I be se ka kelenna kalan ani gwa kɔnɔ batoli kɛ koo minw kan

An be Jehova bato n’an balimaw ye lajɛnw ni lajɛnbaw la. Nka o dɔrɔn tɛ. An b’o kɛ fana an kelen wala n’an ka denbayamɔgɔw ye. I be se ka kelenna kalan wala gwa kɔnɔ batoli kɛ koo nunu dɔ kan:

• Kafo ka lajɛnw labɛn. I be se ka dɔnkiliw degi ani ka i ka denbayamɔgɔw bɛɛ dɛmɛ u ka lakalita dɔ labɛn.

• Bibulu ka maana dɔ kalan. O kɔ, desɛn dɔ kɛ walisa ka koo dɔ yira min kɛra o maana kɔnɔ wala i ye kalan minw sɔrɔ, u dɔ sɛbɛ.

• Delili minw be sɔrɔ Bibulu kɔnɔ, u dɔ sɛgɛsɛgɛ ani miiri k’a filɛ cogo min na a be se k’i dɛmɛ k’i ka deliliw cogoya fisaya.

• Ɔriganisasiyɔn ka videwo dɔ filɛ ani o kɔ, baro kɛ o kan ni mɔgɔ wɛrɛw ye, wala a sɛbɛ min diyara i ye o videwo kɔnɔ.

• I yɛrɛ labɛn waajuli baara kama. I bena min fɔ waajuli la, i be se k’o kɛ k’a filɛ n’i ka denbayamɔgɔ dɔ ye.

• Danfɛn dɔ lajɛ ani miiri a kan. A b’i kalan min na Jehova koo la, i be se ka baro kɛ o kan n’i ka denbayamɔgɔw ye.a