Lalɔnniyaliw

◼ An bena gafe minw yira zuwe ni utikalo la: Kitabunin I be se ka kɛ Ala teri ye. Kafo ka kan ka labɛn kɛ dan na walisa k’o kitabunin kofɔ a ka kiinw bɛɛ kɔnɔ. N’i b’i labɛnna ka taga vakansi la, kana ɲinɛ k’o kitabunin caaman ta i bolo walisa k’u tilan mɔgɔw ye. Sɛputanburukalo: Y a-t-il un Créateur qui se soucie de vous ? N’o gafe tɛ yen kafo kɔnɔ, an be se ka nin yira mɔgɔw la : La vie : comment est-elle apparue ? Évolution ou création ? Ɔkutɔburukalo: La Tour de Garde ani Réveillez-vous ! N’a tigi y’a mako don, kitabunin Ɲini kofɔ a ye, ani i jija sɔbɛ la ka bibulukalan daminɛ n’a ye.

◼ K’a ta sɛputanburukalo la, kafokulu kɔrɔsibagaw bena forobakalan dɔ di. A barokun ko: “An ka siniɲasigi kunbɛn ni lanaya ni jagwɛlɛya ye.”

◼ Kiinw wala dugu dɔw ma kɛ kafo si ta ye. Tuma min na waajuli be kɛra o yɔrɔw la, weleweledalaw ka kan ka gafe Dɔnniya wala kitabunin Ɲini kofɔ mɔgɔw ye. N’o gafe fila b’o tigi fɛ ka ban, an be se ka gafe wɛrɛ kofɔ a ye. Bɛɛ kelen kelen ka kan ka sɛbɛnin sifa caaman ta a bolo walisa k’u to mɔgɔw ye, minw tɛ yen u ka soo wala minw tɛ sɔn an ka gafew la. N’o kiinw wala o duguw ka surun kafo dɔ la, jijali ka kan ka kɛ walisa ka makodon mɔgɔw dɛmɛ.

◼ Kafo ka sekeretɛriw ka kan ka kudayi piyɔniye baara ɲinisɛbɛ (S-205) ani piyɔniye kɔrɔsigi baara ɲinisɛbɛ (S-205b) hakɛ kɛɲɛnen dɔ mara u yɛrɛw kɔrɔ. U be se k’o sɛbɛw komandi kɛ gafew ɲinisɛbɛ (S-14) kɔnɔ. O sɛbɛw maralenw ka kan ka labɔri kɛ saan kelen bɛɛ kɔnɔ.

◼ Sanni a ka kudayi piyɔniye baara ɲinisɛbɛw ci Sosiyete ka biro ma, kafo ka sekeretɛri ka kan k’u lajɛ k’a filɛ n’u dafara koɲuman. Ni o baara ɲinibaga dɔ hakili tɛ a batɛmusan tigitigi la, a ka kan k’o sanda kiimɛ ani k’a sɛbɛ ka mara a kɔrɔ. Sekeretɛri ka kan k’o sanda sɛbɛ karti nin kan: Activité du proclamateur.

◼ N’a sɔrɔ aw b’a fɛ ka taga tagama na jamana wɛrɛ la. N’aw b’a fɛ ka kunnafoniw sɔrɔ kafo ka lajɛnw koo la, lajɛnbaw kɛyɔrɔ, u loonw ni u lɛriw koo la walisa ka taga yen, a’ ye aw janto ka sɛbɛ ci Sosiyete ka biro ma, min be o jamana ka baara kɔrɔsi. Sosiyete ka ladɛrɛsiw be sɔrɔ Annuaire kura ɲɛɛ laban na.

◼ Sosiyete ka biro mako b’a la ka diinan mɔgɔkɔrɔ ɲɛbilaw ni sekeretɛriw bɛɛ ka ladɛrɛsi ni telefɔni nimɔrɔ kuraw sɔrɔ ka mara. Dɔ ta mana yɛlɛma tuma o tuma, waajuliko ɲɛnabɔbagaw jɛnkulu ka kan ka sɛbɛ (S-29) dafa joona joona ka ci Sosiyete ma. O ye ladɛrɛsiw yɛlɛmani sɛbɛ ye, min ɲɛsinna diinan mɔgɔkɔrɔ ɲɛbila/sekeretɛri ma.