Jagwɛlɛya

Yezu y’a kɛ cogo min na

VIDEWO: Yezu be kanbele nafolotigi dɔ ladi

1. VIDEWO filɛ wala Mariki 10:17-22 kalan. O kɔ, ɲiningali nunu jaabi:

1. N’a sɔrɔ Yezu ye jogo jumanw lo ye o kanbele nafolotigi la?

2. Mun na Yezu mako tun be kanuya ni jagwɛlɛya la walisa k’o kanbele ladi?

An be kalan min sɔrɔ Yezu fɛ

2. An ka ɲi k’a yira an ka Bibulu kalandenw na ko an b’u kanu. Nka, an ka ɲi k’an kɔnɔ gwɛ fana k’a fɔ u ye u ka ɲi ka min kɛ walisa k’u magwɛrɛ kosɔbɛ Jehova la.

Yezu ladegi

3. I ka Bibulu kalanden dɛmɛ a ka laɲinitaw latigɛ ani a k’a ɲini k’u dafa.

1. Gafe Ɲɛnamaya kɛ hɛɛrɛ la fɔɔ abada! ka kalansen kelen kelen bɛɛ kɔnɔ, baara kɛ ni yɔrɔ nin ye: “I ka laɲinita.”

2. Kalanden ka ɲi ka koo minw kɛ walisa ka laɲinita dɔw dafa wagati surun na ani wagatijan kɔnɔ, a dɛmɛ a k’o faamu.

3. I ka kalanden be ɲɛtaga minw kɛra, to k’a tando o kosɔn.

4. A ɲini k’a lɔn koo minw be i ka kalanden balila ka ɲɛtaga kɛ, ani a dɛmɛ a ka see sɔrɔ u kan.

1. N’i ka kalanden tɛ ɲɛtaga kɛra, i yɛrɛ ɲininga ko:

   • “Mun lo b’a balila ka ɲɛtaga kɛ?”

   • “N’ be se ka koo tigitigi juman lo kɛ k’a dɛmɛ?”

2. I ka kalanden ka ɲi ka min kɛ, Jehova deli a k’i jaa gwɛlɛya walisa i ka se k’o fɔ a ye. I kɔnɔ gwɛ ka kuma n’a ye, nka o kɛ ni kanuya ye.

5. Kalan lalɔ ni kalanden tɛ ɲɛtaga kɛra.

1. Walisa k’a lɔn n’i ka kalanden be ɲɛtaga kɛra, i yɛrɛ ɲininga ko:

   • “Kalanden be min kalanna, yala a b’o sira tagama wa?”

   • “Yala a be na kafo ka lajɛnw na, ani a be Bibulu ka kalanw kofɔ mɔgɔw ye wa?”

   • “A wagati damanin ye nin ye a be bibulukalan kɛra. Yala a b’a fɛ ka kɛ Jehova Seere ye wa?”

2. Ni Bibulu kalanden t’a fɛ ka ɲɛtaga kɛ:

   • Min b’a balila ka ɲɛtaga kɛ, a ɲini a fɛ a ka miiri o la.

   • A ɲɛfɔ a ye nɛmɛnɛmɛ fɛɛn min kama i b’a fɛ k’a ka kalan lalɔ.

   • A fɔ a ye a ka ɲi ka min kɛ n’a b’a fɛ i ka kalan kɛ n’a ye kokura.