I bena mun lo fɔ periyodikiw yiratɔ?
La Tour de Garde 15 nov.
“An b’a mɛn mɔgɔ dɔw daa la ko: ‘Yesu sara an kosɔn.’ [I ka Yuhana 3:16 kofɔ.] Yala i delila k’i yɛrɛ ɲininga cogo juman na mɔgɔ kelen ka saya be se k’an bɛɛ kisi wa? [A ka jaabili lamɛn.] Bibulu be jaabili nɔgɔman di o kan. Barokun nin ‘Yesu be kisili kɛ: cogo di?’ b’o ɲɛfɔ ka gwɛ.”
Réveillez-vous ! 22 nov.
“Yala hadamadenw be u seko bɛɛ kɛ walisa ka sigida lamini tanga wa? [A ka jaabili lamɛn.] Mɔgɔ caaman b’u yɛrɛ ɲininga ni ɲɛnamaya bena se ka to ten farati daa la dugukolo kan fɔɔ wagati jan tugu. A kɛra kunna diya ye, Ala b’i janto o koo la. [Nehemi 9:6 kalan.] Réveillez-vous ! b’a yira, ɲɛnamaya bena kɛ min ye dugukolo kan sini nata la.”
La Tour de Garde 1er déc.
“Saan wagati nin na, mɔgɔ caaman ɲɛɛ gwannen be ka nilifɛnw labɛn ani ka ɲumanya wɛrɛw kɛ. O b’an hakili jigi Sariya dafalen koo la. [Matiyu 7:12 kalan.] E ka miiri la, yala mɔgɔ be se ka ɲɛnamaya kɛ ka kɛɲɛ n’o sariya ye saan kuru bɛɛ kɔnɔ wa? [A ka jaabili lamɛn.] Sɛbɛ nin be mɔgɔ hakili jagabɔ. Barokun ko: ‘Yala mɔgɔ be se ka sariya dafalen sira tagama hali bi wa?’ ”
Réveillez-vous ! 8 déc.
“Bibulu ye lahidu ta ko loon dɔ, mɔgɔ si tɛna a fɔ tugun ko ‘ne man kɛnɛ.’ [Esayi 33:24 kalan.] Ka kɛɲɛ n’o lahidu ye, sɛbɛ nin be bana dɔ koo fɔ. Mɔgɔ miliyɔn caaman tɔɔrɔlen be a bolo: mɔgɔ kɔrɔw fara denmisɛnw kan. O sɛbɛ kuun ko ‘Tugudaw dimi: jigiya b’a la.’ Ne lanen b’a la ko a kalan bena kunnafoniw di i ma.”