An ka ɲɔgɔn ka limaniya barika bonya

N’an be wagati kɛ n’an kerecɛnɲɔgɔnw ye, o b’an jija. Nga walisa ka jijali sɔrɔ, a daan tɛ ka wagati kɛ n’u ye. See min b’an ye ka ɲɔgɔn jija, Bibulu b’o weele ko “Ni Senu ka nilifɛn.” (Ɔrɔm. 1:11, 12, Bible senuma). An be se ka baara kɛ n’o nilifɛn ye bɛrɛbɛrɛ cogo di?

Tɔɔw jija i ka kumaw fɛ. Misali la, an be se ka lakalitaw kɛ lajɛnw tuma na. N’an b’o kɛra, an kana sinsin an yɛrɛ kan, nga an ka sinsin Jehova, a ka Kuma ani a sagokɛlaw kan. N’an be baro kɛra n’an balimaw ye, koo minw bena u ka limaniya barika bonya, an ka kuma o lo koo la.

Tɔɔw jija i ka desizɔnw n’i ka kɛwalew fɛ. Misali la, dɔw y’a latigɛ ka to kudayi cidenya baara la hali k’a sɔrɔ gwɛlɛya dɔw b’u kan. Dɔ wɛrɛw be na kerecɛnw ka ɲɛnamaya n’u ka waajuli baara lajɛn na hali k’a sɔrɔ u bolo degunnin lo u ka baara la wala bana dɔ b’u kan.

Yala i b’i balimaw jija i ka kumaw n’i ka kɛwalew fɛ wa? Ani i balimaw be kuma minw fɔ ani ka koo minw kɛ walisa k’i jija, yala i b’o kɔrɔsi wa?