Ala ka mara cidenyabaara lakɔli segikanni

Ɲiningali ninw bena jaabiliw sɔrɔ dalafɔli la Ala ka Mara cidenyabaara lakɔli la, saan 2005, utikalo tile 29nan lɔgɔkun kɔnɔ. Miniti 30 kɔnɔ, lakɔli kɔrɔsibaga bena segikanni koo ɲɛnabɔ. O bena basigi kalanw kan, minw kɛra saan 2005 kɔnɔ, kabini zuwekalo tile 4nan lɔgɔkun, ka taga a bila utikalo tile 29nan lɔgɔkun na. [I janto: N’u ma gafe si kofɔ ɲiningali kɔ, i yɛrɛ lo ka kan ka sɛgɛsɛgɛriw kɛ.​​—⁠Gafe École du ministère ɲɛɛ 36-⁠7 lajɛ.]

KUMACOGO FƐƐRƐW

1. N’an b’an ka jigiya kofɔra mɔgɔw ye, cogo juman na an be se k’a to an “ka dusu sumalenya ka dɔn mɔgɔw bɛɛ fɛ”? Ani, mun na o kɔrɔtalen be? (Filip. 4:5; Yaku. 3:17) [3, be ɲɛɛ 251nan § 1-3nan, koorilen]

2. N’an b’a lɔn tuma min na an ka ɲi ka sabari, cogo juman na o bena an dɛmɛ ka jɛnɲɔgɔnya ɲuman kɛ ni mɔgɔw ye? [5, be ɲɛɛ 253nan, § 1-2nan]

3. N’an be mɔgɔw hakili jagabɔra koo dɔ kan, mun na a kɔrɔtalen be an ka baara ɲuman kɛ ni ɲiningaliw ye? [6, be ɲɛɛ 253nan § 3-4nan]

4. An ka kan k’an janto koo jumanw na n’an b’a fɛ ka mɔgɔw ka miiriyaw yɛlɛma an ka baro fɛ? [7, be ɲɛɛ 255nan § 1-4nan, koorilen; ɲɛɛ 256nan § 1, koorilen]

5. N’an y’a latigɛ ka tɛmɛ dalilu dɔw fɛ, minw tɛ Bibulu kɔnɔ, walisa ka Bibulu ka tiɲɛntigiya yira, an ka kan ka mun lo to an hakili la? [8, be ɲɛɛ 256nan § 3-5nan, koorilen]

CII FƆLƆ KALAN

6. Dalilu gwɛnen jumanw b’a yira ko Yesu kɛra yen tiɲɛn na? [2, w03 6/15 ɲɛɛ 4-7nan]

7. Cogo juman na ‘mɔgɔ tilennenw daa be u kisi’, ani “mɔgɔ tilennenw ka so jɔlen na to”? (Ntal. 12:6, 7) [3, w03 1/15 ɲɛɛ 30nan § 1-3nan]

8. Komi koo misɛnw bɛɛ ɲɛnabɔcogo ma sɛbɛ ka yira Bibulu kɔnɔ, cogo juman na an be se ka Jehova ka sagoya lɔn k’a faamu? (Efes. 5:17) [4, w03 12/1 ɲɛɛ 21nan § 2–ɲɛɛ 22nan § 3nan]

9. Bibulu ka miiriya jumanw be se k’an dɛmɛ ka fantanya wala wariko gwɛlɛyaw kɛlɛ n’an y’o miiriyaw sira tagama? [6, w03 8/1 ɲɛɛ 5nan § 3-6nan]

10. Jehova be sɔnni kɛ gwansan cogo min na, o ka kan ka nɔɔ juman to an na? (Mat. 10:8) [7, w03 8/1 ɲɛɛ 20-2nan]

LƆGƆKUN KƆNƆ KA BIBULU KALANGWƐ

11. Solomani ye batosoba min lɔ, o donda la, samasen fila dɔw tun be yen minw tɔgɔ ko Jaken ni Boaz. Mun na u tun weelela o cogo la? (1 Masak. 7:15-22)

12. Ka kɛɲɛ ni Musa ka sariya ye, yala joo tun be Solomani fɛ ka Galile mara ka dugu 20 di Tir masacɛ Hiram ma wa? (1 Masak. 9:10-13)

13. An be kalan juman sɔrɔ “Ala ka cɛ dɔ” ka kanbilali koo la? (1 Masak. 13:1-25)

14. Koo juman na Juda ka masacɛ Asa y’a ka jagwɛlɛya yira? A ka ɲɛyirali be kalan juman di an ma? (1 Masak. 15:11-13).

15. Koo min kɛra masacɛ Akab ni Nabot cɛ, cogo juman na o b’a yira ko farati b’a la n’an b’an yɛrɛ kɛ makaritɔ ye? (1 Masak. 21:1-16).