PENTI 18

Sama mu man leli wan sani fu san yu e taki

1 Kor. 9:19-23

SAN I MU DU: Yeepi den sama di e aliki i fu sidon denki den sani di yu e taki. Den mu si taki i leli den wan sani.

Akisi iseefi san den sama di e aliki i sabi kaba fu wan toli. Yu á mu taigi den sama sani di den sabi wawan, ma i mu yeepi den fu fusutan wan toli moo bun efuso a wan fasi di den á be poti pakisei.

Taki gawgaw fu den sani di den sabi kaba, ma yu á mu taki gaw te yu e taki fu wan sani di den á be yee ete.
Ondoosuku a toli di i wani taki bun, da i sidon pakisei fi en. I sa taki fu toli di sama á be yee ete efuso wan sani di pasa taade ya fu leli sama pelensipali sani. I mu sidon pakisei a toli di i wan gi, fu sabi efu ai fiti a lezing di yu o holi.

Te yu e ondoosuku a toli di i wani taki aini wan lezing, akisi iseefi taki: Fa mi du sabi taki a toli ya a tuu? Fa mi sa soi taawan taki a tuu? Saide son sama nai kaba biibi a toli ya? On ten a sani ya pasa? Fa u sa wooko anga a sani ya? Efi yu e piki den sowtu akisi ya aini wan lezing, den sama o wani aliki san yu e leli den.
Soi den sama fa a toli di yu e taki sa yeepi den. Soi den fa den sa wooko anga wan Beibeltekisi. Soi den fa den sa wooko anga den sani ya te den de a sikoo, a wooko efuso taa peesi. Den sani di yu e taki mu fiti den sama di e aliki i.