny. Koor ë rot piny alëu bï yïn kuɔny ba käŋ ya pälpiny të nɔŋ en kë cï we wääc thook.
w06 9/15 awer. 28 abër 13
“Miɛtë Piɔ̈u Wekë Tiiŋduön ë Dhuöök [Rïïc Wek, NWT]”
Ku na cï käŋ yiic riɛl apɛi ë thiëëkic ë wɛ̈t të ye kɔc cï röt thiaak röt ciëëŋ thïn? Ku alëu bï yic riɛl ë dhaman dɛ̈t bïk kë loi rot ŋic. Cït man, tɛkdɛ̈t alëu bï ya jam rac yen cï rot kual ë thiëŋdenic ke cïkkë ŋic. (Kɛ̈ŋ 12:18) Cït man wään cïï ye jäämic awereŋ cï bakic, kë cït ë kënë alëu bï naŋ kë looi ë thiëëkic. Cït man cïï kääŋ tɔ̈u ë Baibolic ye lueel: “Raan ceŋ jɔ̈ɔ̈ric [awu rooric, NWT] aŋuän në raan rɛ̈ɛ̈r kekë tiiŋ kec piɔ̈u ee wou.” (Kɛ̈ŋ 21:19) Ku na ye tiiŋ rɛ̈ɛ̈r ë thiëŋ cït ë kënë yic, ke them ba rot thiëëc, ‘Nadɛ̈ ye të ye ɣɛn käŋ luɔɔi thïn ye looi bï yic ya riɛl tënë muɔnydiɛ̈ bï rot cïï ë thiäk ɣɛn?’ Aye Baibol lɛ̈k röör aya: “Wek röör, nhiaarkï diëërkun, ku duökï piɔ̈ɔ̈th ee rac ë keek.” (Kolothai 3:19) Ka yeen, të ye yïn mony ë baai, ke yï thiëc rot ee thiëc kënë, ‘Nadɛ̈ ye të ye ɣɛn tiiŋdiɛ̈ ciëëŋ thïn ye riääc bï cïï ë dac jam ke ɣɛn, ku ye kuɔɔny lɔ yɔ̈ɔ̈p tënë kɔc kɔ̈k?’ Na cɔk anɔn cïï ë ciɛɛŋ kënë tik ë yiëk yic bï la kɔɔr, ke kërɛɛc cït ë kënë alëu bï rot looi të cïï moc ke tik käŋ ë ŋiëc jäämiic ë kamken.
Yäp ë Käthiekiic Tɔ̈u ë Baibolic
w05 1/15 awer. 17 abër 9
Kä bï Röt Looi ë Bääny ë Nhialicic Aabï ya Yith
Ëmën thiinë Yecu acï ben ciët man wään cïï yen nyuc akaja kɔ̈u keye mɛnh ë raan, yeen acï ya Bɛ̈nydïït ril apɛi. Ku yeen acï nyuɔɔth ke kat ajɔ̈ŋköör kɔ̈u, ku kënë aye Baibol lueel keye kë wën nyooth tɔŋ. (Kɛ̈ŋ 21:31) Buŋ ë Nyuuth 6:2 aye lueel, “Guɔ anyin jɔt, ku ja jöŋgör akuur [ɣer, NWT] tïŋ, ku raan rɛ̈ɛ̈r ë yekɔ̈u amuk dhaŋ, ku cï gäm göl ë dhuëëŋ, go lɔ biic ke tiëm, ku bï lɔ ke tiëm.” Melik Debid ee cï gɛ̈t aya ë biäk ë Yecu ku lueel: “Ku Bɛ̈nydït abï thienydɛn de bääny tuööc ë Dhiɔn. Acï lueel an, ‘Ceŋ [tiam, NWT] kɔckuön ke aterdu.’”—Diɛt 110:2.
PƐƐI Ë DHOROU 14-20
KÄPIƐƐTH TƆ̈U Ë WƐ̈T Ë NHIALICIC KƐ̈Ŋ 22
Wëët Piɛɛth Wën Lëu bï Yïn Kuɔny ba Mïthku Ŋiëc Bɛ̈ɛ̈i Nhial Apiɛth
w20.10 awer. 27 abër 7
Nadɛ̈ bï Mïthkun Dït Agokë Nhialic Luɔ̈ɔ̈i?
Ku na yakë kɔc wën cï röt thiaak ku awiëckë bäk dhiëth ë mïth, ke we kɔŋ röt thiëc: ‘Nadɛ̈ yeku kɔc wën ë röt kuɔɔr piny cï dït ë käk ë wëi yiic lëu bïï Yakoba ɣo luɔ̈ɔ̈i buk nyïïn ya tïït ë mɛnhdan buk dhiëëth?’ (Diɛt 127:3, 4) Ku na ye raan wën nɔŋ nɔm mïth thɛɛr, ke yï thiëc rot: ‘Nadɛ̈ ya mïthkiɛ̈ piɔ̈ɔ̈c bïk luɔɔi ya tïŋ ke thiekic?’ (Wɛ̈ɛ̈t 3:12, 13) ‘Ku nadɛ̈ ya them apɛi ba mïthkiɛ̈ tiit kä wën lëu bï ke yiëk ɣän töök ku jɔl ya ciɛɛŋ rɛɛc lëukë bïk yök ë pinynɔm ë Jɔŋ rac kën yic?’ (Kɛ̈ŋ 22:3) Yïn cïï lëu ba mïthku kaŋ gël kärɛɛc wën lëu bïï keek yök ëbëniic. Acie kë wën lëu bï rot kaŋ lëu. Yïn lëu ba lɔtueŋ amääth ke piɔ̈ɔ̈cë keek kä lëu bïï keek yök ë pïïric ku kony keek bïk kuɔɔny ya lɔ yɔ̈ɔ̈p ë Baibolic. (Kuen Kɛ̈ŋ 2:1-6.) Cït man, të cïï raan ruɛ̈ɛ̈i kek kuec ë duɔ̈ɔ̈r ë yic, ke yï kony mïthku bïk piɔ̈ɔ̈c ë Baibolic ye wɛ̈tŋö thieek en yic bï raan rëër gäämde yïc tënë Yakoba cɔk anɔn cïï kɔc kɔ̈k jäl ë yicic. (Diɛt 31:23) Awu të cïï raan nhiarkë thou ke nyuɔ̈th mïthku ye këdï lëu bïï kek deet ë puɔ̈u yɔ̈k thïn ë Baibolic.—2 Kor. 1:3, 4; 2 Tim. 3:16.
w19.12 awer. 26 abër 17-19
Wek Kɔc Nɔŋ Mïth, Piɔ̈ɔ̈ckë Mïthkun Bïk Yakoba Nhiaar
Dɔc Jɔɔk Cöök ba Mïthku Piɔ̈ɔ̈c ke Ŋot ke Kor. Alëu bï ŋuɛ̈ɛ̈n të ye kɔc nɔŋ mïth mïthken jɔɔk ë piööc keke ŋot ke kor. (Kɛ̈ŋ 22:6) Tïŋku Timothï raan ɣɔn ë ye cath ke dutuc Paulo. Yunith man Timothï ke mɛndïït cɔl Loyith, aacï yen bɛ̈n gɔl ë piööc ɣɔn ŋoot en keye “mɛnhthiinakäŋ.”— 2 Tim. 1:5; 3:15.
Jean-Claude ke tiiŋde Peace tɔ̈u paan ë Côte dˈIvoire, acïk bɛ̈n lëu yic bïk mïthken ka dhetem bɛ̈ɛ̈i nhial bïk Yakoba nhiaar ku luuikë. Yeŋö ë kony keek bïk tiam? Ee wɛ̈t ë cïï kek Yunith ku Loyith kiëët. Acïk bɛ̈n lueel, “Ɣok aacï Wɛ̈t ë Nhialic bɛ̈n ya nyɔ̈ɔ̈kiic awu cuɔth ë mïthkuɔ nïïm ɣɔn ŋot kek keye mïththii kor, të wään puɔc ke dhiëëth.”—Nyöŋ. 6:6, 7.
Yeŋö ë wɛ̈tde yic bäk wëlke Nhialic ya “nyɔ̈ɔ̈kiic” tënë mïthkun? “Ku bï këdäŋ nyɔ̈ɔ̈kic, ee bï raan kë piööc ya bɛ̈ɛ̈ric ë dhaman thok ëbën ago cuɔth ë raan dɛ̈t nɔm.” Ku bïk kënë lëu ë luɔi, awïc keek bïk dhaman dac ya nɔ̈k ke mïthken. Ee kë wën lëu bï raan thiai guöp ë dhaman dɛ̈t bï raan ya cool ke dhuk tökic tënë mïth. Ku yeen, athiekic bïï kɔc nɔŋ mïth ya muk ë kenïïm nɔn ye kënë dhöl töŋ wën thiekic lëu bïï kek mïthken kuɔny bïk Wɛ̈t ë Nhialic deetic ku yekë luɔ̈ɔ̈i ë pïïrdenic.
w06 4/1 awer. 9 abër 4
Wek Kɔc Nɔŋ Mïth, Luɔikë Röt ke we ye Kɔc Piɛth Wën Bïï Mïthkun ya Kiëët
Ku yic akïn, mïth aa cɔl mïth, mïth kɔ̈k aa lëu bïk jaai bïk ciɛɛŋdun cïï buɔthic cɔk anɔn ye wek kɔc piɛth. (Cäk 8:21) Yeŋö lëu bïï kɔc nɔŋ mïth looi? Acïï Baibol lueel “Wuöŋ [kuɔ̈ɔ̈c ë käŋ, NWT] de meth ëbɛ̈n acï duööt në yepiɔ̈u, na wɛ̈ɛ̈të apiɛth ka cï tɔ ye raan piɛth.” (Kɛ̈ŋ 22:15) Kɔc kɔ̈k aa wëët ye meth that tïŋ ke rac awu keye wëët ë ciɛɛŋ thɛɛr. Ku aŋicku Baibol ee jaai ë tɔŋ ku kuat yaaŋ ëbën. Cɔk anɔn lëu bïï wëët yic naŋ thɛ̈t ë dhaman dɛ̈t, ka ye nyuɔɔth kɔc nɔŋ nïïm mïth aa nɔŋ nïïm yic bïk mïthken ya “wɛ̈ɛ̈t” ë kueer ë nhiëër agokë ya kɔc wën bï lacök të le kek dït.—Ɣeberuu 12:7-11.
Yäp ë Käthiekiic Tɔ̈u ë Baibolic
w21.08 awer. 22 abër 11
Ye Puɔ̈u Miɛt ë Loilooi cï ke Gäm Yïïn Yiic
Ke yen tëde aya, ɣok aa lëu buk miɛt ë piända juakic të ye ɣok ɣopuɔ̈th mat ë lon wën cï gäm ɣookic akutdïït ë Yakoba yic. Ye ‘yïnhom yiëk ë lon piööc’ ku ye rot mat ë loilooi yeke looi akutnɔmic aya. (Luɔi de Tuuc 18:5, LËK YAM; Ɣeb. 10:24, 25) Ye kë wën bï lɔ jäämic ë amatic guiir ago bëër wën bï kɔc dɛɛt puɔ̈th gam. Ye yïpuɔ̈u mat ë kuat ë lon cï gäm yïïn amat ë yithbuɔ ciɛlicic. Ku na le lon dɛ̈t wën cï gäm yïn akutnɔmic ke them ba dac ya bɛ̈n ku cɔl rot ye raan wën lëu bï ya ŋɔ̈ɔ̈th. Ku duk lon wën cï gäm yïn ë kuɔ̈c tïŋ ke cie kë wën thiekic lëu bï yïn dhamandu rac thïn. Them ba të wën ye yïn käkku luɔɔi thïn cɔ̈k piny. (Kɛ̈ŋ 22:29) Të ye yïn yïpuɔ̈u mat loilooi ë wëi ku loilooi cï ke gäm yïn akutnɔmic, ke yïn lëu ba dac lɔtueŋ käkun ë wëi yiic ku miɛt ë piändu aya alëu bï rot juak. (Gal. 6:4) Ku alëu bï yic pial ba puɔ̈u ya miɛt ke kɔc kɔ̈k të cïï ke gäm lon wën wïc yïpuɔ̈u bï gäm yïn.—Rom. 12:15; Gal. 5:26.
PƐƐI Ë DHOROU 21-27
KÄPIƐƐTH TƆ̈U Ë WƐ̈T Ë NHIALICIC KƐ̈Ŋ 23
Wëët Piɛɛth Wën Lëu bï Yïn Kuɔny të Cïï Yïn ye Lɔc ba ya Dek ë Mɔ̈u
w04 12/1 awer. 19 abër 5-6
Ye të ye Mɔ̈u Luɔ̈ɔ̈i Thïn Ŋiɛc Tïŋ
Ku na ye raan mɔ̈u dek ku acïï ye dek abï tiëŋ yeguöp nɔn cïï yen wiɛɛt? Ku anɔŋ kɔc wën lëu bïk mɔ̈u dek apɛi ku acïï lëu bï dac tiëŋ ë kegup nɔn cïï kek wiɛɛt. Ku yeen, të ye ɣok dëkdëk cït ë kënë tïŋ ke cïn kërɛɛc lëu bï luɔ̈i ɣook, ka ɣok aacï röt math. (Jeremia 17:9) Amääth amääth, dëŋ ë mɔ̈u alëu bï kɔc ŋic gup agut bïk “aa lïïm [aluɛk, LEK JOT] ke mɔ̈n dït.” (Tito 2:3) Ee nɔŋ kën ë cïï raan ë gɛ̈t athör cɔl Karoline Knapp lueel alɔŋ të ye raan ye jaak cöök thïn amääth agut të bï yen ya adëëk. Ee cï lueel: “Dëŋ ë mɔ̈u ee kënë lɔ amääth amääth ë guöpic, agut bï jä tuöl aläthɛɛr ke cï nyin rac dööt.” Nadɛ̈ cie yen ë wɛ̈t rɛɛc dëŋ ë mɔ̈ndït apɛi kan!
Tïŋku kënë ë cïï Yecu lueel aya. Ee cï lueel: “Yak röt tiit, ke we cïï piɔ̈ɔ̈th bï aa thiäŋ në kajuëc yak cam, ku wïn ee mɔu we wit, ku diɛɛr në ka ke pïïr ënɔɔnë, ke we cïï ëköölë bï mook ëthiäu [lacel ë wegup, NWT]. Ku acït man dhie dɔmë lɛ̈i ë wiën yen abï ëköölë kɔc mook kedhie ëthiäu kɔc rɛ̈ɛ̈r ë tiɔp nɔm ëbɛ̈n.” (Luk 21:34, 35) Acie nɔn na cï raan jäl dek abï jäl wiɛɛt ke yen nɔŋ kë lëu bï ja rac ë raan guöp awu käken ë wëi yiic. Ku na jɔl aköl ë Yakoba yen guɔ dɔm piiny ke cït ë kënë?
it-1 awer. 656
Wiɛɛt
Acïï Baibol pëën. Dëŋ ye raan mɔ̈u dek agut bï wiɛɛt ee kë wën cïï Baibol pëën ëbën ëbën. Raan pelnɔm ë gɛ̈t buŋ ë Kɛ̈ŋ ee cï ŋiɛc laaric apɛi yen kë lëu bï rot looi ë raan guöp alɔŋthïn të ye raan mɔ̈u dek apɛi. Acï lɔ tueŋ ke lɛɛric: “Ee yï ŋa nu ë nuanic? Ku ee yï ŋa tɔ̈u ë dhiëëuwic? Ku ee yï ŋa ee nu agööthiic? Ku ee yï ŋa ee gööny [kɔc gaany, NWT]? Ku ee yï ŋa ee bɔ̈ɔ̈tdït yök në ka ɣääriic? Ku jɔ aa yï ŋa ee nyïïn cɔ̈p në rim? Cie kɔc ee gääu ë mɔ̈u thar, kɔc ee mäu määt nïïm në dëk? Du yïnyin ee gëëŋ ë mɔ̈uwic të ciɛk en tuak, ka gut amonh ee lɔ nhial ku lee piny [të tïŋ yïn mɔ̈u ke ja amoth looi ë kubai yic, ka ye tïŋ ke dhuëŋ], të ciɛk en lɔ ë yïyäc abä guöp lɔ ɣääi [të ye yen ja tëëk ë aliëkic ke cït kë mit], ke du dek! Na lɔ piny ruu, ke jɔ gut cït man ë kërac [këpiiny, NWT] de thok wurïï [alëu bï raan cɔl atuany (Cït man alëu bï cuëny looi bï riääk) ku tɛ̈ktɛ̈kic aya (alëu bï raan yiëk nɔmliääp ku ye ka kɔ̈k wën cie yith röt tɛ̈ɛ̈m yïnyin ku lëu bï raan nɔ̈k) Yïn bïï kake gäi aa bɛ̈n në yïnyin [mɔ̈u ee lɔ rɛ̈l ë nyithiic ku jɔl nɔm liääpic; ku ka kɔ̈k wën cïï raan lëu bï ke looi aa lëu bï ke looi; ku ye käkɔ̈k wën cie yith kek röt tɛ̈ɛ̈m yïnyin; wën ë raan cï wiɛɛt cɔl ajam ke tem wël kɔ̈ɔ̈th ku ye kɔc lɛ̈k wël wën kɔc cɔl anɛ̈k dɔl; ku ye jam kä wën kuc keek], ku täŋ piɛth ku jam de ka piŋiic acïkï röt bï lëu tëde yïn [agut cï kë wën ye ke thany nïïm piny, aa lëu bï ke lueel].”—Kɛ̈ 23:29-33; Ɣod 4:11; Mat 15:18, 19.
Raan ë gɛ̈t buŋ ë Kɛ̈ŋ acï lɔ tueŋ ke lɛɛric yen kën rot luɔ̈i raan ë wiɛɛt ë mɔ̈u: “Yïn bï ciët raan tɔ̈u adeetic [raan cï wiɛɛt kënë abï ciët kë muɔu ë wäric, na lä ke jɔ thöök], në amaŋic në kiiric cil [cït man ë riän wïïr ye yom ye niɛŋic, ka yeen pïïr ë raan cï wiɛɛt ee jä lɔ ke je rɛ̈ɛ̈c, cït man, alëu bï bar piny, ku alëu bï nɔm riɛɛr awu le thɔ̈ɔ̈r ke kɔc kɔ̈k]. ‘Abä jɔ lueel an, “Yɛn cï dhil dui, acïk a dui ku akɛ̈n yök [raan cï wiɛɛt ee jäl jam ërot të cïï mɔ̈u jäl thök ë yenɔm ë biäk kä wään cï röt luɔ̈i en]. Eeŋö cän pääc? Yɛn kɔɔr mɔ̈n däŋ lɔ dek. [Ku ëmën awïc bï dhiɛl niin apiɛth bï wiɛɛt wään cïï yen wiɛɛt jääl yeguöp, ku acï ya aluaŋ ë dëk ku aye nhiaar bï mɔ̈u bɛn lɔ dek të cïï yen pääc].’” Abï nyin ŋɔ̈ŋ, wɛ̈tŋö acï wëu juëc thɔ̈l ë mɔ̈u kɔ̈u ku acïn lon dɛ̈t ye bɛn lëu ë luɔi.— Kɛ̈ 23:20, 21, 34, 35.
Yäp ë Käthiekiic Tɔ̈u ë Baibolic
w04 11/1 awer. 31 abër 2
Thiëc Tënë Kɔc ë Kuen
Cït man, raan cï cuai apɛi alëu bï lueel nɔn ye yen cam apɛi, ku acie raan ëbën cï cuai yen cam apɛi. Tɛkdɛ̈t cï guöp dït ë wɛ̈t le yen tuɛnytuɛɛny kɔ̈k. Ku dït ë guöp kënë, alëu bï ya kë wën bɔ̈ cök bei ë kuatdenic. Ka yeen, awïcku buk muk ë ɣonïïm nɔn nadɛ̈ ke cuëëi aye tiëŋ ë raan guöp, ku raan cam apɛi acie ŋic ë yeguöp. Dït ë guöp awu cuëëi ee kë wën ë rot looi “të cïï kɔl [piaat, NWT] dït ë guöpic,” ku raan ë cam apɛi ee “raan wën dït puɔ̈u ku acie rot ë duut të cïï yen këciɛm yök.” Ka yeen, raan ë cam apɛi acie ŋic ë cuaide, yeen ee rot nyuɔɔth të cït tëden ee yen cäm tiëŋ thïn. Alëu bï tïŋ ke thööŋ rot awu thoi apɛi ku ee cämdït apɛi cam. Ku yeen aya, të ye guöp thööŋ rot tiëŋ thïn ë bɛ̈ɛ̈i juëc ke pinynɔmiic awääcic.
PƐƐI Ë DHOROU 28–PƐƐI Ë BƐ̈T 3
KÄPIƐƐTH TƆ̈U Ë WƐ̈T Ë NHIALICIC KƐ̈Ŋ 24
Loi Rot ba Riɛl Ago Käriliic Tiaam
it-2 awer. 610 abër 8
Yaaŋ
Kërthiaan aa nhiar ariöp tit keek tueŋ të cïï kek gum. Ɣɔn jiɛɛm Yecu ë biäk ariöp kä acï bɛ̈n lueel: “Thieithieei ë kɔc ee yɔŋ në baŋ de piathëpiɔ̈u, ciɛɛŋ de paannhial ee këden.” (Mat 5:10) Ŋïny ŋic Kërthiaan ŋɔ̈th ë jönërot ku jɔl a raan gɛ̈m keek ee ŋɔ̈th kënë ee ke riil puɔ̈th. Ku ee ke riil puɔ̈th aya bïk kɔ̈ɔ̈c ë gäämdenic tënë Nhialic cɔk anɔn ye kɔc kɔ̈k ke yɔŋ ku riëëckë keek ë thuɔɔu. Ka keek aacie bɛn riɔ̈ɔ̈c ë thuɔɔu ë wɛ̈t ŋic kek këpiɛɛth cïï thon ë Yecu looi. (Ɣeb 2:14, 15) Të ye raan käŋ tiëŋ thïn alëu bï yic thiɛk të wïc yen en bï rëër ë gäämde yic ë dhaman yɔŋ en. Aye Baibol lueel: “Wek aadhil thöŋ kek Jethu raan cï lɔc ku dɔc [thiei, NWT] ë täktäkdun yic. . . . Acï rot bɛ̈n dhuɔ̈k piny, ku gɛm bï gum ku thou . . . arɛ̈k abï piäät ë tim. . . kɔ̈u.” (Pili 2:5-8, LËK YAM) “Në biäk de miɛtëpiɔ̈u ŋic bï yök në thökde. Aa cï gam në Yepiɔ̈u ëbɛ̈n luɔi bï Yen thou në thon ayäär, në tim . . . kɔ̈u.”—Ɣeb 12:2; tïŋ 2Kor 12:10; 2The 1:4; 1Pet 2:21-23 aya.
w09 12/15 awer. 18 abër 12-13
Muɔ̈kë Miɛt ë Piändu Thïn të Cɔk Käŋiic Riɛl
Aye buŋ ë Kɛ̈ŋ 24:10 lueel: “Bäp de piɔ̈u në kööl ë nuɛɛn ee ciën riɛl nyuɔɔth.” Ku ben Kɛ̈ŋ dɛ̈t lueel: “Ku tɔ dhiën ë piɔ̈u raan cath ëduuŋduuŋ.” (Kɛ̈ŋ 15:13) Kërthiaan kɔ̈k aa puɔ̈th ŋɛɛr ku pälkë kuɛ̈nden ë Baibol ku täŋ ye kek ke Wɛ̈t ë Nhialic takic. Ku aacie bɛn lɔ̈ŋ ë dhaman thok ëbën, ku aa röt mɛɛcwei tënë wɛ̈tamäthken aya. Ka yeen, na ye raan kä cït ë käkë looi, ka lëu bï thou ë käken ke wëi yiic.—Kɛ̈ŋ 18:1, 14.
Ku yeen aya, të ye raan käŋ ŋiɛc tïŋ ë kueer piɛth ka lëu be kuɔny bï puɔ̈u ya miɛt ë pïïrde yic. Ee cïï Debid lueel: “Aa nhiaar bä këde yïn piɔ̈u looi Nhialicdï.” (Diɛt 40:8) Të cïï käŋ yiic riɛl dhaman dɛ̈t ë pïïric, kë töŋ ee kɔc kɔ̈k lɔc bïk looi ee nɔn bïk käken ke wëi puɔ̈l. Ku yic adiil, këtöŋ lëu bï ɣo kuɔny buk puɔ̈th miɛt, ee nɔn buk röt ya mat ë loilooi ë käk ke wëi yiic. Aye Yakoba lɛ̈k ɣook nɔn nadɛ̈ kë lëu bï ɣo yiëk miɛt ë puɔ̈u ee nɔn buk Wɛ̈tde ya kueen ë kööl thook ëbën. (Diɛt 1:1, 2; Jak. 1:25) Ë kuɛ̈ndan ë Baibolic ku jɔl aa amɛtmɛɛtkuɔn ë Kërthiaan, ɣok aa “wël piɛth” wën ë ɣo miëët puɔ̈th yök thïn.—Kɛ̈ŋ 12:25; 16:24.
w20.12 awer. 15
Thiëc Tënë Kɔc ë Kuen
Aye buŋ Kɛ̈ŋ 24:16 lueel: “Të ciɛk kɔc piɛthpiɔ̈ɔth wïïk raanbɛ̈t [awu arakdhorou, NWT] ayek röt jɔt.” Nadɛ̈ ye kën nyuɔɔth nɔn nadɛ̈ ke raan alëu bï adumuɔ̈ɔ̈m tök aa dhuɔ̈kic ë këkithic ku ye Nhialic jä pälpiny?
Ku yic adiil, acie yen kë lueel ë cöök kënë kan. Wɛ̈tde yic ee raan wën ee käriliic juëc yök, ku göök keek agut bï ke tiaam.
Ka yeen, “wïïk” cï lueel ë buŋ ë Kɛ̈ŋ 24:16 yic, acie wïïk wën ye raan wïïk adumuɔ̈ɔ̈mic, kë jiɛɛm en ë biäkde, aa käriliic wën ë raan yök ë keyiic dhuɔ̈k ë pïïric. Ë piny rɛɛc rëër ɣook thïn kën yic, raan piɛth alëu bïï käriliic yök ku alëu bï tuany aya, ku dhaman dɛ̈t raan alëu bïï akuma yɔŋ. Ku yeen alëu bï Nhialic ya ŋɔ̈ɔ̈th nɔn bïï yen ye kuɔny ku bï käken jöör en guum ku tiɛm keek. Ka yeen, ye rot thiëëc, ‘Nadɛ̈ kɛ̈c të ye Yakoba nyin tïït thïn aluɔɔnyke kaŋ tïŋ?’ Ye wɛ̈tŋö? Ee wɛ̈t ee Yen “kɔc tɔ̈u ë nuanic kony, [ku, NWT] ee kɔc cï wïïk jat nhial.”—Diɛt 41:1-3; 145:14-19.
Yäp ë Käthiekiic Tɔ̈u ë Baibolic
w09 10/15 awer. 12
Thiëc Tënë Kɔc ë Kuen
Ë dhaman thɛɛr ë Baibol, të wïc raan en ku bï thiëëk, ka lëu bï rot käŋ thiëëc, ‘Nadɛ̈ ca rot guiir ba nyin tïït ë tiiŋdiɛ̈ ku jɔl ya mïth buk ke lɔ dhiëëth?’ Ku të këc raan guɔ thiëëk, ka lëu bï nɔm kaŋ naŋ londen ye looi ku domden ee puur. Acïï Todayˈs English Version lueel: “Duk paandu keer ku buth ɣöt ke yï këc duɔmdu guɔ puur, ago ŋic nɔn bïï yïn kɔcku muk.” Nadɛ̈ wëët ë Baibol kënë lëu bï ŋot ke lui aköl?
Ee yïc aŋot ke lui. Wɛ̈tŋö mony wïc en ku bï thiëëk adhil rot kaŋ ya guiir. Ku na ye raan ril, ke lëu bï luɔi lëu. Ku mony wën nɔŋ baai acie käk ë pïïr kek lëu bïï yen yenɔm ya tääu thïn ërot. Aye Wɛ̈t ë Nhialic lueel nɔn nadɛ̈ mony cie nyin ë tïït ë käk ë pïïr ku käk ë wëi ë kɔcke paande, arac apɛi ka ŋuɛ̈ɛ̈n ë raan këc gam! (1 Tim. 5:8) Ka yeen të guiir riënythii rot ku bï thiëëk, ka lëu bï rot kaŋ ya thiëëc ë thiëckä: ‘Nadɛ̈ ca rot guiir ba nyin ya tïït ë käk ë pïïr ë kɔc ke paandiɛ̈? Nadɛ̈ ca rot guiir aya ba kɔcke paandiɛ̈ aa watnïïm ë käk ke wëi yiic? Ku nadɛ̈ ba lon cï yiëk ɣɛn bïï ɛn tiiŋdiɛ̈ ku mïthkiɛ̈ ya piɔ̈ɔ̈c ë duɔ̈ɔ̈r ë baai yic lëuwic?’ Ku ee loilooikä, aaye Baibol laariic keye kä wën thiekiic apɛi.—Nyöŋ. 6:6-8 Epe. 6:4.
Ka yeen të ye yïn riënythii wïc en ku ba thiëëk ke yï kɔŋ yïnɔm tak apiɛth ë wëët tɔ̈u Kɛ̈ŋ 24:27 yic. Ku ee yen tëde aya tënë nyan këc thiaak, alëu bï rot thiëëc nɔn cïï yen rot guiir bï ya tiiŋ ë baai ku ye man ë mïth. Ku kɔc puɔc röt thiaak aa lëu bïk röt thiëëc aya ë thiëckä të wïc keek en bïk dhiëth ë mïth. (Luk 14:28) Të ye ɣook käkä tääu ë luɔi yic, ka lëu bï ɣo kuɔny buk puɔ̈th ya miɛt ë pïïr baai yic.
PƐƐI Ë BƐ̈T 4-10
KÄPIƐƐTH TƆ̈U Ë WƐ̈T Ë NHIALICIC KƐ̈Ŋ 25
Wëët Piɛɛth Wën Lëu bï ɣo Kuɔny Buk Ŋiëc ya Jam
w15 12/15 awer. 19 abër 6-7
Ye Liɛmdu Ŋiëc Luɔ̈ɔ̈i Apiɛth
Aye buŋ Kɛ̈ŋ 25:11 ŋiëc laaric nɔn thieek en yic buk dhaman piɛɛth wën bïï ɣok ya jam thïn lɔc. Ee cï lueel: “Wël cï ŋiëc lööny tëden ayek ciët gul cï thɔ̈ɔ̈th ë adhäm de thar kuny de ateek [thilba, NWT].” Cït man däm cï thɔ̈ɔ̈th ke cït epol ee ke wën dhuëŋ. Ka yeen, të jɔl däm cï thɔ̈ɔ̈th epol bɛn tääu thän cï thɔ̈ɔ̈th ateek awu thilba yic, ke jɔl bɛn dhuëŋ apɛi. Ke yen tëde aya, të ye ɣok wëlkuɔ ŋiëc kuany ë dhaman wën piɛth bïï ɣok ke lueel thïn, kaa lëu bïk kɔc tiiŋ puɔ̈th. Ku ye këdï?
Wëlkuɔ aa lëu bïk ya wël wën wïc raan keek bï keek piŋ ku bïk yen kuɔny, ku na cukku dhaman wën lëu bïï ɣook jam thïn ë ŋiëc lɔc, ke wëlkuɔ aacïï lëu bïk raan kuɔny (Kuen Kɛ̈ŋ 15:23.) Cït man kën ee cï rot looi Pɛɛi ë Diäk ruɔ̈ɔ̈n 2011 paan Japän, ayiëkyiëëkdït ë piny ee cï rot looi ku acï bɛ̈ɛ̈i juëc apɛi bɛ̈n rac. Ku raan cït 15,000 le tueŋ aa cï bɛ̈n thou. Cɔk anɔn ee cïï riäŋdït kën rot looi tënë raan ëbën agut cï Ciëëtke Yakoba aya, ke wɛ̈tamäthkuɔ aacï Baibol ŋiëc bɛ̈n luɔ̈ɔ̈i bïï kek kɔc dhiau duɔ̈ɔ̈t puɔ̈th. Ku yeen, kɔc juëc ë ke rɛ̈ɛ̈r tëden ë rëër kek thïn kënë aa keye duur ë yanh cɔl Budha ku keek aa ke kuc kë ye Baibol lueel. Ee dhaman puɔc riääk rot looi kënë, acïï wɛ̈tamäthkuɔ bɛ̈n tïŋ ke cie yen ë dhaman wën piɛth bïï kek kɔc wën dhiaau guɔ dɛɛt puɔ̈th ë ŋɔ̈th ë jönërot. Keek aacï jamden bɛ̈n luɔ̈ɔ̈i bïï kek kɔc dɛɛt puɔ̈th ku lɛɛr kë yic ye wɛ̈tŋö ye kärɛc röt luɔ̈i kɔc cïn gup ë awäc.
w15 12/15 awer. 21 abër 15-16
Ye Liɛmdu Ŋiëc Luɔ̈ɔ̈i Apiɛth
Të ye ɣok wëlkuɔ luɛɛl thïn alëu be nyuɔɔth nɔn thiek kekiic. Wään piööc ë Yecu ë luaŋ tɔ̈u paan ë Natharethic kɔc juëc aacï bɛ̈n “gäi në wël de yiic dhuëëŋ wël ë bɔ̈ bei ë yethok.” (Luk 4:22) Jam piɛth ee kɔc miëët puɔ̈th ku ee dhöl töŋ wën lëu bïï ɣok liɛmda ŋiëc luɔ̈ɔ̈i apiɛth. Jam piɛth alëu bï këdan luelku cɔl apiŋ kɔc kɔ̈k. (Kɛ̈ŋ 25:15) Ɣok aa lëu buk jam piɛɛth ë Yecu kiëët të ye ɣok jam dhöl athɛ̈ɛ̈k ku yeku kë wën bï kɔc kɔ̈k rac puɔ̈th ŋic. Wään cïï Yecu akut ë kɔc tïŋ ke cïk them apɛi bïk piŋ tënë Yeen, acï nyin bɛ̈n kuany ë keek agoke jä “wɛ̈ɛ̈t ë kajuëc.” (Mak 6:34) Cɔk awään ye kɔc ye läät, ke Yecu akëc puɔ̈u bɛ̈n riääk ku kucke jääm.—1 Pet. 2:23.
Të ye yen raan wën ŋicku apɛi yen jam ke ɣook, ka lëu bï yic riɛl ë dhaman däŋ buk ya jam kek yeen dhöl nɔŋic athɛ̈ɛ̈k ku liɛr ë puɔ̈u. Ɣok aa lëu buk ya jam kek yeen ë kuat kë wën cï guɔ bɛ̈n ë ɣonïïm. Ku kënë alëu bï rot looi të jiɛɛm ɣok ke raan tɔ̈u baai ke ɣook awu mäthdan wën tɔ̈u akutnɔmic ke ɣook. Nadɛ̈ cï Yecu kɔcken ye buɔɔth cöök kuɔ̈c bɛ̈n ya jääm wɛ̈t ë mɛ̈ɛ̈th kek apɛi? Aa këc rot kaŋ looi! Wään ee cïï kɔc Yecu buɔɔth cöök teer yeŋa yen dït kamken, aacïï Yecu bɛ̈n cɔ̈k nïïm piny ke lir puɔ̈u ku lëk keek nɔn nadɛ̈ ke raan dït ë kamken ee raan bï ya ciët meth. (Mak 9:33-37) Röördït aa lëu bïk Yecu ya kiëët të ye kek wëët gam ke cï “röt kuɔɔr piny.”—Gal. 6:1.
w95 4/1 awer. 17 abër 8
Ye Këdï Bïï Ɣok Nhiëër ku Lon Piɛth Nyuɔɔth?
Luuidan ye ɣok Nhialic luɔ̈ɔ̈i yic, alëu bïï ɣok kɔc kɔ̈k ya dɛɛt puɔ̈th. Yecu ee cï kɔcken ye piŋ bɛ̈n ya dɛɛt puɔ̈th. Ee nhiar lon ë piööc apɛi ku aye tïŋ ke thiekic, ku ee yen wɛ̈t cïï yen ye bɛ̈n ya lueel ke cït miëth tënë yeen (Jɔn 4:34; Romai 11:13) Tuɔ̈c e guöp cït ë kënë alëu bïï kɔc kɔ̈k kiëët aya. Ku na yïïn aya, cïï lëu ba miɛt ë piändu nyuɔɔth ë lon piööcic? Ke yï cïï yïnɔm lec, them ba käpiɛɛth wën röt looi ë pïïrdu yic rɔm ke kɔc kɔ̈k akutnɔmic. Të cïï yïn kɔc kɔ̈k cɔɔl bïk cath ke yïn ë lon ë piööcic, ke kuɔny keek bïk nhiaar bïk ya jam ë rin ke Wääda, Yakoba.—Kɛ̈ŋ 25:25
Yäp ë Käthiekiic Tɔ̈u ë Baibolic
it-2 awer. 399
Liɛr ë Puɔ̈u
Raan lir puɔ̈u ee raan wën cie puɔ̈u ë dac riääk ë wɛ̈t ye gääm ye yiëk riɛl ë puɔ̈u. Acie këriëëc ëbën guɔ dɔmic awu pɛ̈l keek bïk ye rac puɔ̈u. Raan cie rot ë duut ee puɔ̈u guɔ thöök ku alëu bï nyuɔɔth nɔn cïn en nɔm gääm ku ŋɔ̈th. Raan wën cïn liɛr ë puɔ̈u, aye buŋ ë kɛ̈ŋ thɔ̈ɔ̈ŋ ke: ‘Wun cïï kalde wïïk cïn kë gël kɔc mɛk en.’ (Kɛ̈ŋ 25:28) Raan cït ë kënë, acït kal wën cï dhuɔŋ piny wɛ̈tŋö acïn nɔm tɛ̈ktɛ̈k wën ye gël bï ŋiëc bɛn ya tak apiɛth.
PƐƐI Ë BƐ̈T 11-17
KÄPIƐƐTH TƆ̈U Ë WƐ̈T Ë NHIALICIC KƐ̈Ŋ 26
Mɛɛcë Rot Wei Tënë “Raan Piɔl Piɔ̈u [Raan Cïn Puɔ̈u, NWT]”
it-2 awer. 729 abër 6
Deŋ
Dhaman ye piny rot waar. Paan Yithrɛɛl, pɛ̈i ye piny rot waar aacï ke tɛ̈ɛ̈kiic ayic rou, nɔŋic ruël ku jɔl ya mɛ̈i. Tënë keek, mɛ̈i ee yen dhaman ye dëŋ tɛɛm ku ruël ee yen dhaman ye dëŋ tuɛny. (Thɔ̈ɔ̈ŋë ke buŋ Diɛt 32:4; Diɛt ke Tholomon 2:11.) Ku dɔm thok ë pɛɛi ŋuan ciɛlic aɣet pɛɛi thiëër ciɛlic, dëŋthii lik aa keye tuɛny thïn. Deŋ ee liu dhaman dhie tëm kɔc. Ku aye buŋ ë Kɛ̈ŋ 26:1 nyuɔɔth nɔn nadɛ̈ acie kën ë rot dac looi bï deŋ tuɛny ë dhaman ë tëmtëm. (Thɔ̈ɔ̈ŋë ke buŋ 1Tham 12:17-19.) Ku dhaman wën ye dëŋ tuɛny, dëŋ aa ke cie kecök ë nuɛ̈ɛ̈t; anɔŋ nïn kɔ̈k wën yeke bɛn nɔ̈k ke këc tuɛny. Ku wɛ̈t ye yen dhaman wën ye piny liɛr apɛi, të tuëny deŋ yïïn ke yïn ye wiir nɔ̈k apɛi. (Edhr 10:9, 13) Ku ee yen dhaman wën ë ja piath bï raan ja rëër ɣön wën tuc yic ku aciëŋ alɛ̈th ë wiir.—Yit 4:6; 25:4; 32:2; Jop 24:8.
w87 10/1 awer. 19 abër 12
Wëët ee Luɔk ë Dɔ̈ɔ̈r
Kɔc kɔ̈k awïc wëëtdït tet bïk röt jal waar cït man cïï buŋ Kɛ̈ŋ 26:3 ee lueel: “Waat ee këde muul [awu akaja, NWT] ku yejoth këde jöŋgöör ku dui [awu thɛ̈t, NWT] de thieec ee këde raan piɔl piɔ̈u [awu raan kuc käŋ, NWT].” Dhaman dɛ̈t Yakoba ee ye kɔcke Yithrɛɛl puɔ̈l bï ke tiaam wɛ̈t käken rɛɛc cïï ke looi: “Në biäk cïï kek löŋ de Nhialic Awärjäŋ rɛɛc ku reeckï wëëtde. Ku keek acïk nɔl [ŋuak, NWT] në luɔi ril yek looi, yek wïïk piny, ku acïn raan ee keek kony. Të de yen nuandɛn cï ke yök ayek Bɛ̈nydït [Yakoba, NWT] cɔɔl ku kony keek në nuanden yic.” (Diɛt 107:11-13) Anɔŋ kɔc wën kuc käŋ, ee yic riɛl tënë keek bï ke kony ë wɛ̈ɛ̈t: “Raan ee cool ë jiëënyë yen ku cïï gäm, ee bɛ̈n dhuɔŋ ëthiäu ku acie bɛ piath anande.”— Kɛ̈ŋ 29:1.
it-2 awer. 191 abër 4
Ŋɔl ku Ŋööl
Të ye ye luɔ̈ɔ̈i thïn ë kɛ̈ŋiic. Ee cïï meliŋ pelnɔm cɔl Tholomon lueel, “Raan wën raan kuc käŋ ŋɔ̈ɔ̈th acït raan wën ye cöök teem ërot [ku be looi bï ya ŋɔl] ku jɔl ya raan wën nhiar tɔŋ.” Ku yic, raan wën raan kuc käŋ luɔ̈ɔ̈i ee riääk bɛ̈ɛ̈i käken yeke looi yiic. Ku Këden wïc ëbën bï looi abï dhiɛl riääk ku riäŋ kënë alëu bï ye dhuɔ̈k.—Kɛ̈ 26:6, NWT.
Yäp ë Käthiekiic Tɔ̈u ë Baibolic
it-1 awer. 846
Raan Kuc Käŋ
Të ye ɣok wël raan kuc käŋ “bɛ̈ɛ̈r në kueer nhiɛɛr” ku yeku teer ke yen, ke ɣook aacï röt mat ë kuɔ̈ɔ̈c ë käŋde yic. Ka yeen, ku buk röt cïï mɛt ë kuɔ̈ɔ̈c raan kuc käŋic, ɣook aacï ke wëët ë buŋ Kɛ̈ŋic ye lueel: “Du kë lueel raan piɔl piɔ̈u ee bɛ̈ɛ̈r në kueer nhiɛɛr.” Ku yen aya, buŋ ë Kɛ̈ŋ 26:4, 5 aye nyuɔ̈th ɣook buk “wël raan piɔl piɔ̈u bɛ̈ɛ̈r në jäny.” Ë kueer bïï ɣok teerden kënë kaŋ ya deetic ku yeku tïŋ keye kë wën lëu bï kɔc mat wei. Ku nyoothku aya nɔn nadɛ̈ ke teerden kënë anɔŋ tëdɛ̈t lëu bïï ye kuanyic thïn ku acie tëden ye täk en.
PƐƐI Ë BƐ̈T 18-24
KÄPIƐƐTH TƆ̈U Ë WƐ̈T Ë NHIALICIC KƐ̈Ŋ 27
Ye Käpiɛɛth ŋö ye Mäthkuɔn Piɛth Kuɔ̈ny Ɣook?
w19.09 awer. 5 abër 12
Yakoba Aluɛkken Wën Röt Kuɔɔr Piny Tïŋ keke Thiekiic Apɛi
12 Raan wën ë rot kuɔɔr piny ee puɔ̈u miɛt wëët cï gäm enic. Ku buk thɔ̈ɔ̈ŋ: Jɔl thɔ̈ɔ̈ŋic yïn tɔ̈u amat ë Kërthiaanic. Ku wën cïï yïn jam amääth ke kɔc, ke raan tök ja yïn cɔ̈ɔ̈l bei ku jɔl lëk yïn amääth, yïn nɔŋ lëc cäm. Lëu ba yök këdï yïpuɔ̈u? Yïn lëu ba rot maan. Ku na yeen aya, cïï lëu ba raan kënë leec wɛ̈t cïï yen ye lɛ̈k yïïn? Ku yic pacɔ̈k, aye takic diët nɔŋ raan ë cie guɔ lɛ̈k yïn wën thɛɛr ke yï këc guɔ lɔ ë jäŋic. Ku ee yen tëde aya, ɣok aa lëu buk röt kuɔɔr piny ku lecku raan wën cï puɔ̈u riɛl bï ɣook gäm wëët wën wïcku. Ku yeku raan kënë tïŋ keye mäthda ku acie raan aterda.—Kuen Kɛ̈ŋ 27:5, 6; Gal. 4:16.
it-2 awer. 491 abër 3
Raan Thiääk ke Yïïn
Ka yeen, ŋäth ye ɣok kɔc thiääk ke ɣok ŋɔ̈ɔ̈th ku yeku lɔ tënë keek ë dhaman wïc ɣok kuɔɔny, ee yen cïï buŋ Kɛ̈ŋ ɣo wɛ̈ɛ̈t, ku lueel: “Du nɔm mär në määthku ku nɔn ye kek määth ke wuur, tëde yen riäŋ cï yï yök, ke mäth thiɔ̈k aŋuän në wänmuuth mec.” (Kɛ̈ 27:10) Ee cït kën ë ye raan ë gät kääŋ kënë lueel, mäthdun wën thiɔ̈k kek yïïn ee yen lëu ba tïŋ ke thiekic apɛi wɛ̈tŋö ee yen lëu bïï kuɔ̈nybei ë riäŋ cïï yökic ka wär wänmuuth mec. Wɛ̈tŋö wänmuuth kënë aya alëu bï mɛc apɛi ku tɛkdɛ̈t acïï lëu ku bïï kuɔ̈nybei ë riäŋ kënë yic.
w23.09 awer. 10 abër 7
Week Riënythii Yeŋö bï Bɛ̈nbei ë Pïïrduön Yic?
Këtöŋ buk piɔ̈ɔ̈c ë kuëny kuëny rɛɛc ë Jowac yic, ee wɛ̈t buk ya kuany mäth wën lëu bï ɣook kuɔny ku ye mäth wën nhiar Yakoba. Ku acuk wïc buk ya määth kek kɔc wën riëëc ke ɣook ëröt. Ku muk yïnɔm Jowac ee koor apɛi tënë mäthden cɔɔl Jeɣoyada. Ku të wïc yïn en ku ba kuany mäth piɛth ke yï kɔŋ rot thiëëc: ‘Nadɛ̈ yekë ya kuɔny bï mänhdiɛ̈ riɛl ke Yakoba? Nadɛ̈ yekë ɣa dɛɛt puɔ̈u ba lööŋke Yakoba ya theekiic? Nadɛ̈ yekë jam rinke Yakoba ku yith piɛɛth tɔ̈u ë Baibolic? Nadɛ̈ yekë lööŋke Nhialic theekiic? Ku të nɔŋ en kë cïk tïŋ ka ca wuɔ̈ɔ̈c, nadɛ̈ yekë puɔ̈th riɛl bïk lɛ̈k ɣɛn?’ (Kɛ̈ŋ 27:5, 6, 17) Ku yic ee kïn, të cïï mäthku Yakoba nhiar kaa lëu ba ke puɔ̈l. Ku na nɔŋ nɔm mäthkun wën nhiar Yakoba ke dukke päl, aa bï yïïn ya kuɔny.—Kɛ̈ŋ 13:20.
Yäp ë Käthiekiic Tɔ̈u ë Baibolic
w06 9/15 awer. 19 abër 12
Käthiekiic cï ke Kuɛ̈nybei Athör ë Kɛ̈ŋic
27:21. Lec ye ɣo lɛcnïïm alëu bï ɣo nyuɔɔth yeku kɔc yïndï. Kor ë rot piny ee rot nyuɔɔth të ye lec ye ɣo lɛcnïïm ɣo puɔ̈l buk ŋic nɔn ye yen Yakoba yen ɣo kuɔny ë kuat këriëëc ëbënic ku ye ɣo kuɔny buk ya lɔtueŋ ke luuiku. Ku nhiam ee ɣo puɔ̈l bïï lec cïï ɣo lɛcnïïm ɣo looi buk röt ya yök ke cïn raan thöŋ ke ɣook.
PƐƐI Ë BƐ̈T 25-31
KÄPIƐƐTH TƆ̈U Ë WƐ̈T Ë NHIALICIC KƐ̈Ŋ 28
Të Wɛ̈ɛ̈cë Raan Rac ke Raan Piɛth Thïn
w93 5/15 awer. 26 abër 2
Nadɛ̈ ye Yakoba Buɔɔth Cöök ë Piändu Ëbën?
“Kɔc piɛth piɔ̈ɔ̈th [aa] jööt ke kɔ̈ɔ̈r.” (Kɛ̈ŋ 28:1) Ku aa gäämden mukic wɛ̈t ye kek röt kan ë Wɛ̈t ë Nhialic ku yekë lɔtueŋ ke luui Yakoba të cɔk käriliic ke yök.
it-2 awer. 1139 abër 3
Dɛ̈t ë Käŋiic
Kɔc wën dhuk ciëën ë gäämdenic. Raan wën yenɔm tääu ë luɔi kärɛciic acie Nhialic bɛn tääu ë käken yeke takiic ku käken yeke looi yiic ëbën. (Jop 34:27) Ku raan cït ë kënë ee piände puɔ̈l be miäth wei bï kärɛɛc wën yeke looi cïï ë bɛn tïŋ ku acie käŋ ë ŋiɛc bɛn takiic apiɛth. (Di 36:1-4) Cɔk anɔn ye yen ye lueel ke Nhialic door, kaa kä wën nhiɛɛr keek, aa kek yeke tääu tueŋ kä wär ka wën nhiɛɛr Nhialic keek. (Yit 29:13, 14) Ku ciɛɛŋden rɛɛc kënë aacïï ë tääu yenɔm, aye tïŋ ke cït “thuëëc.” (Kɛ̈ŋ 10:23) Ku acïn këpiɛɛth ye bɛn takic yenɔm ku ye guɔ thɔ̈ɔ̈ŋic nɔn nadɛ̈ ke Nhialic acie käken rɛɛc yeke looi ë tïŋ. (Di 94:4-10; Yit 29:15, 16; Jer 10:21) Aye käken yeke looi ku käken yeke lueel nyuɔɔth nɔn nadɛ̈, “Acïn Nhialic.” (Di 14:1-3) Acïï Nhialic ë bɛn mat ë kuat käken yeke looi ëbën. Ku wɛ̈t cïï yen lööŋke Nhialic ë luɔ̈ɔ̈i ë käken yeke looi yiic ëbën, acie käŋ ë ŋiëc bɛn thɔ̈ɔ̈ŋ nyïïn apiɛth ku acie käŋ ë ŋiëc bɛn takiic apiɛth aya ku ŋickë bï bɛ̈nbei thïn ku kuɛny kë lëu bï looi.—Kɛ̈ 28:5.
it-1 awer. 1211 abër 4
Ciɛɛŋ Lacök
Ciɛɛŋ lacök kënë acie röt ë lëu riɛl ë raan yetök, ee rot lëu ë wɛ̈t ye raan naŋ gäämdït tet ku ye Yakoba ŋɔ̈ɔ̈th nɔn bïï yen ye kuɔ̈nybei ë këriëëc ëbënic. (Di 25:21) Acïï Nhialic thɔn nɔn bïï yen ya “köt” ku ye “kuɔɔny,” ku bï kɔc wën nɔŋ ciɛɛŋ lacök kuɔny ë kueerkeniic. (Kɛ̈ 2:6-8; 10:29; Di 41:12) Diɛɛr ye kek diɛɛr bïk Yakoba ya miëët puɔ̈u ee ke kuɔny bïk riɛl ë pïïrdenic ku kony keek bïk kueer wën bïï kek Yakoba ya miëët puɔ̈u kuanyic. (Di 26:1-3; Kɛ̈ 11:5; 28:18) Cɔk anɔn ee cïï Jop ye tïŋ kɔc piɛth aa röt baŋ ë dhaman dɛ̈t wɛ̈t ë kuum ë mɛnh ë raan ku aa lëu bïk thou ëtök kek kɔc rɛc, ke Yakoba ee kɔc cït käkä thɔ̈n nïïm nɔn ŋic en mɛɛmden ku acï thɔn nɔn bïï Yen kɔckä thieei ë dhaman bï bɛ̈n tueŋ, ku aabï ke yiëk pïïr athɛɛr. (Jop 9:20-22; Di 37:18, 19, 37; 84:11; Kɛ̈ 28:10) Cït man cïï ye nyuɔɔth ë pïïr Jopic, ee ciɛɛŋ wën lacök ee yen raan cɔl athiekic ë Nhialic nyin ku acie käken juëc wën tɔ̈u ke yeen. (Kɛ̈ 19:1; 28:6) Mïth wën ye wunden awu manden raan lacök (Kɛ̈ 20:7), aa lëu bï lueel kaa mit gup, wɛ̈tŋö aaye lɔ̈k theek ë wɛ̈t ë ye wun awu man raan wën lacök.
Yäp ë Käthiekiic Tɔ̈u ë Baibolic
w01 12/1 awer. 11 abër 3
Yïn Lëu ba Rot Gël ba Cïï Niɔp Käk ë Wei Yiic
Tɔ̈ŋ ë puɔ̈u. Kɔc juëc ye tuany ë kɔ̈ɔ̈c ë puɔ̈u ke dɔm, aa keye kepuɔ̈th tɔɔŋ ë dhaman wën ë këc tuany ë puɔ̈u ke guɔ dɔm nɔn ë piɔl kek gup. Ku wɛ̈t ë bïï yen dac ya lɔ panakïm bï lɔ caath guöp, acie kë wën ë ye tääu yenɔm ke thiekic. Ku ee yen tëde aya, kɔc kɔ̈k ayekë takic ë wɛ̈t ë cïï kek dac bɛ̈n ë yicic dhaman thɛɛr, ka yeen acïnkë lëu bï rot luɔ̈ɔ̈i keek. Acïkkë ë dac tääu ë kenïïm bïk käken ke wëi ya caathiic agut bï riääk lacel ke gup. Ee kë wën thiekic apɛi buk wëët cïï dutuc Paulo lueel alɔŋ tɔ̈ŋ ë puɔ̈u ya muk ɣonïïm, ee cï lueel: “Na de raan ŋic rɔt nɔn kɛ̈ɛ̈c en apiɛth, ke ye rɔt tiit ke cïï bï wïïk.” Ayeku nyuɔɔth nɔn pel ɣok nïïm të ye ɣok ye gam nɔn dɛk ɣokiic ku yeku röt caath käkuɔn ke wëi yiic ë dhaman thok ëbën.—1 Korinthoi 10:12; Kɛ̈ŋ 28:14.