DEN GUDU DI DE AINI A WOWTU FU GADU | PSALM 52-59
„Fiingi den lai fi i gi Yehofa”
A omen gaan tesi miti David aini en libi. Luku wantu sani di miti en a yuu di a sikiifi Psalm 55:
Sama kosi en
Sama be wani kii en
En kosensi be e fon en
En pikin be dede
A be siki
Sama di ai fitoow be gwe fika en
David be e fende wan fasi fu holidoo, winsi fa a be gei enke den polobelema fi en be ibi tumisi. David be sikiifi taki: „Fiingi den lai fi i gi Yehofa.” A sani di a sikiifi ya e gi den sama di e fii booko-saka taanga-sikin.
Fa u sa wooko anga a tekisi ya?
55:22
Begi Yehofa te yu abi polobelema, efuso te tesi e miti i
Suku yeepi aini a Wowtu fu Yehofa anga en olikanisâsi
Du san i poi fu losi a polobelema, sondee fu du wan sani di Yehofa á lobi