Lalɔnniyaliw

◼ Gafe yirataw feburukalo la: Gafe kura Approchez-vous de Jéhovah. N’o gafe labilanen tɛ fɔlɔ, a’ ye gafe Création walima Révélation yira a nɔɔ na. Marisikalo: Gafe Dɔnniya. A’ ye jijali kɛ ka bibulukalanw daminɛ n’o gafe ye. Awirili ni mɛkalo: La Tour de Garde ni Réveillez-vous ! fila bɛɛ yira. Makodon mɔgɔ dɔw be na Hakilijigi seli la, wala kafo ka koo wɛrɛ la, nka u tɛ jɛnɲɔgɔnya sɔbɛ kɛ ni kafo ye. Viziti kura kɛtɔ u fɛ yen, i jija ka gafe Adorez le seul vrai Dieu to u bolo. Ni mɔgɔ dɔw ye gafe Dɔnniya wala kitabunin Ɲini kalan ka ban fɔlɔ la, an ka kan ka jijali sɔbɛ kɛ ka bibulukalan daminɛ n’u ye gafe Adorez le seul vrai Dieu kɔnɔ.

◼ Diinan mɔgɔkɔrɔw ɲɛbila ka kan ka kafo ka jateminɛw sɛgɛsɛgɛ marisikalo tile fɔlɔ la, wala joona o loon tɛmɛnen kɔ. A fana be se k’o cii kalifa mɔgɔ wɛrɛ ma. Jateminɛw dantigɛli rapɔɔri nata mana kalan ka ban, a’ y’a fɔ kafo ye k’o sɛgɛsɛgɛri kɛra. Ni Sosiyete ye lɛtɛrɛ dɔ ci k’a yira ko a ye kafo ka niliw sɔrɔ duniɲa bɛɛ baara kama, wala baara wɛrɛ kama, a’ y’o lɛtɛrɛ kalan.

◼ Sekeretɛri ni waajulibaara kɔrɔsibaga ka kan ka kudayi piyɔniyew bɛɛ ka baara lajɛ. N’a ka gwɛlɛ o piyɔniye dɔ ma k’a ka laɲinita dafa, diinan mɔgɔkɔrɔw ka kan ka labɛn kɛ walisa k’a dɛmɛ. Aw be se ka ladiliw sɔrɔ Sosiyete ka saan o saan bataki (S- 201) kɔnɔ. A’ ye saan 1986, utikalo ka An ka Masaya Cidenyabaara lankana fana filɛ, a dakunw 12- 20nan n’o be sɔrɔ aw ka kaan na.

◼ Dan na foroba kalan min bena di Hakilijigi seli wagati la saan 2003, o kuun ko: “Yala Babilonɛ ka kiti wagati sera wa?” O lalɔnniyali wɛrɛw filɛ An ka Masaya Cidenyabaara kɔnɔ (saan 2002, sɛputanburukalo ta).

◼ Komi mɔgɔw tɔgɔla abɔneman tɛ kɛ tugun lapɔsi fɛ, kafow mana La Tour de Garde ni Réveillez-vous ! kuramanw sɔrɔ dɔrɔn, a kɔrɔtalen be u ka teliya k’u labila weleweledalaw ye. O bena waajulikɛlaw dɛmɛ u k’u tɔgɔla taw sɔrɔ, ani k’u kɔnɔnakow lɔn sanni u ka taga waajuli kɛ n’u ye.

◼ K’a daminɛ kalo ni na, gafe kura labilanenw tɔgɔw tɛna to ka bɔ tugun An ka Masaya Cidenyabaara sɛbɛ kɔnɔ. Kalo o kalo, Sosiyete bena to k’o kunnafoni di kafow ma lɛtɛrɛ nin kɔnɔ: “Lalɔnniyaliw, ka ɲɛsin kafow bɛɛ ma.” O lɛtɛrɛ mana se kafo kɔnɔ, a kɔnɔna kunnafoniw bena kalan kafo ye waajuliko lajɛn nata la. I ka kafo mako be gafe minw na, u bena olu kofɔ. O tuma, o lɛtɛrɛ bena bila kunnafoni walakaba kan. O kɔ, balimacɛ min be gafekow kun na, a bena a bɔ k’a mara.