Poti maiki dii wani doo na a pisiten fu a Membeefesa

Ala yali den Yehofa Kotoigi e angii fu kon makandaa fu holi a Membeefesa. We du ala san u poi fu holibaka gi den sani di den baala seeka na a wiki fosi a Membeefesa anga baka a Membeefesa fu soi Yehofa taki a dede di a meke Yesesi dede gi u e bigi u (Efe 1:3, 7). Neen meke we du ala san u poi fu kai sama kon na a Membeefesa. Son wan fu u e meke moiti fu du a yeepi pioniliwooko aini maart anga april. Aini den mun de i sa doo 30 efuso 50 yuu. I wani du moo na a pisiten fu a Membeefesa a yali ya? San o yeepi i fu du a sani ya?

Gaanse leisi efu u seeka sani a fesi we poi du san u be wani (Odo 21:5). Neen meke fu di a Membeefesa o doo dyonson meke a nownow kaba u mu bigin seeka. Sidon pakisei den sani dii wani du na a ten fu a Membeefesa, dai luku san a den sani dii mu du fii sa doo den maiki de. Begi Yehofa fu a belesi a moiti di yo meke.​—1Yoh 5:14, 15.

San a wantu fasi fa i sa du moo gi Yehofa na ten fu a Membeefesa?