Matiyo ka kibaro diiman
1 Yezu Krista* ka maana* kitabu. A buruju bɔra Dawuda la, ale min tun ye Ibrayima bɔnsɔn ye.
2 Ibrayima tun ye Isiyaka faa ye,
Isiyaka tun ye Yakuba faa ye,
Yakuba tun ye Zuda n’a balimaw faa ye,
3 Zuda tun ye Perɛzi ni Zera faa ye, a ye minw sɔrɔ ni Tamari ye.
Perɛzi tun ye Hɛsirɔn faa ye,
Hɛsirɔn tun ye Aramu faa ye.
4 Aramu tun ye Aminadabu faa ye,
Aminadabu tun ye Nasɔn faa ye,
Nasɔn tun ye Salimɔn faa ye,
5 Salimɔn tun ye Bowazi faa ye, a ye min sɔrɔ ni Rahabu ye.
Bowazi tun ye Obɛdi faa ye, a ye min sɔrɔ ni Uruti ye.
Obɛdi tun ye Zese faa ye,
6 Zese tun ye masacɛ Dawuda faa ye,
Dawuda tun ye Solomani faa ye, a ye min sɔrɔ ni Uri muso ye.
8 Aza tun ye Zozafati faa ye,
Zozafati tun ye Zoramu faa ye,
Zoramu tun ye Oziyasi faa ye,
9 Oziyasi tun ye Zotamu faa ye,
Zotamu tun ye Akazi faa ye,
Akazi tun ye Ezekiyasi faa ye.
10 Ezekiyasi tun ye Manase faa ye,
Manase tun ye Amɔn faa ye,
Amɔn tun ye Zoziyasi faa ye,
11 Zoziyasi tun ye Zekoniyasi n’a balimaw faa ye. O wagati lo la u tagara ni Israɛldenw ye jɔnya la Babilɔni.
12 U taganin kɔ n’u ye jɔnya la Babilɔni, Zekoniyasi ye Salatiyɛli bange,
Salatiyɛli ye Zorobabɛli bange,
13 Zorobabɛli ye Abiyudi bange,
Abiyudi ye Eliyakimu bange,
Eliyakimu ye Azɔri bange.
14 Azɔri ye Sadɔki bange,
Sadɔki ye Akimu bange,
Akimu ye Eliyudi bange,
15 Eliyudi ye Eleyazari bange,
Eleyazari ye Matan bange,
Matan ye Yakuba bange,
16 Yakuba ye Mariyamu cɛɛ Yusufu bange. Ale Mariyamu lo ye Yezu wolo min weelela ko Krista.
17 K’a ta Ibrayima la fɔɔ ka taga se Dawuda ma, bɔnsɔn 14 lo be yen. K’a ta Dawuda la fɔɔ ka taga se Israɛldenw tagatuma ma jɔnya la Babilɔni, bɔnsɔn 14 lo be yen. K’a ta Israɛldenw tagatuma ma jɔnya la Babilɔni fɔɔ ka taga se Krista ma, bɔnsɔn 14 lo be yen.
18 Yezu Krista wolocogo filɛ nin ye: Tuma min na Yusufu tun ye Mariyamu maminɛ, Mariyamu ye kɔnɔ ta hakili senu* barika la k’a sɔrɔ ale ni Yusufu tun ma furu fɔlɔ. 19 Nga, Yusufu tun ye mɔgɔ tilennin ye ani a tun t’a fɛ ka Mariyamu maloya jama ɲɛɛ na. O kama, a tun b’a fɛ k’u ka furuko dabila* dogo la. 20 A y’o koow miiri ka ban tuma min na, a sinɔgɔra. O kɔ, Jehova* ka mɛlɛkɛ y’a yɛrɛ yira a la siko la k’a fɔ a ye ko: “Yusufu, Dawuda dencɛ, kana siran ka Mariyamu ta i ka soo k’a kɛ i muso ye sabu a ye kɔnɔ ta hakili senu barika lo la. 21 A bena dencɛ wolo ani i ka ɲi k’a tɔgɔ la ko Yezu* sabu a bena a ka jama kisi ka bɔ u ka jurumuw na.” 22 O koow bɛɛ kɛra walisa Jehova tun ye kuma min fɔ, o ka dafa. Kabi wagatijan, a ka kira tun y’o kuma fɔ ten ko: 23 “A filɛ, npogotigi dɔ bena kɔnɔ ta ka dencɛ wolo ani u bena a weele ko Emanuwɛli.” O kɔrɔ ko “Ala be n’an ye.”
24 O kɔ, Yusufu kununa ka bɔ sinɔgɔ la ani Jehova ka mɛlɛkɛ tun ye min fɔ a ye, a y’o kɛ. A ye Mariyamu ta a ka soo k’a kɛ a muso ye. 25 Nga, a ma jɛn n’a ye fɔɔ a tagara jigi dencɛ la, ani Yusufu y’a tɔgɔ la ko Yezu.