K’a ta danni ma ka taga se sanjiba ma

Sankolo ni dugukolo bɔra min? Tile, kalo ni lolow ani fɛɛn caaman minw be dugukolo kan, olu fana bɔra min? Bibulu be jaabili sɔbɛ di o koo la. A b’a fɔ ko Ala lo ye o fɛɛnw bɛɛ dan. O la, an ka gafe be daminɛ ni Bibulu ka maanaw ye danni koo la.

Ala ka danfɛn fɔlɔw kɛra mɔgɔ yebaliw ye i n’a fɔ ale yɛrɛ. Mɛlɛkɛw tun lo. Nka, dugukolo kɔni, Ala y’a dan an adamadenw lo kosɔn. O kama, a ye cɛɛ ni muso, Adama ni Awa dan k’u bila nankɔ cɛɲumanba dɔ la. Nka, u ye Ala kaan bila ani a y’u gwɛn ka bɔ yen.

Saan 1 656 lo be yen Adama danni ni sanjiba nani cɛ. Mɔgɔ jugu caaman ye ɲɛnamaya kɛ o wagati kɔnɔ. Sankolo la, mɔgɔ yebaliw tun be yen, Sutana ni a ka mɛlɛkɛ juguw. Dugukolo kan, Kayɛn ni mɔgɔ jugu wɛrɛw tun be yen i n’a fɔ mɔgɔ barikaman dɔw minw ni tɔɔw tun tɛ kelen ye. Nka, mɔgɔ ɲumanw fana tun be yen dugukolo kan i n’a fɔ Abɛli, Henɔki ani Nuhun. Gafe nin Yɔrɔ FƆLƆ la, an bena kuma o mɔgɔw koo la ani koo minw kɛra u ka wagati la.