PENTI 12

Soi den sama di e aliki i taki yu e booko yu ede anga den

1 Tes. 2:7, 8

SAN I MU DU: Taki anga fii. Soi den sama di e aliki i taki i lobi den. Soi den tu taki i wani yeepi den.

Pakisei den sama di o aliki i. Te yu e seeka, akisi iseefi sowtu polobelema den abi. Puubei fu fusutan fa den e fii.
Luku bun san yu e taki. Den sani di yu e taki mu gi den sama di e aliki i taanga-sikin. Ná koboloiki wowtu di o meke den fii wan fasi. Ná soso den sama di nai dini Yehofa efuso den sani di den e biibi.
Soi taki yu e booko yu ede anga den sama di e aliki i. Taki switi anga den sama. A fasi fa yu e poti i fesi anga den sani di yu e du anga yu ana mu soi taki yu e booko yu ede anga den. Booko lafu wantu leisi.

A á de fi i du sani pasa peesi fu soi fa yu e fii. Te yu e leisi, meke moiti fu soi fa den sama di de aini a pisi di yu e leisi be e fii, ma ná du sani fu sama poti pakisei a yu. Meke moiti fu taki anga den sama a wan fasi di e soi taki i lobi den.