Mun na tiɲɛn batoli koo ka gwɛlɛ i ma?

Ezekiyɛli ye batosoba ye yeli dɔ la. Yahutu minw tun be jɔnya la, o yeli y’olu jija sabu a y’u jigi sigi ko tiɲɛn batoli bena sigi sen kan kokura. Laban loon nunu na, tiɲɛn batoli sabatinin lo ka “tɛmɛ kulu tɔw kan” ani an bɔra siyaw bɛɛ la ka ɲɔgɔn lajɛn yen (Ezayi 2:2). Nɛɛma min dira i ma ka Jehova lɔn ani ka baara kɛ a ye, yala i be miiri o la tuma o tuma wa?

TIƝƐN BATOLI KA DUGA DƆW:

• 

  Kalan caaman, minw b’an dɛmɛ k’an ka ɲiningalibaw ka jaabiliw sɔrɔ, kalan nafamanw, ani jigiya sɔbɛ.—Ezayi 48:17, 18; 65:13; Ɔrɔm. 15:4.

• Balimaw duniɲa kuru bɛɛ kɔnɔ, minw be ɲɔgɔn kanu.—Zab. 133:1; Zan 13:35.

• Nɛɛma lo ka jɛn ni Ala ye ka baara dɔ kɛ min be mɔgɔ wasa.—Kɛw. 20:35; 1 Kor. 3:9.

• “Ala ka hɛrɛ,” o min be barika don an na gwɛlɛya tuma na.—Filip. 4:6, 7.

• Dusukun gwɛnin.—2 Tim. 1:3.

• Jɛnɲɔgɔnya ɲuman an ni Jehova cɛ.—Zab. 25:14.

Ne be se k’a yira cogo jumanw na ko tiɲɛn batoli koo ka gwɛlɛ n’ ma?