“Ni mɔgɔ min b’a fɛ ka kɛ mɔgɔba ye aw cɛma, o tigi ka kan k’a yɛrɛ kɛ aw ka baaraden ye”

20:28

Sariya karamɔgɔw ani Fariziɲɛw tun ye kuncɛbaw ye. U tun b’u yɛrɛ yira ani lɔyɔrɔba tun ka di u ye (Mat. 23:5-7). Yezu kɔni tun tɛ ten. A ko: “Mɔgɔ Dencɛ ma na waasa mɔgɔw ka baara kɛ a ye. Nga, a nana ka mɔgɔw mako ɲa.” (Mat. 20:28). An be se ka bonya ni tandoli sɔrɔ an ka batoliko minw na, yala an b’an jija olu le la fɔlɔ wa? N’an b’a fɛ ka kɛ mɔgɔba ye, an bena an seko bɛɛ kɛ ka mɔgɔw dɛmɛ i ko Yezu y’a kɛ cogo min na. Tuma caaman na, o baara tɛ kɛ mɔgɔw ɲɛɛ na, Jehova dɔrɔn lo b’o ye (Mat. 6:1-4). Baaraden majiginin bena . . .

• a seen don Masaya Boon saniyali ani a ladonko la

• a ɲini ka mɔgɔkɔrɔbaw ani balima tɔɔw dɛmɛ

• nili kɛ walisa ka dɛmɛ don Alakow la