Ala sago ye mun lo ye?

Ala b’a fɛ an ka ɲɛnamaya kɛ ɲɛsuma ni hɛɛrɛ la alijɛnɛ kɔnɔ dugukolo kan fɔɔ abada!

Nka, n’a sɔrɔ i bena i yɛrɛ ɲininga ko: ‘O be se ka kɛ cogo di?’ Bibulu b’a fɔ ko Ala ka Masaya lo bena o kɛ. Ala b’a fɛ mɔgɔw bɛɛ k’o Masaya lɔn ani u k’a lɔn fana ale sago ye min ye an koo la.—Zaburuw 37:11, 29; Ezayi 9:6.

Ala b’a fɛ an yɛrɛ ka nafa sɔrɔ o la.

Faa ɲuman b’a deenw ka ɲɛ lo fɛ. O cogo kelen na, an sankolola Faa fana b’a fɛ an ka hɛɛrɛ banbali sɔrɔ (Ezayi 48:17, 18). A ye layidu ta ko mɔgɔ “min bɛ Ala sago kɛ, o bɛ to badaa-badaa.”—1 Zan 2:17, ABM.

Ala b’a fɛ an k’ale ka siraw tagama.

Bibulu b’a fɔ ko an Danbaga b’a fɛ k’a ka “sira yira an na” walisa an ka se k’a “ka sira taama.” (Ezayi 2:2, 3). Ala ye ‘siya dɔ woloma k’a kɛ a tɔgɔla ta ye’ walisa a k’ale sago yira mɔgɔw la dugukolo kuru bɛɛ kan.—Kɛwaliw 15:14.

Ala b’a fɛ an ka jɛn ka kɛ kelen ye k’ale bato.

Jehova ka batoli saniman be mɔgɔw kɛ kelen ye kanuya sɔbɛ la, a tɛ u faran faran (Zan 13:35). Mɔgɔw ka ɲi k’u kaan bɛn ka baara kɛ Ala ye cogo min na, jɔn lo be cɛɛw ni musow kalanna o la yɔrɔ bɛɛ la bi? An b’a ɲini i fɛ i ka tɛmɛ sɛbɛ nin fɛ k’o mɔgɔw lɔn.