Taki a wan fasi di o meke a sama tan aliki i

Fa Filipesi du a sani ya?

FELON: Filipesi peleiki gi a Etiyopiyaman

1. Luku a FELON, efuso leisi Toli fu den apostel 8:30, 31. Bakadati luku den akisi ya:

1. Fa Filipesi bigin a takimakandaa?

2. Filipesi gi toli anga a man fosi a leli en wan pelensipali sani. Saide u sa taki a wan bun fasi a bigin a takimakandaa ya?

Saw sa leli fu Filipesi?

2. Te we taki anga wan sama, wa mu feti fu leli en wantenwanten. Efii gi toli anga en pikinso, a sani ya o meke a fii bun fu taki anga i. Aw wani aliki san yo leli en tu.

Du sani enke Filipesi

3. Poti pakisei na a sama. Tei luku fa a sama e poti en fesi, fa a sidon efuso taampu, den sani ya e yeepi i fu sabi wantu sani fu a sama. Efii si taki a sama wani taki anga i, i sa paati wan Beibel leli anga en. I sa bigin so: ‘I be sabi taki . . . ?’ Efii si taki a sama á wani taki anga i, ya mu fooseli en.

4. I mu abi sakafasi. Ya mu si enke a namonamo i mu peleiki gi a sama tei go neen a fosi leisi. Son yuu kande i mu wakiti tei go wan taa leisi fosi dai taki fu Beibel anga en. I mu luku on ten a moo bun fu taki fu Beibel anga en.

5. Fiti iseefi. Kande tei taki anga a sama, aw bigin taki fu wan sani di ya be denki. Te a sani ya pasa, ya mu taki fu wan taa toli anga a sama, ma taki fu a toli di a opo anga i. I mu de seekaseeka fu paati wan leli fu Beibel anga a sama di o hali en pakisei.