YƆRƆ 8NAN

Yezu ka saya kɔrɔ ye mun ye ele fɛ?

Yezu sara walisa an ka se ka ɲɛnamaya sɔrɔ. Zan 3:16

Musow be Yezu ka kaburu filɛra, a lakolon lo

Tile saba Yezu sanin kɔ, muso dɔw tagara a ka kaburu filɛ ani k’a ye ko a lakolon lo. Jehova tun ye Yezu lakunu ka bɔ saya la.

Yezu y’a yɛrɛ yira a ka kalandenw na, o kɔ a yɛlɛla ka taga sankolo la

O kɔ, Yezu y’a yɛrɛ yira a ka cidenw na.

Tiɲɛn na, Jehova tun ye Yezu lakunu k’a kɛ mɛlɛkɛ barikaman ye min tɛ se ka sa tugun. Yezu ka cidenw y’a tagatɔ ye sankolo la.

Ala ye Yezu lakunu, ani a y’a kɛ Masacɛ ye Ala ka Masaya kun na. Daniyɛli 7:13, 14

Ka Yezu to a ka masasigilan kan sankolo la, a be mɔgɔw marala alijɛnɛ kɔnɔ dugukolo kan

Yezu y’a niin di k’a kɛ adamadenw niin kunmabɔsara ye (Matiyo 20:28). O kunmabɔsara sababu la, Ala y’a kɛ an be se ka to niin na fɔɔ abada.

Jehova ye Yezu kɛ Masacɛ ye walisa a ka dugukolo kuru bɛɛ mara. Mɔgɔ kantigiman 144 000 bena kɛ n’a ye. O mɔgɔw lakununa ka bɔ dugukolo kan ka taga sankolo la. Yezu n’o mɔgɔ 144 000 lajɛnnin lo ye sankolola gofɛrɛnɛman tilennin ye: Ala ka Masaya.—Yirali 14:1-3.

Ala ka Masaya bena dugukolo kɛ alijɛnɛ ye. Kɛlɛ, kojugukɛ, fantanya ani kɔngɔ tɛna kɛ yen tugun. Mɔgɔw bena kɛ hɛɛrɛ la tiɲɛn tiɲɛn na.—Zaburuw 145:16.