DƆNKILI 76
O be mun kɛ i la?
(Eburuw 13:15)
1. O be mun kɛ i la,
n’i be waajuli kɛra,
n’i b’a lɔn k’i b’i jija
ka mɔgɔw bɛɛ dɛmɛ?
E k’i seko bɛɛ kɛ,
Ala bena koow tɔɔ kɛ.
Ale lo be mɔgɔ bɛɛ
dusukun cogo lɔn.
(LAMINƐKAN)
Ka Jehova Ala tando,
o b’an lafiya, k’an ninsɔndiya.
An ka to k’an jija loon bɛɛ
ka Ala sago kɛ.
2. O be mun kɛ i la,
n’i ye kuma bɛnnin fɔ,
ka dɔ dusukun sɔrɔ
alijɛnɛ kosɔn?
Mɔgɔ dɔw t’an lamɛn,
dɔ wɛrɛw be an kɛlɛ.
O koow si tɛ ne bali
ka ninsɔndiya sɔrɔ.
(LAMINƐKAN)
Ka Jehova Ala tando,
o b’an lafiya, k’an ninsɔndiya.
An ka to k’an jija loon bɛɛ
ka Ala sago kɛ.
3. O be mun kɛ i la,
k’a lɔn ko Jehova ye
o baara kalfa i ma
ko i k’a kɛ fana?
An b’an jaa gwɛlɛya,
an be kuma diimanw fɔ.
Ka mɔgɔ sɔbɛw dɛmɛ,
kɔrɔtɔ baara lo.
(LAMINƐKAN)
Ka Jehova Ala tando,
o b’an lafiya, k’an ninsɔndiya.
An ka to k’an jija loon bɛɛ
ka Ala sago kɛ.
(Jaa lajɛ Kɛw. 13:48; 1 Tes. 2:4; 1 Tim. 1:11.)